Vyombo vya habari vinapaswa kusimamia mshikamano wa Afrika - UAJ


NA MWANDISHI MAALUM, CAIRO

MSHAURI wa Baraza Kuu la Usimamizi wa Vyombo vya Habari nchini Misri, Reem Hindi, ameeleza haja ya vyombo vya habari barani Afrika kusimamia msingi wa mshikamano wa Kiafrika ili kustawisha maendeleo ya bara na tasnia ya habari kwa ujumla.

Alitoa rai hiyo wakati akifungua mafunzo ya 61 yaliyoandaliwa na Umoja wa Waandishi wa Habari wa Afrika (UAJ) kwa kushirikiana na Baraza Kuu la Udhibiti wa Vyombo vya Habari yanayoendelea jijini Cairo, Misri yanayoshirikisha waandishi wa habari kutoka mataifa 20 ya Afrika huku Muungano wa Klabu za Waandishi wa Habari Tanzania (UTPC) ukiwakilishwa na mwanachama wa Klabu ya Waaandishi wa Habari Zanzibar (ZPC), Khairat Haji Ali.

Mshauri huyo aliweka wazi dhamira ya nchi hiyo kuunga mkono jitihada za UAJ za kujenga weledi na uhuru wa vyombo vya habari barani Afrika kama miongoni mwa mikakati ya kukuza kasi ya maendeleo na demokrasia.

“Kupitia mafunzo, mijadala na kubadilishana uzoefu, vyombo vya habari vitaweza kusaidia nchi za Afrika kukua kiuchumi, kisiasa na kijamii jambo litakaloongeza kasi ya maendeleo”, alieleza Reem.

Nae Mhariri Mkuu wa gazeti la Al-Ahram Weekly na Ahram Online, Ezzat Ibrahim, aliyemwakilisha Rais wa umoja huo, Mahfouz Al-Ansary, alisisitiza kuwa mustakabali wa vyombo vya habari barani Afrika ni jukumu la Waafrika wenyewe kupitia mshikamano na ushirikiano.


Alieleza kuwa mafunzo yanashirikisha waandishi 22 wakiwemo viongozi wa vyama vya wanahabari ambapo mada kuu ya mafunzo ni nafasi ya Eneo Huru la Biashara la Afrika (AfCFTA), uandishi wa habari katika maeneo yenye migogoro, maadili ya taaluma na nafasi ya vyombo vya habari katika utetezi wa haki za binadamu na maendeleo ya kijamii.

“Mbali na semina, washiriki wanajifunza matumizi ya teknolojia mpya kama akili bandia (AI) katika uhariri na uzalishaji wa habari, sambamba na ziara za kitaaluma katika vyombo vikubwa vya habari na taasisi za elimu nchini Misri”, alieleza Ezzat.

Mwakilishi wa UTPC katika mafunzo hayo, Khairat alieleza kuwa uwakilishi wake sio tu unadhihirisha nafasi ya Tanzania katika meza ya mijadala ya kitaifa na kimataifa, bali pia unapanua upeo wa waandishi wa habari chipukizi na wazoefu katika kushiriki mafunzo ya kitaalamu.

“Kupitia fursa hii, UTPC inaendelea kuthibitisha dhamira yake ya kuwekeza katika weledi wa wanahabari wake kama chachu ya maendeleo ya kidemokrasia na kijamii nchini Tanzania jambo linalopaswa kupongezwa na kuendelezwa”, alisisitiza Khairat.


Aidha Khairat alitoa rai kwa washiriki wa mafunzo hayo kuhakikisha kuwa vyombo vya habari vya nchi zao vinafikia dhamira ya kuwa daraja la mshikamano wa kiafrika, dira ya kujenga tasnia huru na yenye maadili lakini pia jukwaa la kukuza ushirikiano utakaoisaidia Afrika kuandika simulizi zake kwa sauti yake.

Nae Olivier Nakanwagi, mwandishi wa habari kutoka Uganda, alisema ni muhimu waandishi wa Afrika kuandika habari njema na sahihi kuhusu bara lao ili kuepuka upotoshaji huku akisisitiza umuhimu kuanzishwa kwa njia zetu za mawasiliano zinazozungumzia nchi za Afrika vinavyoweza kufikiwa hata na watu walio nje ya bara.

“Nadhani waandishi wa Afrika tunapaswa kuangazia zaidi ubunifu, ujasiriamali na mafanikio ya kitamaduni ili vyombo vya habari vya kimataifa vipate picha halisi ya bara letu”, alieleza Oliver.

Nae Youssef El Khaider, kutoka Morocco, alisisitiza kuwa mafunzo hayo siyo tu fursa ya kujifunza mbinu mpya za uandishi, bali ni jukwaa muhimu la mshikamano wa kitaaluma unaoimarisha sauti za waandishi wa habari katika kupigania demokrasia, haki za binadamu na maendeleo ya jamii za Afrika.

“Mafunzo haya yametupa nafasi ya kujifunza, kushirikiana na kuelewa changamoto za kila nchi. Afrika ina kila kitu isipokuwa mshikamano na nia ya dhati. Ni wajibu wetu kuunganisha nguvu, kuandika historia yetu wenyewe na kulinda amani, kwa sababu wananchi ndio huchukua gharama kubwa ya migogoro,” alisema Youssef.


