SMZ yaahidi mazingira mazuri kuibua viongozi wanawake

NA MWANDISHI MAALUM

IMEELEZWA kuwa iwapo kutawekwa mazingira mazuri ya sera na sheria kuna uwezekano mkubwa wa kuongeza idadi ya viongozi wanawake serikalini na katika vyombo vya maamuzi.

Akizindua muongozo wa ‘ushiriki wa wanawake katika uongozi’, Katibu wa Baraza la Mapinduzi na Katibu Mkuu Kiongozi, Mhandisi Zena Ahmed Said, alisema Serikali ya Mapinduzi Zanzibar (SMZ) itafanya hivyo kuunga mkono juhudi asasi za kiraia zilizolenga kutoa kipaumbele kwa mwanamke katika nafasi za uongozi.

Uzinduzi wa muongozo huo ulioandaliwa kwa pamoja na Chama cha Waandishi wa Habari Wanawake (TAMWA), Chama cha Wanasheria Wanawake (ZAFELA) na Jumuia ya Jinsia na Utetezi wa Mazingira Pemba (PEGAO), ulifanyika katika ukumbi wa Sheikh Idrisa Abdul Wakil,  Kikwajuni mjini Unguja Februari 14, 2021.

Mhandisi Zena, alisema serikali ya awamu ya nane itajitahidi kuondoa vikwazo vyote, ikiwemo urasimu ili kuhakikisha wanawake wanapewa fursa na nafasi za uongozi bila kwa kuzingatia uwezo wao.

“Tunahitaji kuwa na Zanzibar yenye uwiyano wa kijinsia katika uongozi, hivyo suala la jinsi lisiwe kikwazo cha kutompa fursa mwanamke kuwa kiongozi kwani mwanamke akipewa nafasi anaweza na anawajabika ipasavyo kuiletea maendeleo jamii yake,” alisema Mhandisi Zena.

Aidha alizipongeza asasi za kiraia kwa jitihada zao za kuandaa miradi ya kuwahamasisha wanawakae kujiinua kwenye masuala ya uongozi na mambo mengine yakiwemo ya kiuchumi.

Alisema kupitia mradi huo waliouzindua, utasaidia kuleta hamasa na shauku kubwa kwa wanawake wa Unguja na Pemba katika kushiriki kwenye masuala ya uongozi, kwani mwanamke anapopewa fursa anaweza.

Alieleza kuwa serikali inatambua kuwa jinsi ya kike inakumbana na changamoto mbali mbali ikiwemo ya kasumba ya mfumo dume uliojengeka katika jamii kuwa mwanamke ni mtu wa kuongozwa. 

Alikitaja kikwazo kingine kuwa ni kutokuwepo na utayari wa wanawake wenyewe kushiriki kwenye mambo mbali mbali ya kijamii jambo linalopaswa kupigwa vita.

“Natamani jamii kuamka na kujua na umuhimu wa mwanamke katika suala zima la uongozi, kwani ikiwa yeye ndie mlezi wa kwanza katika familia, basi pia ni mtu imara katika masuala ya uongozi.

Akizungumzia mradi huo wa ushiriki wa wanawake katika uongozi, Mkurugenzi wa Chama cha Wanasheria Wanawake Zanzibar (ZAFELA), Jamila Mahmoud, alisema mradi huo wa miaka minne umelenga kuwajengea uwezo wanawake ili wawanie nafasi za uongozi katika uchaguzi mkuu ujao.

“Lengo la mradi huu ni kuwahamasisha na kuwajengea uwezo wanawake ili kuingia katika michakato ya kutafuta uongozi,” alisema Jamila.

Kwa upande Mkurugenzi wa Chama cha wanahabari wanawake (TAMWA) ofisi ya Zanzibar, Dk. Mzuri Issa Ali, alieleza kuwa kwa kipindi kirefu wanawake walikua nyuma katika masuala ya uongozi lakini baada ya jitihada na kuhamasishwa walianza kujitokeza ingawa bado ushiriki wao katika vyombo vya maamuzi bado mdogo. 

“Katika ngazi za juu za kisiasa hususani kwenye suala la maamuzi huwaoni wanawake, imekua kama tumeekewa kikomo cha kuongoza” alisema Dk. Mzuri.

Alisisitiza kuwa, ili kufikia huko Lazima kuwe na jitihada za pamoja katika kumpa nguvu mwanamke kwani wanawake wana mchango mkubwa katika kuongoza na masuala mazima ya demokrasia.

“Kupitia muongozo huu, matumani yetu utatoa fursa kwa wanawake ya kujipanga kwa miaka ya mbele na kuona ni namna gani wanaweza kujitokeza katika masuala ya uongozi,” alisema Mzuri.

