ZAMECO yakumbushia sheria mpya ya habari

NA MWANDISHI MAALUM

KAMATI ya Wataalamu ya Vyombo vya Habari Zanzibar (ZAMECO), imeishauri serikali kukamilisha mchakato wa upatikanaji wa sheria mpya ya habari ili kuimarisha uhuru wa kujieleza na uwajibikaji.

Akizungumza wakati wa kongamano la maadhimisho ya Siku ya Uhuru wa Habari Duniani upande wa Zanzibar, lililofanyika Rahaleo Studio, Mjumbe wa ZAMECO, Salim Said Salim, alisema mchakato huo umechukua muda mrefu hivyo ipo haja ya kuchukuliwa kwa hatua za makusudi kuukamilisha.

“Katika miaka ya hivi karibuni tumeshuhudia sheria nyingi zikipitishwa na Baraza la Wawakilishi ila sheria ya habari mchakato wake umekuwa ukienda na kurudi kwa zaidi ya miaka 20 hali inayowafanya wadau wa tasnia ya habari kujiona wanyonge”, alisema Salim.

BAADHI ya waandishi wa habari na wafdau wa habari wakifuatilia uwaasilishaji wa mada wakati wa kongamano 

Aliziomba mamlaka zinazohusika kuendelea kushirikiana na taasisi za kihabari kuhakikisha sheria zote zinazowakwaza wanahabari na vyombo vya habari zinafanyiwa marekebisho ili kuimarisha upatikanaji wa habari sahihi katika mazingira salama.

Awali akifungua kongamano hilo kwa niaba ya Mwenyekiti wa Klabu ya Waandishi wa Habari Zanzibar (ZPC), Abdallah Abrahmani Mfaume, Katibu Mkuu, wa klabu hiyo, Mwinyimvua Abdi Nzukwi, alieleza kuwa maadhimisho hayo yanafanyika kukuza na kuimarisha kada ya habari nchini.

Hivyo aliwapongeza wanahabari kwa kuendelea kufanya kazi ya kuipatia jamii habari licha ya kuwepo kwa sera na sheria zisizoendana na wakati uliopo na kuwataka kuendelea kufanya hivyo hasa wakati huu nchi ikijiandaa na uchaguzi mkuu.

“Tunajua kuwa tunafanya kazi kwenye mazingira ambayo kisera na kisheria yana changamoto lakini kwa vile bado sheria na sera hizo hazijarekebishwa tunapaswa kuishi nazo huku tukizingatia mingi ya maadili ya kazi zetu ili twe salama”, alieleza Nzukwi.   

Naye Mratibu wa Baraza la Habari Tanzania (MCT) ofisi ya Zanzibar, Ziada Ahmed Kilobo, akizungumza kwa niaba ya Katibu Mtendaji wa Baraza hilo, alisema usalama wa wandishi wa habari ni muhimu hususani katika kipindi hiki cha uchaguzi mkuu ambapo serikali ina jukumu la kuhakikisha waandishi wa habari wanafanya kazi zao bila ya vitisho.

Aliongeza kuwa ili kuwa na jamii iliyoelimika, kunahitajika kuwa na vyombo vya habari makini na huru vinavyoweza kutoa habari na uchambuzi wa kina unaowafanya wananchi kufanya maamuzi sahihi.

Kwa upande wake,  Mkurugenzi wa Idara ya Habari Maelezo Zanzibar, Salum Ramadhan Shaaban, alisema changamoto mbali mbali zinazoikabili sekta ya habari zipo njiani kutatuliwa ikiwemo ya kupatikana kwa sheria mpya ya habari na sera ambayo alisema imeshakamilika.

Alifafanua kuwa hatua hizo zinachukuliwa ili kuwawekea waandishi wa habari mazingira mazuri ya kazi ambapo wizara kupitia idara hiyo itashirikiana na wadau kutoa mafunzo kwa waandishi wa habari kuimarisha utendaji wao.

Naye Mkurugenzi wa Chama cha Waandishi wa Habari Wanawake Tanzania, Zanzibar (TAMWA ZNZ), Dk. Mzuri Issa Ali, akiwasilisha maazimio ya kongamano hilo alisema waandishi wana wajibu wa kuandika habari kwa weledi na kuzingatia maadili hivyo wanayo haki ya kupata sheria ya habari inayolinda maslahi kama ilivyo kwa watendaji wa kada nyengine.

“Sote ni wataalamu na tunafanya kazi kwa kuzingatia hilo lakini lazima tupatiwe haki yetu ya kuwa na sheria nzuri ya habari, kufuatilia michakato ya sheria, kupewa ulinzi pamoja na kutopewa vitisho na kufanya kazi kwa usawa na ukweli”, aliongeza Dk. Mzuri.

Mkurugenzi wa Idara ya Habari Maelezo Zanzibar, Salum Ramadhan Shaaban, akizungumza wakati wa kongamano.


