Vyama tisa vyapongeza CCM, ACT kuunda SUK

NA MWANDISHI WETU

VYAMA vya upinzani Zanzibar vimempongeza Rais wa na Mwenyekiti wa Baraza la Mapinduzi Dk. Hussein Ali Mwinyi kwa hotuba aliyoitoa wakati wa hafla ya kumuapisha Maalim Seif Sharif Hamad kuwa Makamo wa kwanza wa Rais wakisema imeakisi dhamira yake ya kujenga Zanzibar mpya.

Katibu Mkuu wa Chama cha Demokrasia Makini ambae pia ni katibu wa umoja huo unaoundwa na vuyama tisa vya siasa, Ameir Hassan Ameir, aliyasema hayo wakati akizungumza na waandishi wa vyombo mbali mbali vya habar na kueleza kuwa kama kufanya hivyo pia ni kuitii katiba na sheria ya Zanziar.

Alisema kitendo cha kumteua na kumuapisha kiongozi huyo wa chama cha ACT Wazalendo pia kunatimiza ahadi ya dk. Mwinyi aliyoitoa wakati wa kampeni na baada ya kuapishwa kuwa atashirikiana na vyama vya siasa ili kuunda serikali ya kitaifa itakayoleta maendeleo ya haraka kwa wananchi wake.

“Kwa heshima zote Rais (Dk. Mwinyi) alimteuwa na kumuapisha Maalim Seif Sharif Hamad kuwa Makamuwa wa Kwanza wa Rais, hivyo kwa hatua hiyo sisi kama vyama vya siasa tunampongeza sana kwa kutimiza matakwa ya katiba,” alisema

Aidha alisema umoja huo utatekeleza kwa vitendo yale yote aliyoyazungumza Rais ikiwemo wajibu wao kama vyama vya siasa katika kuleta maendeleo ya nchi.

Ameir aliwataka viongozi wote wajue wajibu wao na kwa pamoja wamuunge mkono Dk. mwinyi katika kuijenga nchi na sio kuibomoa, kwani uwajibikaji wa Rais unaonesha azma njema ya kuiletea maendeleo ya haraka nchi.


KATIBU wa Umoja usio rasmi wa vyama vya upinzani Zanzibar , Ameir Hassan Ameir, akizungumza na waandishi wa habarimjini zanzibar. 

Nae Katibu wa Chama cha UDPD, Hamad Mohammed Ibrahim, alimpongeza Dk. Mwinyi kwa uzalendo aliouonesha wa kumteua kiongozi huyo na kwamba kufanya hivyo kutawaunganisha wananchi wa Zanzibari.

“Zanzibar watu wake wapo kitu kimoja, hivyo uamuzi wad k. mwinyi kuridhia kuunda serikali ya pamoja bila kujali tofauti za kisiasa ni jambo jema na kila mwananchi anatakiwa kumuunga mkono ili kuleta maendeleo ya nchi,” aliongeza Hamad.

Kwa upande wake Makamu Mwenyekiti wa Chama cha DP, Peter Agaton, alisema ameridhishwa na utendaji kazi wa Dk. Mwinyi na kuahidi wataendelea kushirikiana nae katika utekelezaji wa mipango yake ya kuiletea maendeleo zanzibar.

“Hata kama hatuna nyazifa yeyote katika serikali, bado kama viongozi wa kisiasa tuna wajibu wa kuhakikisha mipango ya kiongozi aliechaguliwa inatekelezeka,” aliemeza Agaton.

Aidha aliwataka viongozi na watendaji wa taasisi mbali mbali za umma kuendelea kutekekeleza majukumu yao kwa kuzingatia sheria na muundo wa utendaji wa Dk. Mwinyi ambae aliapa kupambana na uzembe, rushwa na uhujumu uchumi.

