Ayoub ataja vipaumbele Kaskazini Unguja, apiga marufuku ‘vigodoro’


MWASHUNGI TAHIR, MAELEZO 

MKUU wa Mkoa Kaskazini Unguja, Ayoub Mohammed Mahmoud, ameeleza kuwa serikali ya huo umelenga kukuza sekta ya utalii kwa kuvitangaza na kuviendeleza vivutio vya utalii vilivyomo mkoani humo.

Ayoub alieleza hayo ofisini kwake Mkokotoni, alipokuwa akizungumza na waandishi wa habari kuzungumzia utekelezaji wa kazi za serikali ya mkoa huo katika kipindi cha miaka mitano ijayo.

Alieleza kuwa mkoa huo una vivutio vingi na maeneo ya mahoteli na mikahawa mikubwa, fukwe zinazovutia na maeneo ya kihistoria ambayo wageni na wenyeji wanapasa kuyajua.

Aliongeza kuwa pamoja na kuimarisha sekta hiyo, katika kipindi cha miaka mitano pia mkazo zaidi utawekwa katika ukuzaji wa sekta zinazokuza ustawi wa jamii zikiwemo za kilimo, mifugo, maji safi na salama, elimu, afya, miundombinu ya barabara na michezo.

“Pia kwa kuzingatia mipango ya serikali kuu, serikali ya mkoa itaendelea kuhamasisha ujenzi wa viwanda vipya na kuviendeleza vilivyopo ili kukuza ajira lakini pia wakulima wetu wapate soko la mazao wanayozalisha,” alieleza Ayoub.

Alisema hatua hiyo itaimarisha uzalishaji wa mazao mbali mbali yakiwemo ya mananasi na mboga mboga ili wakulima wapate kuepukane na hasara katika mazao yao wanayolima kila msimu.

Sambamba na hayo alisema serikali ya mkoa kwa kushirikiana na serikali kuu, imejipanga kudhibiti vitendo vya udhalilishaji, matumizi ya dawa za kulevya na rushwa kwa kutovifumbia macho kwani vinarudisha nyuma maendeleo ya taifa.     

Aidha Ayoub aliahidi kulisimamia suala la kilimo cha umwagiliaji maji, kuimarisha ufugaji na kuweka mazingira kuwa katika hali ya usafi. 

Sambamba na hayo, katika kuimarisha maadili, amepiga marufuku ya upigaji ngoma za vigodoro pamoja na khanga moja katika maeneo ya mkoa huo kwa kuwa zinaenda kinyume na mila, silka na utamaduni wa Zanzibar.

 “Kuanzia leo si ruhusa kwa wakaazi wa mkoa huu na wananchi kutoka sehemu nyengine  kuja kupiga ngoma na kucheza ngoma hizo kwani zimekosa  maadili”, alisema Ayoub.

Katika taarifa yake hiyo ayoub pia alipongeza juhudi za rais wa Zanzibar na mwenyekiti wa baraza la mapinduzi, dk. Hussein ali mwinyi na kuahidi kutekeleza maagizo yote aliyoyatoa ili kuongeza ufanisi.

Hivyo aliwataka watendaji wa mkoa huo kuacha kufanya kazi kwa mazowea badala yake kujidhatiti kufanya kazi kwa bidii, maarifa na weledi ili kuongeza tija katika utoaji wa huduma kwa wananchi.