Mwandishi Mtangazaji wa kituo cha Redio ya Zenji FM, Berema Suleiman, akichangia mada wakati wa kongamano

Makamu Mwenyekiti wa Jumuiya ya Waandishi wa Habari za Maendeleo (WAHAMAZA), Jabir Idriss, akitoa maoni yake wakati wa kongamano.

Siku ya Uhuru wa Habari Duniani huadhimishwa kila mwaka ifikapo Mei 3, ambapo kwa Zanzibar kauli mbiu iliadhimishwa jumamosi iliyopita chini ya kaulimbiu ya ‘Sheria nzuri ya habari ni chachu ya uchaguzi ulio huru na wa haki’. 


Comments

Post a Comment

Popular posts from this blog

Airtel Foundation yazindua mpango wa udhamini wa masomo kwa vijana

Image
NA MWANDISHI WETU KAMPUNI ya mawasiliano ya Aiirtel Tanzania imezindua mpango wa udhamini wa masomo katika fani za teknolojia kwa vijana wa Afrika wanaosoma katika taasisi ya teknolojia ya india (IIT – Madras) kampasi ya Zanzibar. Uzinduzi huo umefanyika Oktoba 7, 2024 katika kampasi ya chuo hicho Bweleo, wilaya ya Magharibi ‘B’ Unguja na kuhudhuriwa na viongozi mbali mbali akiwemo Mkurugenzi Mtendaji wa Airtel Tanzania, Dk. Dinesh Balsingh na Waziri wa Elimu na Mafunzo ya Amali Zanzibar, Lela Muhamed Mussa. Viongozi wengine ni Naibu Waziri wa Elimu, Sayansi na Teknolojia Jamhuri ya Muungano wa Tanzania, Omar Kipanga, Balozi wa India nchini Tanzania, Dk. Biswadip Dey, Katibu Mkuu, Wizara ya Ujenzi, Mawasiliano na Uchukuzi, Makame Machano Haji na Mkuruaenzi wa IITMZ Prof. Preeti Aghalayam. Akizungumza kwa niaba ya Mwenyekiti wa Airtel Africa, Dk. Segun Ogunsanya,   Dk. Dinesh amesema programu hiyo inahusisha wanafunzi wa Afrika walofaulu michipuo ya sayansi na kwamba kila mwak...
Read more

ZAMECO yakerwa na video ya udhalilishaji mtandaoni

Image
NA MWANDISHI WETU KAMATI ya Wataalamu wa Masuala ya Habari Zanzibar (ZAMECO) inayoundwa na taasisi za kihabari na wadau wa habari imelaani video inayosambaa kwenye mitandao ya kijamii inayoonesha wasichana wawili waliorekodiwa na kuulizwa maswali yasiyo na maadili, kuvunja heshima na kukiuka haki za binaadamu. Taarifa iliyotolewa na taasisi hizo na kutiwa saini kwa pamoja na mwenyekiti wa klabu ya waandishi wa Habari Zanzibar (ZPC), Abdallah Mfaume na Mkurugenzi wa Chama cha Waandishi wa Habari Wanawake Tanzania (TAMWA ZNZ), Dk. Mzuri Issa, ilieleza kuwa tukio hili limeibua hisia kali kwa wadau wa habari, watetezi wa haki za binaadamu najamii kwa ujumla. Ilielezwa kuwa tukio hilo pia limeibua maswali yasiyo na majibu miongoni mwa wanahabari kuhusu maadili, haki za binadamu, na misingi ya uhuru wa vyombo vya habari. “Hivyo basi ZAMECO inasisitiza kuwa vitendo vya udhalilishaji kwa watoto wa kike na jamii ni ukiukwaji wa haki za binaadamu, maadili ya uandishi wa habari na kuvuruga ...
Read more

SMZ yawaita vijana kushiriki kilimo

Image
N A MWANDISHI WETU SERIKALI ya Mapinduzi Zanzibar, imewahimiza vijana nchini kubadili mitazamo yao juu ya kilimo kwani ni miongoni mwa kazi zenye faida na tija kiuchumi na kijamii. Waziri wa Kilimo, Umwagiliaji, Maliasili na Mifugo, Shamata Shaame Khamis, alitoa wito huo hivi karibuni baada ya kuzindua awamu ya pili ya mradi wa uendelezaji kilimo unaofadhiliwa na Serikali ya watu wa Marekani na serikali ya Jamhuri ya watu wa Korea Kusini, huko Kibokwa mkoa wa Kaskazini Unguja. Shamata a lieleza kuwa Serikali ya Mapinduzi Zanzibar na ya Jamhuri ya Muungano wa Tanzania zinashirikiana na washirika wa maendeleo wa ndani na nje ya nchi ili kutekeleza mikakati inayohakikisha vijana na wanawake wanawezeshwa na kutumia fursa zilizomo kwenye kilimo. Aliongeza kuwa kupitia programu na mikakati mbali mbali, vijana wamewezeshwa kumiliki biashara za kilimo na miundombinu ya uzalishaji kuzalisha mazao yanayohitajika kwenye hoteli za kitalii na masoko mengine ya ndani. “Hatua hii si tu inalenga kupun...
Read more