Tumejipanga kuzikabili changamoto za wakulima wa mwani - Waziri

NA MWANDISHI WETU, PEMBA

IMEELEZWA kuwa mashirikiano ya wadau mbali mbali na serikali yatachochea kasi ya kuzitafutia ufumbuzi changamoto zinazowakabili wakulima wa mwani na zao hilo kwa ujumla.

Akifungua mafunzo ya wakufunzi wa wakulima wa mwani katika ukumbi wa Shirika la Biashara la Taifa Zanzibar (ZSTC), Wawi Pemba, Waziri wa Kilimo, Umwagiliaji, Maliasili na Mifugo, Dk. Soud Nahoda Hassan, alieleza kuwa kupitia dhana ya uchumi wa bluu zao hilo litaimarishwa ili kuongeza uzalishaji.


Waziri wa Kilimo, Umwagiliaji, Mliasili na Mifugo, Soud Nahoda Hassan akifungua mafunzo ya wakufunzi wa wakulima wa mwani.

Alisema changamoto nyingi zinatokana na mabadiliko ya tabia nchi, zimeathiri kwa kiasi kikubwa shughuli za kilimo hicho lakini wataalamu wameendelea kufanya utafiti wa kuzikabili ikiwa ni pamoja na uzalishaji wa mbegu zenye uwezo wa kukabiliana na mabadiliko ya hali ya hewa na maradhi.

“Juhudi zote hizo zinafanyika ili kuinua kipato na hali za wakulima, hivyo niwatie moyo serikali itaendelea kushirikiana na wadau kama REPOA (Taasisi ya Utafiti wa Sera na Maendeleo na Umaskini Afrika) katika kufikia malengo,” alisema Nahoda.

Aidha dk. Nahoda alieleza kuwa mipango ya serikali kujenga kiwanda cha kusarifu zao hilo itasaidia kutanua soko na kuongeza bei ya zao hilo jambo litakalokuza uchumi wa wakulima hao na Zanzibar kwa ujumla.

“Mahitaji ya kiwanda kinachojengwa ni tani 30,000 wakati uzalishaji kwa sasa ni chini ya tani 20,000 kwa mwaka hivyo ipo haja ya kutafuta mbinu za kuongeza uzalishaji utakaokidhi mahitaji ya kiwanda lakini pia kusafirisha nje,” aliongeza Dk. Nahoda.

Washiriki wa mafunzo ya wakufunzi wa wakulima wa mwani wakifuatilia mafunzo.

Awali akitoa taarifa kuhusiana na mafunzo hayo, katibu mkuu wa wizara ya biashara na maendeleo ya viwanda, Juma Hassan Reli, alisema yamelenga kuwajengea uwezo wakulima kuzalisha mwani katika maji makubwa kinyume na ilivyo sasa.

Alisema katika mafunzo hayo wakufunzi hao ambao wanatoka katika maeneo mbali mbali ya kisiwa cha pemba, watapatiwa mbinu za uzalishaji na namna ya kujikinga na madhara yanayotokana na uzalishaji wa mazao hayo.

Aidha aliongeza kuwa, pamoja na mafunzo, wizara yakle imeandaa sera ya mwani ambayo imelenga kuimarisha uzalishaji, kuongeza thamani na bei ya zao hilo.

“Kwa sasa ZSTC (Shirika la Biashara la Taifa) linanua mwani wa cotonee kwa shilingi 1,800 kwa kilo hivyo kupitia mafunzo haya tunaamini uzalishaji utaongezeka na kupata ziada ya tani 12,000 ambazo zitauzwa kwa wanunuzi wengine,” alieleza Reli.

Aliongeza kuwa hatua hiyo inawahakikishia wakulima wa mwani soko la uhakika na kuishukuru REPOA kwa kufanya tafiti za maendeleo ya zao hilo lakini pia kuwajengea uwezo wakulima na wadau wengine wa zao hilo kukuza uchumi.

Akizungumza na waandishi wa habari kando ya mafunzo hayo, Waziri Mstaafu wa Biashara na Viwanda, Balozi Amina Slaum Ali, aliipongeza serikali ya awamu ya nane kwa kuendeleza programu za maendeleo ya sekta ya mwani ambayo alisema imekuwa na mchango mkubwa kwa wananchi hasa wanawake.

Viongozi wa meza kuu wakiongozwa na Waziri wa Kilimo, Umwagiliaji, Maliasili na Mifugo (wa tatu kutoka kulia) Soud Nahoda Hassan wakiwa katika mafunzo hayo. Wa kwanza ni Balozi Amina Salum Ali, Waziri Msataafu wa Biashara na Viwanda.

“Kwa muda mrefu kilimo cha mwani kinafanywa na wanawake, wakati umefika kwa vijana wakiume na wananume kushiriki katika kilimo hiki na kuchangamkia fursa zinazopatikana kwani soko lipo na serikasali ipo tayari kusaidia,” alisema Balozi Amina.

Akitoa shukrani kwa niaba ya washiriki wengine wa mafunzo hayo, mkulima fatma Muhammad makame wa makangale, aliishukuru serikali na wadau mbali mbali kwa kuwapatia mafunzo hayo na mengine ambayo yamewawezesha kujikwamua kiuchumi.

