ZPC, CPS zakubaliana kuimarisha uhusiano, mashirikiano

NA MWANDISHI MAALUM

KLABU ya Waandishi wa Habari Zanzibar (ZPC) na kampuni ya CPS Lives zimekubaliana kuendelea kushirikiana ili kufanikisha malengo ya taasisi hizo.

Makubaliano hayo yamefikiaa katika mazungumzo yaliyofa baina ya uongozi wa ZPC na kampuni hiyo inayojenga mji mpya wa Fumba (Fumba Town Development).

Mwenyekiti wa ZPC Abdallah Mfaume aliongoza ujumbe wa klabu yake ulipofanya ziara katika ofisi kampuni hiyo ziliopo ndani ya mji huo unaojengwa Nyamanzi, wilaya ya Magharibi "B'.

Mwenyekiti wa ZPC Abdallah Mfaume (alievaa kofia) akiongoza kikao cha majadiliano kati ya ZPC na Afisa Mtendaji Mkuu wa Kampuni ya CPS Live Tobias Dietzold.

Akizungumzia ziara hiyo, Mfaume alieleza kuwa ililenga kubadilishana mawazo, kumagua maendeleo ya ujenzi wa mji huo na kuimarisha uhusiano.

“Kwa muda wa miaka minne sasa ZPC na CPS tumekuwa na mahusiano ya kitaasisi yaliyolenga katika kuimarisha utendaji wa pande zote mbili na ndio maana tuliona umuhimu wa kuja kuwatembelea kushuhudia mafanikio yaliyofikiwa,” alieleza.

Alisema ZPC ikiwa ni taasisi mwamvuli ya waandishi wa habari inapaswa kuwa na mahusiano mema na wadau wake wakiwemo kutoka sekta binafsi ili kuharakisha maendeleo ya tasnia ya habari, taasisi hizo na jamii kwa ujumla.

Akizungumza  Mtendaji Mkuu wa CPS Live Tobias Dietzold alielezea kufurahishwa kwake jinsi taasisi hiyo ya kihabari inavyofuatilia maendeleo ya mradi huo unaohusika na ujenzi wa mji mpya wa maendeleo wa Fumba.


Mtendaji Mkuu wa kampuni ya CPS Lives Tobias Dietzold (kulia) akizungumza na viongozi wa ZPC. Wengine ni Mratibu wa ZPC Mgeni Hamad (kulia) na Mweka Hazina Halima Thuweni.

“Siku zote ZPC (klabu ya waandishi wa habari Zanzibar) imekuwa daraja muhimu kwa jamii ya watu ambao hawafiki huku kila mara. Na sisi tunaahidi tutaendelea kushirikiana na waandishi wa habari kupitia ZPC,” alieleza.

Ziara hiyo ya kawaida ilihusisha viongozi wa klabu hiyo ambao walipata nafasi ya kutembelea na kukagua maendeleo ya mradi huo unaohusisha ujenzi wa nyumba za makaazi huku baadhi yao zikiwa zimeshahamiwa.





 


Comments

Post a Comment

Popular posts from this blog

ZAMECO yakerwa na video ya udhalilishaji mtandaoni

Image
NA MWANDISHI WETU KAMATI ya Wataalamu wa Masuala ya Habari Zanzibar (ZAMECO) inayoundwa na taasisi za kihabari na wadau wa habari imelaani video inayosambaa kwenye mitandao ya kijamii inayoonesha wasichana wawili waliorekodiwa na kuulizwa maswali yasiyo na maadili, kuvunja heshima na kukiuka haki za binaadamu. Taarifa iliyotolewa na taasisi hizo na kutiwa saini kwa pamoja na mwenyekiti wa klabu ya waandishi wa Habari Zanzibar (ZPC), Abdallah Mfaume na Mkurugenzi wa Chama cha Waandishi wa Habari Wanawake Tanzania (TAMWA ZNZ), Dk. Mzuri Issa, ilieleza kuwa tukio hili limeibua hisia kali kwa wadau wa habari, watetezi wa haki za binaadamu najamii kwa ujumla. Ilielezwa kuwa tukio hilo pia limeibua maswali yasiyo na majibu miongoni mwa wanahabari kuhusu maadili, haki za binadamu, na misingi ya uhuru wa vyombo vya habari. “Hivyo basi ZAMECO inasisitiza kuwa vitendo vya udhalilishaji kwa watoto wa kike na jamii ni ukiukwaji wa haki za binaadamu, maadili ya uandishi wa habari na kuvuruga ...
Read more

Airtel Foundation yazindua mpango wa udhamini wa masomo kwa vijana

Image
NA MWANDISHI WETU KAMPUNI ya mawasiliano ya Aiirtel Tanzania imezindua mpango wa udhamini wa masomo katika fani za teknolojia kwa vijana wa Afrika wanaosoma katika taasisi ya teknolojia ya india (IIT – Madras) kampasi ya Zanzibar. Uzinduzi huo umefanyika Oktoba 7, 2024 katika kampasi ya chuo hicho Bweleo, wilaya ya Magharibi ‘B’ Unguja na kuhudhuriwa na viongozi mbali mbali akiwemo Mkurugenzi Mtendaji wa Airtel Tanzania, Dk. Dinesh Balsingh na Waziri wa Elimu na Mafunzo ya Amali Zanzibar, Lela Muhamed Mussa. Viongozi wengine ni Naibu Waziri wa Elimu, Sayansi na Teknolojia Jamhuri ya Muungano wa Tanzania, Omar Kipanga, Balozi wa India nchini Tanzania, Dk. Biswadip Dey, Katibu Mkuu, Wizara ya Ujenzi, Mawasiliano na Uchukuzi, Makame Machano Haji na Mkuruaenzi wa IITMZ Prof. Preeti Aghalayam. Akizungumza kwa niaba ya Mwenyekiti wa Airtel Africa, Dk. Segun Ogunsanya,   Dk. Dinesh amesema programu hiyo inahusisha wanafunzi wa Afrika walofaulu michipuo ya sayansi na kwamba kila mwak...
Read more

SMZ yawaita vijana kushiriki kilimo

Image
N A MWANDISHI WETU SERIKALI ya Mapinduzi Zanzibar, imewahimiza vijana nchini kubadili mitazamo yao juu ya kilimo kwani ni miongoni mwa kazi zenye faida na tija kiuchumi na kijamii. Waziri wa Kilimo, Umwagiliaji, Maliasili na Mifugo, Shamata Shaame Khamis, alitoa wito huo hivi karibuni baada ya kuzindua awamu ya pili ya mradi wa uendelezaji kilimo unaofadhiliwa na Serikali ya watu wa Marekani na serikali ya Jamhuri ya watu wa Korea Kusini, huko Kibokwa mkoa wa Kaskazini Unguja. Shamata a lieleza kuwa Serikali ya Mapinduzi Zanzibar na ya Jamhuri ya Muungano wa Tanzania zinashirikiana na washirika wa maendeleo wa ndani na nje ya nchi ili kutekeleza mikakati inayohakikisha vijana na wanawake wanawezeshwa na kutumia fursa zilizomo kwenye kilimo. Aliongeza kuwa kupitia programu na mikakati mbali mbali, vijana wamewezeshwa kumiliki biashara za kilimo na miundombinu ya uzalishaji kuzalisha mazao yanayohitajika kwenye hoteli za kitalii na masoko mengine ya ndani. “Hatua hii si tu inalenga kupun...
Read more