Dk. Mwinyi ahimiza mageuzi sekta ya kilimo

NA RAJAB MKASABA, IKULU

RAIS wa Zanzibar na Mwenyekiti wa Baraza la Mapinduzi, Dk. Hussein Ali Mwinyi ameitaka wizara ya Kilimo, Umwagiliaji, Maliasili na Mifugo kuiimarisha sekta ya kilimo kwa kukifanya kuwa cha biashara na kilete tija.

Rais Dk. Mwinyi aliyasema hayo jana ikulu jijini Zanzibar, alipokutana na uongozi na watendaji wa wizara kwa  ajili ya kutoa taarifa ya utekelezaji wa maagizo kwa mawaziri na Makatibu Wakuu wa wizara za SMZ wakati alipowaapisha.

Alieleza kuwa ipo haja kwa Wizara hiyo kuangalia uwezekano wa kilimo kuwa cha biashara na cha kisasa hatua ambayo itawasaidia hata wakulima kunufaika zaidi kuliko ilivyo hivi sasa.

Alisema kuwa kilimo kinachofanyika hivi sasa hakijawa na faida kwa wakulima na hata serikalini kwani lile lengo lililokusudiwa la kuhakikisha chakula cha kutosha hasa mchele unazalishwa hapa Zanzibar halijafikiwa.

Aidha, kwa upande wa ufugaji, Dk. Mwinyi alisema kuna tatizo kwa sababu wafugaji hawajaweza kusaidia hivyo, ni vyema kukatafutwa wafugaji wakubwa waweze kuendesha shughuli hizo na hatimae wapate kuwasaidia wafugaji wadogo.

Alieleza azma yake ya kutaka mabadiliko katika sekta ya kilimo na sekta hiyo iondoke hapa ilipo na iweze kuwa na tija na mafanikio makubwa.

Alisisitiza umuhimu wa kuweka utaratibu maalum wa kutafuta wawekezaji wa kilimo kwa kupitia Mamlaka ya Vitega Uchumi Zanzibar (ZIPA) huku akisisitiza haja ya kuweka mazingira mazuri kwa wawekezaji wa ufugaji.

Alieleza matarajio yake kuona kwamba sekta ya kilimo inaimarika zaidi kutokana na bajeti ya kutosha kinyume na kile kinachopatikana katika sekta hiyo.

Dk. Mwinyi,  alikemea tabia ya kufanya kazi kwa mazoea na kusisitiza haja kwa wizara hiyo kufanya kazi zake kwa lengo la kupata tija kwa kuimarisha kilimo ambacho kitazalisha chakula cha kutosha hapa Zanzibar badala ya kuagizia nje ya nchi.

Alieleza haja kwa Wizara hiyo kuliangalia suala upatikanaji wa pembejeo na faida yake huku akieleza kwamba shughuli za karakana na huduma za matreka zifanywe kibiashara hali itakayopelekea kujiendesha.

Akieleza suala zima la ugawaji wa mashamba kwa wananchi wa kisiwani Pemba, alieleza haja ya kuwepo kwa utaratibu mzuri wa ugawaji wa mashamba hayo ikiwa ni pamoja na kuwashirikisha wakuu wa mikoa na wilaya ili kuepuka migogoro.

Awali Katibu Mkuu, Wizara ya Kilimo, Umwagiliaji, Maliasili na Mifugo Mariam Juma Abdalla alieleza kuwa wizara ina lengo la kufanya mageuzi katika sekta ya kilimo kuwa cha kisasa, jumuishi na chenye ushindani ambacho kitachangia sekta ya viwanda na utalii.

Aidha, alisema kuwa sekta ya kilimo inatoa ajira rasmi kwa wastani wa asilimia 40 na zaidi ya asilimia 70 ya wananchi wanategemea sekta hiyo kwa njia moja au nyengine katika kujipatia kipato na kuimarisha maisha yao.

Alisema kuwa wizara hiyo imechukua hatua mbali mbali za kuanzisha mahusiano kwa kuwapatia wakulima na wafugaji mikopo nafuu kupitia Benki ya Maendeleo ya Kilimo ya Tanzania (TADB), Benki ya PBZ na CRDB.

Aidha, katibu huyo alieleza kwamba wizara imejiunga na mtandao wa kielektroniki (SNR Mwinyi) kwa ajili ya kusikiliza na kuzipatia ufumbuzi changamoto za wananchi.