Katika uzinduzi huo, viongozi mbali mbali wa serikali, vyama vya siasa na kijamii wanawake na wanaume walishiriki huku wakizipongeza asasi hizo kwa hatua waliyofikia ambayo waliitaja kuwa itaongeza ushiriki wa wanawake katika kuwania nafasi za uongozi.

 

 

Comments

Post a Comment

Popular posts from this blog

ZALIRI, FLI zaingia makubaliano kuimariusha sekta mifugo

Image
NA MWANDISHI MAALUM, WKUMM WIZARA ya Kilimo Umwagiliaji, Maliasili na Mifugo imeeleza kuwa itaendelea kushirikiana na wadau mbali mbali kupitia taasisi zake kustawisha sekta ya kilimo na ufugaji. Waziri wa wizara hiyo, Shamata Shaame Khamis alieleza hayo baada ya kushuhudia utiaji saini ya makubaliano ya ushirikiano na kiutendaji kati ya Taasisi ya Utafiti wa Mifugo Zanzibar (ZALIRI) na taasisi ya Friedrich Loeffler Institut (FLI) ya nchini Ujerumani.  Katika hafla hiyo, Mkurugenzi Mkuu wa ZARILI, Talib Saleh Suleiman alitia saini kwa niaba ya taasisi hiyo na kwa upande wa  FLI, Mkurugenzi wa Institute of International Animal/One Health, Prof. Sascha Knauf aliiwakilisha taasisi yake. Waziri Shamata  alieleza kuwa  serikali ya Ujerumani imekuwa na ushirikiano wa karibu na serikali ya Jamhuri ya Muungano wa Tanzania na Serikali ya Mapinduzi  Zanzibar katika mipango yake ya maendeleo.  Alifahamisha kuwa utiaji saini huo utaongeza ufanisi na wataalamu wa utafiti wa masuala ya mifugo lakini
Read more

Ibueni changamoto zinazokamisha usawa wa kijinsia - Simbaya

Image
NA MWANAISHA SHARIA, MOROGORO WAANDISHI wa habari wametakiwa kuendelea kuibua changamoto mbali mbali zinazowakabili wanawake ili wapate fursa za maendeleo zinazojitokeza nchini. Mkurugenzi wa Muungano wa Klabu za Waandishi wa Habari Tanzania (UTPC), Kenneth Simbaya alipokua akifungua mafunzo ya kuwajengea uwezo waandishi wa habari kuhusu kuandika habari za usawa wa kijinsia yaliyofanyika hoteli ya Flomi, mjini Morogoro. Amesema wandishi wa habari wana nguvu ya kufikisha ujumbe kwa jamii hivyo wana jukumu la kuhakikisha wanatoa elimu ya usawa wa kijinsia ili kutatua changamoto zilizopo. "Waandishi wa habari mtakapoibua kero za wanawake na kuzisemea mtaleta mabadiliko kwa wanawake hao lakini pia jamii nzima kwani kupitia kwao ukatili na ukandamizaji wanawake na watoto wa kike utaondoka”, alieleza Simbaya. Aidha Mkurugenzi huyo amewataka waandishi waliopatiwa mafunzo hayo kutumia vizuri elimu hiyo kwa kuandika habari na kuanda vipindi kuhusu usawa wa kijinsia ili kuleta mabadil
Read more

Uislam unakubali uzazi wa mpango

Image
NA MWAANDISHI MAALUM KWA muda mrefu, suala la uzazi wa mpango limekuwa na mjadala mrefu katika jamii na vyombo vya habarijuu ya kama jee ni sawa au linapingana na maelekezo ya dini ya Kiislamu? Maelezo yamekuwa mengi na yenye aina tafauti ya maelezo, lakini ukweli na uhakika ni kwamba dini ya Kiislamu haina pingamizi juu ya uzazi wa mpango kwa vile linasaidia mzazi na mtoto kuwa na afya bora. Sheikh Khamis Abdulhamid Mjumbe wa Baraza la Maulamaa Zanzibar, Sheikh Khamis Abdulhamid, amesema dini ya Kiislamu haijakataza  uzazi wa mpango ambao hauna na madhara kwa pande zote mbili. “Wakati Quran inashushwa Masahaba waliwahi kusema Quran haikutukataza kutumia njia ya mshindo (kumwanga maji ya uzazi nje) ili kupanga uzazi“, Sheikh Khamis alisemaa. Hata hivyo, aliongeza ni muhmu kwa wanawaume kujitahidi kufuatilia na kujipanga kupata elimu ili ndoa zao ziwe na furaha kwa kuweka utaratibu maalum wa kupata watoto. “Ikiwa mtu atasema ukikataa kuzaa nimekuacha basi hakika hio ni talaka ila hi
Read more