“Mafunzo ya mara kwa mara yametujengea uwezo wa kusarifu mwani na kuzalisha bidhaa za chakula na matumizi ya nyumbani badala ya kuuza kama ulivyo kwa wafanyabiashara ambako bei ilikuwa sio nzuri sana,” alisema mkulima huyo.

Mafunzo hayo ya siku saba yatafanyika kwa nadharia na vitendo ambapo wakufunzi hao watajifunza njia mbali mbali za uzalishaji wa mwani katika maji makubwa, namna bora ya utunzaji na kuliongezea thamani zao hilo.

Baada ya kufungua mafunzo hayo, Dk. Nahoda akiambatana na maafisa wa taasisi ya REPOA walitembelea eneo lililotengwa kwa ajili ya kiwanda cha kusarifu mwani liliopo Chamanangwe, wilaya ya Wete, mkoa wa Kaskazini Pemba. 

 

  

 

 

Comments

Post a Comment

Popular posts from this blog

ZALIRI, FLI zaingia makubaliano kuimariusha sekta mifugo

Image
NA MWANDISHI MAALUM, WKUMM WIZARA ya Kilimo Umwagiliaji, Maliasili na Mifugo imeeleza kuwa itaendelea kushirikiana na wadau mbali mbali kupitia taasisi zake kustawisha sekta ya kilimo na ufugaji. Waziri wa wizara hiyo, Shamata Shaame Khamis alieleza hayo baada ya kushuhudia utiaji saini ya makubaliano ya ushirikiano na kiutendaji kati ya Taasisi ya Utafiti wa Mifugo Zanzibar (ZALIRI) na taasisi ya Friedrich Loeffler Institut (FLI) ya nchini Ujerumani.  Katika hafla hiyo, Mkurugenzi Mkuu wa ZARILI, Talib Saleh Suleiman alitia saini kwa niaba ya taasisi hiyo na kwa upande wa  FLI, Mkurugenzi wa Institute of International Animal/One Health, Prof. Sascha Knauf aliiwakilisha taasisi yake. Waziri Shamata  alieleza kuwa  serikali ya Ujerumani imekuwa na ushirikiano wa karibu na serikali ya Jamhuri ya Muungano wa Tanzania na Serikali ya Mapinduzi  Zanzibar katika mipango yake ya maendeleo.  Alifahamisha kuwa utiaji saini huo utaongeza ufanisi na wataalamu wa utafiti wa masuala ya mifugo lakini
Read more

Ibueni changamoto zinazokamisha usawa wa kijinsia - Simbaya

Image
NA MWANAISHA SHARIA, MOROGORO WAANDISHI wa habari wametakiwa kuendelea kuibua changamoto mbali mbali zinazowakabili wanawake ili wapate fursa za maendeleo zinazojitokeza nchini. Mkurugenzi wa Muungano wa Klabu za Waandishi wa Habari Tanzania (UTPC), Kenneth Simbaya alipokua akifungua mafunzo ya kuwajengea uwezo waandishi wa habari kuhusu kuandika habari za usawa wa kijinsia yaliyofanyika hoteli ya Flomi, mjini Morogoro. Amesema wandishi wa habari wana nguvu ya kufikisha ujumbe kwa jamii hivyo wana jukumu la kuhakikisha wanatoa elimu ya usawa wa kijinsia ili kutatua changamoto zilizopo. "Waandishi wa habari mtakapoibua kero za wanawake na kuzisemea mtaleta mabadiliko kwa wanawake hao lakini pia jamii nzima kwani kupitia kwao ukatili na ukandamizaji wanawake na watoto wa kike utaondoka”, alieleza Simbaya. Aidha Mkurugenzi huyo amewataka waandishi waliopatiwa mafunzo hayo kutumia vizuri elimu hiyo kwa kuandika habari na kuanda vipindi kuhusu usawa wa kijinsia ili kuleta mabadil
Read more

Uislam unakubali uzazi wa mpango

Image
NA MWAANDISHI MAALUM KWA muda mrefu, suala la uzazi wa mpango limekuwa na mjadala mrefu katika jamii na vyombo vya habarijuu ya kama jee ni sawa au linapingana na maelekezo ya dini ya Kiislamu? Maelezo yamekuwa mengi na yenye aina tafauti ya maelezo, lakini ukweli na uhakika ni kwamba dini ya Kiislamu haina pingamizi juu ya uzazi wa mpango kwa vile linasaidia mzazi na mtoto kuwa na afya bora. Sheikh Khamis Abdulhamid Mjumbe wa Baraza la Maulamaa Zanzibar, Sheikh Khamis Abdulhamid, amesema dini ya Kiislamu haijakataza  uzazi wa mpango ambao hauna na madhara kwa pande zote mbili. “Wakati Quran inashushwa Masahaba waliwahi kusema Quran haikutukataza kutumia njia ya mshindo (kumwanga maji ya uzazi nje) ili kupanga uzazi“, Sheikh Khamis alisemaa. Hata hivyo, aliongeza ni muhmu kwa wanawaume kujitahidi kufuatilia na kujipanga kupata elimu ili ndoa zao ziwe na furaha kwa kuweka utaratibu maalum wa kupata watoto. “Ikiwa mtu atasema ukikataa kuzaa nimekuacha basi hakika hio ni talaka ila hi
Read more