Alisema kwamba wizara hiyo, inaendelea kupambana na wadudu waharibifu wa matunda kwa kusambaza mitego ya kunasa wadudu hao na kutoa taaluma kwa wakulima katika kukabiliana na wadudu waharibifu na maradhi ya kupitia halmashauri

Alisema wizara inashauri serikali iyatoe mashamba ya eka tatu 6,315 ambayo tayari yameshatambuliwa kisiwani Pemba kwa wananchi wenye nia ya kuyaendeleza.

video:



Comments

Post a Comment

Popular posts from this blog

'Zanzibar Matibabu Card' yashinda tuzo ya WSIS

Image
NA MWANDISHI MAALUM, USWISI WIZARA ya Afya Zanzibar imetunukiwa tuzo ya kimataifa ya ‘ World Summit on the Information Society’ (WSIS) kutokana na mafanikio ya utekelezaji wa mfumo wa matibabu kwa njia ya kadi maalum ya kidijitali ijulikanayo kama ‘ Zanzibar Matibabu Card’ , ambao umewezesha utoaji wa huduma bora za afya kwa wananchi kupitia teknolojia. Hafla ya kukabidhi tuzo hiyo ilifanyika Geneva, Uswisi na kuhudhuriwa na Waziri wa Teknolojia ya Habari na Mawasiliano wa serikali ya Jamhuri ya Muungano wa tanzania, Jerry Slaa, Balozi wa Tanzania Geneva, Abdallah Possi, pamoja na wajumbe kutoka Mamlaka ya Serikali Mtandao Zanzibar (e-GAZ) na Mamlaka ya Mawasiliano Tanzania (TCRA). Akipokea tuzo hiyo kwa niaba ya Serikali ya Mapinduzi Zanzibar, Waziri wa Afya Zanzibar, Nassor Ahmed Mazrui,   alisema mpango huo ni uthibitisho wa dhamira ya taifa kutumia teknolojia kuboresha maisha ya wananchi. Alieleza kuwa mfumo huo umeunganisha vituo vyote vya afya vya umma na taarifa za m...
Read more

ZAMECO yakerwa na video ya udhalilishaji mtandaoni

Image
NA MWANDISHI WETU KAMATI ya Wataalamu wa Masuala ya Habari Zanzibar (ZAMECO) inayoundwa na taasisi za kihabari na wadau wa habari imelaani video inayosambaa kwenye mitandao ya kijamii inayoonesha wasichana wawili waliorekodiwa na kuulizwa maswali yasiyo na maadili, kuvunja heshima na kukiuka haki za binaadamu. Taarifa iliyotolewa na taasisi hizo na kutiwa saini kwa pamoja na mwenyekiti wa klabu ya waandishi wa Habari Zanzibar (ZPC), Abdallah Mfaume na Mkurugenzi wa Chama cha Waandishi wa Habari Wanawake Tanzania (TAMWA ZNZ), Dk. Mzuri Issa, ilieleza kuwa tukio hili limeibua hisia kali kwa wadau wa habari, watetezi wa haki za binaadamu najamii kwa ujumla. Ilielezwa kuwa tukio hilo pia limeibua maswali yasiyo na majibu miongoni mwa wanahabari kuhusu maadili, haki za binadamu, na misingi ya uhuru wa vyombo vya habari. “Hivyo basi ZAMECO inasisitiza kuwa vitendo vya udhalilishaji kwa watoto wa kike na jamii ni ukiukwaji wa haki za binaadamu, maadili ya uandishi wa habari na kuvuruga ...
Read more

ZAMECO yakumbushia sheria mpya ya habari

Image
NA MWANDISHI MAALUM KAMATI ya Wataalamu y a  Vyombo vya Habari Zanzibar (ZAMECO), ime i shauri serikali kukamilisha mchakato wa upatikanaji wa sheria mpya ya habari ili kuimarisha uhuru wa kujieleza  na uwajibikaji . Akizungumza wa kati  w a kongamano la maadhimisho ya Siku ya Uhuru wa Habari Duniani upande wa Zanzibar, lililofanyika  Rahaleo  Studio , Mjumbe wa ZAMECO, Salim Said Salim, alisema mchakato huo umechukua muda mrefu   hivyo ipo haja ya kuchukuliwa kwa hatua za makusudi kuukamilisha. “Katika miaka  ya hivi karibuni  tu me shuhudia sheria nyingi zikipitishwa na Baraza la Wawakilishi ila sheria ya habari mchakato wake umekuwa ukienda na kurudi kwa zaidi ya miaka 20 hali inayowafanya wadau wa tasnia ya habari ku jion a wanyonge ”, alisema Salim. BAADHI ya waandishi wa habari na wafdau wa habari wakifuatilia uwaasilishaji wa mada wakati wa kongamano  Aliziomba mamlaka zinazohusika kuendelea kushirikiana na taasisi za kihabari kuhakiki...
Read more