Soraga awataka wajasiriamali kujengeana uwezo kibiashara


NA MWAMDISHI WETU

WAJASIRIAMALI wadogo wadogo na wafanyabiashara wametakiwa kutumia matamasha ya kibiashara kujengeana uwezo, umoja na kupeana taarifa zitakazoimarisha biashara nchini.

WAZIRI wa Nchi, Ofisi ya Rais, Kazi, Uchumi na Uwekezaji, Mudrik Ramadhan Soraga ambae pia ni Kaimu waziri wa Biashara na maendeleo ya Viwanda, alieleza hayo alipokuwa akifunga tamsha la saba la biashara katika viwanja vya Maisara Suleiman, mjini Unguja.

Alisema iwapo wadau wa biashara wataendelea kuunga mkono matamasha hayo, mipango ya serikali kuwawezesha kutangaza biashara zao utafanikiwa na kuleta tija kwa jamii nzima.

Alieleza wizara yake ina mpango wa kuweka tamasha hilo mara mbili kwa mwaka ili kutanua wigo kwa wajasiriamali, wafanyabiashara na taasisi za umma pamoja na binafsi kutangaza biashara na huduma wanazozitoa kwa jamii.

Alisema kuwa wizara imefarajika na kupata matumaini makubwa kuona wanaendelea kushiriki katika maonyesho jambo alilosema litaendelea kuungwa mkono na wizara hiyo kufanikisha matamasha kama hayo.

“Nitumie fursa hii pia kuwaomba kusajili biashara na shughuli zenu kwa kutumia mifumo ya kidigitali iliyopo ili muweze kutambulika kisheria na kurahisisha ulipaji wa kodi ya serikali,” alieleza Soraga.

Aidha Waziri huyo alirejea wito wa kuwaomba wawekezaji kujitokeza na kuwekeza Zanzibar kwani Rais wa Zanzibar na Mwenyekiti wa Baraza la Mapinduzi Dk. Hussein Ali Mwinyi, ameahidi kupunguza kodi kwa wawekezaji na wafanyabiashara wa bidhaa wanazozalisha au kuzileta nchini.

Akimkaribisha Waziri huyo, Katibu Mkuu, Wizara ya Biashara na Maendeleo ya Viwanda, Juma Hassan Reli, alisema kuwa tamasha hilo limefana kutokana na ushirikiano wa wafanyabiashara na waandishi wa habari ambao wamelitangaza tamasha hilo lililofunguliwa na Makamu wa rais wa Jamhuri ya muungano wa Tanzania, Samia Suluhu Hassan.

“Tamasha hili limefanikiwa kwa zaidi ya asilimia 90 ambapo limewakutanisha wafanyabiashara mbalimbali pamoja na wanunuzi sambamba na kuwajengea uzoefu wafanyabiashara na mauzo yameongezeka.

Naye, Mkurugenzi Mtendaji wa Jumuiya ya Wafanyabiashara wenye Viwanda na Wakulima, Hamad Hamad, alisema nia njema ya serikali kwa wafanyabiashara kutaka kuwakuza wafanyabiashara hivyo waliahidi kuiunga mkono serikali ili kufanya kazi zao ipasavyo.

“Jambo la busara kuwekwa kwa wajasiriamali mbalimbali kwani wanaweza kubadilishana uzoefu wa biashara hizo kuweza kuwa na kiwango cha juu na kuweza kuuzika katika soko la ndani na nje ya nchi,” alieleza Hamad.

Nao baadhi ya washiriki wa maonyesho hayo, walieleza kuwa yamewapa nafasi ya kutangaza biashara na shughuli wanazozifanya jambo ambalo limeongeza ufanisi wa kibiashara.

Meneja wa Benki ya NMB kanda ya Zanzibar, Abdallah Duchi, alisema benki hiyo inawathamini wajasiriamali na wafanyabiashara wadogo wadogo hivyo itaendelea kuunga mkono jitihada zao wanazozifanya.

“Tumejipanga kutoa suluhisho la huduma za kifedha, kwa kuwa na mfumo bora zaidi wa ubadilishaji fedha na biashara ya kadi,” alieleza Duchi.

Aidha Duchi aliishukuru Serikali ya Mapinduzi ya Zanzibar kwa kuwaonesha fursa kupitia kwenye uchumi wa buluu, ambapo NMB wamekuwa na uzoefu wa biashara hizo.

Naye Meneja wa Zanzibar Cable Televisheni, Hafidh Kassim, aliahidi kushiriki kadri itakavyowezekana katika tamasha hilo ili iwe ni moja ya kuendelea kuwapatia wananchi habari kupitia vyombo vyao vya habari.

