Wizara ya utalii, mambo ya kale yatoa muongozo kulinda maadili

NA KHADIJA KHAMIS, MAELEZO - ZANZIBAR

WAZIRI wa Utalii na Mambo ya Kale,  Lela Muhamed Mussa, ametoa muongozo kwa wageni na watalii wanaoingia nchini  kufuata maadili yanayohusiana na mavazi ili kwenda sambamba na mila silka maadili na utamaduni wa kizanzibari .

Akitoa taarifa kwa vyombo vya habari alisema hivi karibuni kumejitokeza ukiukwaji wa maadili hususani katika suala la mavazi kwa baadhi ya wageni na watalii wanaotembelea nchini.

Alifahamisha kuwa wageni na watalii wanatakiwa kufuata maadili ya nchi kwa kuvaa nguo za stara wanapokuwa katika  sehemu  za umma  ili kuepusha kero na maudhi kwa wananchi.

Alieleza  kuwa kushindwa kuifuatilia na kuisoma miongozo ya maadili ambayo imekuwa ikitolewa na taasisi zinazosimamia utalii nchini ni miongoni mwa sababu zinazopelekea utaratibu mbaya wa mavazi kwa wageni hao.

Waziri Lela, alisema hali hii haitoi sura nzuri na inaashiria kutokuwepo uwajibikaji wa pamoja na mashirikiano kwa baadhi ya wananchi au taasisi ambazo zinashindwa kusimamia suala la maadili kwa wageni na watalii wanaoingia nchini.

Alisema serikali haipendezeshwi na hali ya kivazi kwa wageni na watalii ikiamini kwamba pamoja na kuhitaji utalii kwa maslahi ya wananchi na serikali kwa ujumla lakini inaheshimu suala la maadili ya jamii.

Alieleza kuwa  kutokana na kutoridhishwa na hali hiyo, Wizara ya Utalii na Mambo ya Kale imeona haja ya kusisitiza umuhimu wa kusimamia maadili kwa watalii kwa vile mila, silka na utamaduni wa Zanzibar ambao ni urithi na ni miongoni mwa vivutio  vya utalii .

 Waziri huyo alizitaka jumuiya zenye kuandaa misafara ya kitalii nchini, kutambua  zimabeba jukumu la kuleta wageni kuzingatia kanuni za mwaka 2015 kifungu cha 51 (b) inayozipa jukumu la kuhakikisha watalii wanaowasimamia wanafuata sheria pamoja na kuwapatia kanuni za maadili kwa watalii kabla ya kuwafikisha nchini pamoja na kuwasimamia kufuata maadili hayo wanapoingia nchini.

Hata hiyo  alisema kwa upande wa wenye Mahoteli na mikahawa ya kitalii kuwa  na wajibu wa kutoa taarifa kuhusiana na miongozo ya maadili kwa watalii na wageni na ni marufuku kwa wenye kuendesha biashara ya hoteli kuwavisha nguo zisizo na stara wafanyakazi wao .  

Wizara inaviomba vyombo vya ulinzi na usalama nchini kushirikiana pamoja na wadau wengine wa utalii katika kukabiliana na kadhia hiyo.

Alifahamisha Wizara ya Utalii na Mambo ya Kale imeshawasiliana na ofisi za kibalozi za Jamhuri ya Muungano wa Tanzania katika nchi mbali mbali duniani na kuwapatia maadili ya utalii wa Zanzibar.