Akizungumzia umuhimu wa mafunzo haya, Fanta Diakite, mwandishi wa habari kutoka Mali, alieleza kuwa mafunzo haya ni jukwaa muhimu la kubadilishana uzoefu na kujifunza kutoka kwa waandishi wa habari wa mataifa mbali mbali.

Alisisitiza kwamba kazi ya uandishi siyo tu kutoa taarifa, bali pia kuimarisha mshikamano na kulinda heshima ya nchi na bara la Afrika kwa ujumla hivyo waandishi wa habari wa Afrika wanapaswa kuandika kwa kuzingatia maslahi na mazingira ya nchi zao kwani sisi ndio sauti ya wananchi na sauti ya wasio na sauti.

Comments

Post a Comment

Popular posts from this blog

'Zanzibar Matibabu Card' yashinda tuzo ya WSIS

Image
NA MWANDISHI MAALUM, USWISI WIZARA ya Afya Zanzibar imetunukiwa tuzo ya kimataifa ya ‘ World Summit on the Information Society’ (WSIS) kutokana na mafanikio ya utekelezaji wa mfumo wa matibabu kwa njia ya kadi maalum ya kidijitali ijulikanayo kama ‘ Zanzibar Matibabu Card’ , ambao umewezesha utoaji wa huduma bora za afya kwa wananchi kupitia teknolojia. Hafla ya kukabidhi tuzo hiyo ilifanyika Geneva, Uswisi na kuhudhuriwa na Waziri wa Teknolojia ya Habari na Mawasiliano wa serikali ya Jamhuri ya Muungano wa tanzania, Jerry Slaa, Balozi wa Tanzania Geneva, Abdallah Possi, pamoja na wajumbe kutoka Mamlaka ya Serikali Mtandao Zanzibar (e-GAZ) na Mamlaka ya Mawasiliano Tanzania (TCRA). Akipokea tuzo hiyo kwa niaba ya Serikali ya Mapinduzi Zanzibar, Waziri wa Afya Zanzibar, Nassor Ahmed Mazrui,   alisema mpango huo ni uthibitisho wa dhamira ya taifa kutumia teknolojia kuboresha maisha ya wananchi. Alieleza kuwa mfumo huo umeunganisha vituo vyote vya afya vya umma na taarifa za m...
Read more

ZAMECO yakerwa na video ya udhalilishaji mtandaoni

Image
NA MWANDISHI WETU KAMATI ya Wataalamu wa Masuala ya Habari Zanzibar (ZAMECO) inayoundwa na taasisi za kihabari na wadau wa habari imelaani video inayosambaa kwenye mitandao ya kijamii inayoonesha wasichana wawili waliorekodiwa na kuulizwa maswali yasiyo na maadili, kuvunja heshima na kukiuka haki za binaadamu. Taarifa iliyotolewa na taasisi hizo na kutiwa saini kwa pamoja na mwenyekiti wa klabu ya waandishi wa Habari Zanzibar (ZPC), Abdallah Mfaume na Mkurugenzi wa Chama cha Waandishi wa Habari Wanawake Tanzania (TAMWA ZNZ), Dk. Mzuri Issa, ilieleza kuwa tukio hili limeibua hisia kali kwa wadau wa habari, watetezi wa haki za binaadamu najamii kwa ujumla. Ilielezwa kuwa tukio hilo pia limeibua maswali yasiyo na majibu miongoni mwa wanahabari kuhusu maadili, haki za binadamu, na misingi ya uhuru wa vyombo vya habari. “Hivyo basi ZAMECO inasisitiza kuwa vitendo vya udhalilishaji kwa watoto wa kike na jamii ni ukiukwaji wa haki za binaadamu, maadili ya uandishi wa habari na kuvuruga ...
Read more

ZAMECO yakumbushia sheria mpya ya habari

Image
NA MWANDISHI MAALUM KAMATI ya Wataalamu y a  Vyombo vya Habari Zanzibar (ZAMECO), ime i shauri serikali kukamilisha mchakato wa upatikanaji wa sheria mpya ya habari ili kuimarisha uhuru wa kujieleza  na uwajibikaji . Akizungumza wa kati  w a kongamano la maadhimisho ya Siku ya Uhuru wa Habari Duniani upande wa Zanzibar, lililofanyika  Rahaleo  Studio , Mjumbe wa ZAMECO, Salim Said Salim, alisema mchakato huo umechukua muda mrefu   hivyo ipo haja ya kuchukuliwa kwa hatua za makusudi kuukamilisha. “Katika miaka  ya hivi karibuni  tu me shuhudia sheria nyingi zikipitishwa na Baraza la Wawakilishi ila sheria ya habari mchakato wake umekuwa ukienda na kurudi kwa zaidi ya miaka 20 hali inayowafanya wadau wa tasnia ya habari ku jion a wanyonge ”, alisema Salim. BAADHI ya waandishi wa habari na wafdau wa habari wakifuatilia uwaasilishaji wa mada wakati wa kongamano  Aliziomba mamlaka zinazohusika kuendelea kushirikiana na taasisi za kihabari kuhakiki...
Read more