 

Comments

Post a Comment

Popular posts from this blog

ZALIRI, FLI zaingia makubaliano kuimariusha sekta mifugo

Image
NA MWANDISHI MAALUM, WKUMM WIZARA ya Kilimo Umwagiliaji, Maliasili na Mifugo imeeleza kuwa itaendelea kushirikiana na wadau mbali mbali kupitia taasisi zake kustawisha sekta ya kilimo na ufugaji. Waziri wa wizara hiyo, Shamata Shaame Khamis alieleza hayo baada ya kushuhudia utiaji saini ya makubaliano ya ushirikiano na kiutendaji kati ya Taasisi ya Utafiti wa Mifugo Zanzibar (ZALIRI) na taasisi ya Friedrich Loeffler Institut (FLI) ya nchini Ujerumani.  Katika hafla hiyo, Mkurugenzi Mkuu wa ZARILI, Talib Saleh Suleiman alitia saini kwa niaba ya taasisi hiyo na kwa upande wa  FLI, Mkurugenzi wa Institute of International Animal/One Health, Prof. Sascha Knauf aliiwakilisha taasisi yake. Waziri Shamata  alieleza kuwa  serikali ya Ujerumani imekuwa na ushirikiano wa karibu na serikali ya Jamhuri ya Muungano wa Tanzania na Serikali ya Mapinduzi  Zanzibar katika mipango yake ya maendeleo.  Alifahamisha kuwa utiaji saini huo utaongeza ufanisi na wataalamu wa utafiti wa masuala ya mifugo lakini
Read more

Ibueni changamoto zinazokamisha usawa wa kijinsia - Simbaya

Image
NA MWANAISHA SHARIA, MOROGORO WAANDISHI wa habari wametakiwa kuendelea kuibua changamoto mbali mbali zinazowakabili wanawake ili wapate fursa za maendeleo zinazojitokeza nchini. Mkurugenzi wa Muungano wa Klabu za Waandishi wa Habari Tanzania (UTPC), Kenneth Simbaya alipokua akifungua mafunzo ya kuwajengea uwezo waandishi wa habari kuhusu kuandika habari za usawa wa kijinsia yaliyofanyika hoteli ya Flomi, mjini Morogoro. Amesema wandishi wa habari wana nguvu ya kufikisha ujumbe kwa jamii hivyo wana jukumu la kuhakikisha wanatoa elimu ya usawa wa kijinsia ili kutatua changamoto zilizopo. "Waandishi wa habari mtakapoibua kero za wanawake na kuzisemea mtaleta mabadiliko kwa wanawake hao lakini pia jamii nzima kwani kupitia kwao ukatili na ukandamizaji wanawake na watoto wa kike utaondoka”, alieleza Simbaya. Aidha Mkurugenzi huyo amewataka waandishi waliopatiwa mafunzo hayo kutumia vizuri elimu hiyo kwa kuandika habari na kuanda vipindi kuhusu usawa wa kijinsia ili kuleta mabadil
Read more

Uislam unakubali uzazi wa mpango

Image
NA MWAANDISHI MAALUM KWA muda mrefu, suala la uzazi wa mpango limekuwa na mjadala mrefu katika jamii na vyombo vya habarijuu ya kama jee ni sawa au linapingana na maelekezo ya dini ya Kiislamu? Maelezo yamekuwa mengi na yenye aina tafauti ya maelezo, lakini ukweli na uhakika ni kwamba dini ya Kiislamu haina pingamizi juu ya uzazi wa mpango kwa vile linasaidia mzazi na mtoto kuwa na afya bora. Sheikh Khamis Abdulhamid Mjumbe wa Baraza la Maulamaa Zanzibar, Sheikh Khamis Abdulhamid, amesema dini ya Kiislamu haijakataza  uzazi wa mpango ambao hauna na madhara kwa pande zote mbili. “Wakati Quran inashushwa Masahaba waliwahi kusema Quran haikutukataza kutumia njia ya mshindo (kumwanga maji ya uzazi nje) ili kupanga uzazi“, Sheikh Khamis alisemaa. Hata hivyo, aliongeza ni muhmu kwa wanawaume kujitahidi kufuatilia na kujipanga kupata elimu ili ndoa zao ziwe na furaha kwa kuweka utaratibu maalum wa kupata watoto. “Ikiwa mtu atasema ukikataa kuzaa nimekuacha basi hakika hio ni talaka ila hi
Read more