Comments

Post a Comment

Popular posts from this blog

ZALIRI, FLI zaingia makubaliano kuimariusha sekta mifugo

Image
NA MWANDISHI MAALUM, WKUMM WIZARA ya Kilimo Umwagiliaji, Maliasili na Mifugo imeeleza kuwa itaendelea kushirikiana na wadau mbali mbali kupitia taasisi zake kustawisha sekta ya kilimo na ufugaji. Waziri wa wizara hiyo, Shamata Shaame Khamis alieleza hayo baada ya kushuhudia utiaji saini ya makubaliano ya ushirikiano na kiutendaji kati ya Taasisi ya Utafiti wa Mifugo Zanzibar (ZALIRI) na taasisi ya Friedrich Loeffler Institut (FLI) ya nchini Ujerumani.  Katika hafla hiyo, Mkurugenzi Mkuu wa ZARILI, Talib Saleh Suleiman alitia saini kwa niaba ya taasisi hiyo na kwa upande wa  FLI, Mkurugenzi wa Institute of International Animal/One Health, Prof. Sascha Knauf aliiwakilisha taasisi yake. Waziri Shamata  alieleza kuwa  serikali ya Ujerumani imekuwa na ushirikiano wa karibu na serikali ya Jamhuri ya Muungano wa Tanzania na Serikali ya Mapinduzi  Zanzibar katika mipango yake ya maendeleo.  Alifahamisha kuwa utiaji saini huo utaongeza ufanisi na wataalamu wa utafiti wa masuala ya mifugo lakini
Read more

Ibueni changamoto zinazokamisha usawa wa kijinsia - Simbaya

Image
NA MWANAISHA SHARIA, MOROGORO WAANDISHI wa habari wametakiwa kuendelea kuibua changamoto mbali mbali zinazowakabili wanawake ili wapate fursa za maendeleo zinazojitokeza nchini. Mkurugenzi wa Muungano wa Klabu za Waandishi wa Habari Tanzania (UTPC), Kenneth Simbaya alipokua akifungua mafunzo ya kuwajengea uwezo waandishi wa habari kuhusu kuandika habari za usawa wa kijinsia yaliyofanyika hoteli ya Flomi, mjini Morogoro. Amesema wandishi wa habari wana nguvu ya kufikisha ujumbe kwa jamii hivyo wana jukumu la kuhakikisha wanatoa elimu ya usawa wa kijinsia ili kutatua changamoto zilizopo. "Waandishi wa habari mtakapoibua kero za wanawake na kuzisemea mtaleta mabadiliko kwa wanawake hao lakini pia jamii nzima kwani kupitia kwao ukatili na ukandamizaji wanawake na watoto wa kike utaondoka”, alieleza Simbaya. Aidha Mkurugenzi huyo amewataka waandishi waliopatiwa mafunzo hayo kutumia vizuri elimu hiyo kwa kuandika habari na kuanda vipindi kuhusu usawa wa kijinsia ili kuleta mabadil
Read more

Uislam unakubali uzazi wa mpango

Image
NA MWAANDISHI MAALUM KWA muda mrefu, suala la uzazi wa mpango limekuwa na mjadala mrefu katika jamii na vyombo vya habarijuu ya kama jee ni sawa au linapingana na maelekezo ya dini ya Kiislamu? Maelezo yamekuwa mengi na yenye aina tafauti ya maelezo, lakini ukweli na uhakika ni kwamba dini ya Kiislamu haina pingamizi juu ya uzazi wa mpango kwa vile linasaidia mzazi na mtoto kuwa na afya bora. Sheikh Khamis Abdulhamid Mjumbe wa Baraza la Maulamaa Zanzibar, Sheikh Khamis Abdulhamid, amesema dini ya Kiislamu haijakataza  uzazi wa mpango ambao hauna na madhara kwa pande zote mbili. “Wakati Quran inashushwa Masahaba waliwahi kusema Quran haikutukataza kutumia njia ya mshindo (kumwanga maji ya uzazi nje) ili kupanga uzazi“, Sheikh Khamis alisemaa. Hata hivyo, aliongeza ni muhmu kwa wanawaume kujitahidi kufuatilia na kujipanga kupata elimu ili ndoa zao ziwe na furaha kwa kuweka utaratibu maalum wa kupata watoto. “Ikiwa mtu atasema ukikataa kuzaa nimekuacha basi hakika hio ni talaka ila hi
Read more