Comments

Post a Comment

Popular posts from this blog

ZALIRI, FLI zaingia makubaliano kuimariusha sekta mifugo

Image
NA MWANDISHI MAALUM, WKUMM WIZARA ya Kilimo Umwagiliaji, Maliasili na Mifugo imeeleza kuwa itaendelea kushirikiana na wadau mbali mbali kupitia taasisi zake kustawisha sekta ya kilimo na ufugaji. Waziri wa wizara hiyo, Shamata Shaame Khamis alieleza hayo baada ya kushuhudia utiaji saini ya makubaliano ya ushirikiano na kiutendaji kati ya Taasisi ya Utafiti wa Mifugo Zanzibar (ZALIRI) na taasisi ya Friedrich Loeffler Institut (FLI) ya nchini Ujerumani.  Katika hafla hiyo, Mkurugenzi Mkuu wa ZARILI, Talib Saleh Suleiman alitia saini kwa niaba ya taasisi hiyo na kwa upande wa  FLI, Mkurugenzi wa Institute of International Animal/One Health, Prof. Sascha Knauf aliiwakilisha taasisi yake. Waziri Shamata  alieleza kuwa  serikali ya Ujerumani imekuwa na ushirikiano wa karibu na serikali ya Jamhuri ya Muungano wa Tanzania na Serikali ya Mapinduzi  Zanzibar katika mipango yake ya maendeleo.  Alifahamisha kuwa utiaji saini huo utaongeza ufanisi na wataalamu wa utafiti wa masuala ya mifugo lakini
Read more

Ibueni changamoto zinazokamisha usawa wa kijinsia - Simbaya

Image
NA MWANAISHA SHARIA, MOROGORO WAANDISHI wa habari wametakiwa kuendelea kuibua changamoto mbali mbali zinazowakabili wanawake ili wapate fursa za maendeleo zinazojitokeza nchini. Mkurugenzi wa Muungano wa Klabu za Waandishi wa Habari Tanzania (UTPC), Kenneth Simbaya alipokua akifungua mafunzo ya kuwajengea uwezo waandishi wa habari kuhusu kuandika habari za usawa wa kijinsia yaliyofanyika hoteli ya Flomi, mjini Morogoro. Amesema wandishi wa habari wana nguvu ya kufikisha ujumbe kwa jamii hivyo wana jukumu la kuhakikisha wanatoa elimu ya usawa wa kijinsia ili kutatua changamoto zilizopo. "Waandishi wa habari mtakapoibua kero za wanawake na kuzisemea mtaleta mabadiliko kwa wanawake hao lakini pia jamii nzima kwani kupitia kwao ukatili na ukandamizaji wanawake na watoto wa kike utaondoka”, alieleza Simbaya. Aidha Mkurugenzi huyo amewataka waandishi waliopatiwa mafunzo hayo kutumia vizuri elimu hiyo kwa kuandika habari na kuanda vipindi kuhusu usawa wa kijinsia ili kuleta mabadil
Read more

Uislam unakubali uzazi wa mpango

Image
NA MWAANDISHI MAALUM KWA muda mrefu, suala la uzazi wa mpango limekuwa na mjadala mrefu katika jamii na vyombo vya habarijuu ya kama jee ni sawa au linapingana na maelekezo ya dini ya Kiislamu? Maelezo yamekuwa mengi na yenye aina tafauti ya maelezo, lakini ukweli na uhakika ni kwamba dini ya Kiislamu haina pingamizi juu ya uzazi wa mpango kwa vile linasaidia mzazi na mtoto kuwa na afya bora. Sheikh Khamis Abdulhamid Mjumbe wa Baraza la Maulamaa Zanzibar, Sheikh Khamis Abdulhamid, amesema dini ya Kiislamu haijakataza  uzazi wa mpango ambao hauna na madhara kwa pande zote mbili. “Wakati Quran inashushwa Masahaba waliwahi kusema Quran haikutukataza kutumia njia ya mshindo (kumwanga maji ya uzazi nje) ili kupanga uzazi“, Sheikh Khamis alisemaa. Hata hivyo, aliongeza ni muhmu kwa wanawaume kujitahidi kufuatilia na kujipanga kupata elimu ili ndoa zao ziwe na furaha kwa kuweka utaratibu maalum wa kupata watoto. “Ikiwa mtu atasema ukikataa kuzaa nimekuacha basi hakika hio ni talaka ila hi
Read more