Katika tamasha hilo washiriki zaidi ya 360 wameshiriki katika tamasha hilo lililoanza Januari 5 hadi 15 mwaka huu ambalo ni sehemu ya maadhimisho ya miaka 57 ya mapinduzi ya Zanzibar yaliyofikia kilele chake Januari 12, mwaka huu katika viwanja vya Mnazi Mmoja.

Comments

Post a Comment

Popular posts from this blog

ZALIRI, FLI zaingia makubaliano kuimariusha sekta mifugo

Image
NA MWANDISHI MAALUM, WKUMM WIZARA ya Kilimo Umwagiliaji, Maliasili na Mifugo imeeleza kuwa itaendelea kushirikiana na wadau mbali mbali kupitia taasisi zake kustawisha sekta ya kilimo na ufugaji. Waziri wa wizara hiyo, Shamata Shaame Khamis alieleza hayo baada ya kushuhudia utiaji saini ya makubaliano ya ushirikiano na kiutendaji kati ya Taasisi ya Utafiti wa Mifugo Zanzibar (ZALIRI) na taasisi ya Friedrich Loeffler Institut (FLI) ya nchini Ujerumani.  Katika hafla hiyo, Mkurugenzi Mkuu wa ZARILI, Talib Saleh Suleiman alitia saini kwa niaba ya taasisi hiyo na kwa upande wa  FLI, Mkurugenzi wa Institute of International Animal/One Health, Prof. Sascha Knauf aliiwakilisha taasisi yake. Waziri Shamata  alieleza kuwa  serikali ya Ujerumani imekuwa na ushirikiano wa karibu na serikali ya Jamhuri ya Muungano wa Tanzania na Serikali ya Mapinduzi  Zanzibar katika mipango yake ya maendeleo.  Alifahamisha kuwa utiaji saini huo utaongeza ufanisi na wataalamu wa utafiti wa masuala ya mifugo lakini
Read more

Ibueni changamoto zinazokamisha usawa wa kijinsia - Simbaya

Image
NA MWANAISHA SHARIA, MOROGORO WAANDISHI wa habari wametakiwa kuendelea kuibua changamoto mbali mbali zinazowakabili wanawake ili wapate fursa za maendeleo zinazojitokeza nchini. Mkurugenzi wa Muungano wa Klabu za Waandishi wa Habari Tanzania (UTPC), Kenneth Simbaya alipokua akifungua mafunzo ya kuwajengea uwezo waandishi wa habari kuhusu kuandika habari za usawa wa kijinsia yaliyofanyika hoteli ya Flomi, mjini Morogoro. Amesema wandishi wa habari wana nguvu ya kufikisha ujumbe kwa jamii hivyo wana jukumu la kuhakikisha wanatoa elimu ya usawa wa kijinsia ili kutatua changamoto zilizopo. "Waandishi wa habari mtakapoibua kero za wanawake na kuzisemea mtaleta mabadiliko kwa wanawake hao lakini pia jamii nzima kwani kupitia kwao ukatili na ukandamizaji wanawake na watoto wa kike utaondoka”, alieleza Simbaya. Aidha Mkurugenzi huyo amewataka waandishi waliopatiwa mafunzo hayo kutumia vizuri elimu hiyo kwa kuandika habari na kuanda vipindi kuhusu usawa wa kijinsia ili kuleta mabadil
Read more

Uislam unakubali uzazi wa mpango

Image
NA MWAANDISHI MAALUM KWA muda mrefu, suala la uzazi wa mpango limekuwa na mjadala mrefu katika jamii na vyombo vya habarijuu ya kama jee ni sawa au linapingana na maelekezo ya dini ya Kiislamu? Maelezo yamekuwa mengi na yenye aina tafauti ya maelezo, lakini ukweli na uhakika ni kwamba dini ya Kiislamu haina pingamizi juu ya uzazi wa mpango kwa vile linasaidia mzazi na mtoto kuwa na afya bora. Sheikh Khamis Abdulhamid Mjumbe wa Baraza la Maulamaa Zanzibar, Sheikh Khamis Abdulhamid, amesema dini ya Kiislamu haijakataza  uzazi wa mpango ambao hauna na madhara kwa pande zote mbili. “Wakati Quran inashushwa Masahaba waliwahi kusema Quran haikutukataza kutumia njia ya mshindo (kumwanga maji ya uzazi nje) ili kupanga uzazi“, Sheikh Khamis alisemaa. Hata hivyo, aliongeza ni muhmu kwa wanawaume kujitahidi kufuatilia na kujipanga kupata elimu ili ndoa zao ziwe na furaha kwa kuweka utaratibu maalum wa kupata watoto. “Ikiwa mtu atasema ukikataa kuzaa nimekuacha basi hakika hio ni talaka ila hi
Read more