Msisambaze habari zilizothibitishwa - Mfaume

NA MWANDISHI MAALUM

WATUMIAJI wa mitandao ya kijamii na vyombo vya habari nchini wametakiwa kutosambaza habari zisizothibitishwa ili kuepuka kuingia katika migogoro ya kisheria.

Mjumbe wa Muungano wa Klabu za Waandishi wa Habari Tanzania (UTPC), Abdallah Abdulrahman Mfaume, (pichani aliesimama) alitoa wito huo wakati akifungua mkutano wa majadiliano iliyowakutanisha wadau mbali mbali wa habadi na jumuiya za kiraia zinazohusika na maendeleo ya vijana Zanzibar.

Alisema maendeleo ya sayansi na teknolojia duniani yameongeza wigo wa utoaji na usambaji wa habari na taarifa hivyo ipo haja ya kuchukuliwa kwa hatua za tahadhari ili kuepusha madhara kwa jamii.

Alisema kazi ya usambazaji na utoaji wa habari nchini unasimamiwa na sheria, kanuni na muongozo hivyo kuna umuhimu wa kuzingatiwa wwledi katika dhana ya uandishi wa habari.

"Upashanaji wa habari katika nchi yeyote unasimamiwa na sheria na kanuni na sio kila mtu anaweza kuifanya. Hivyo ni vyema tukawa na tahadhari tunapotuma habari na tunapotumia mitandao ya kijamii," alieleza Mfaume.

Aidha aliipongeza taasisi ya jukwaa la vijana Zanzibar (ZYF), kwa kuendelsha mafunzo na kmikutano ya majadiliano kamahiyo ambayo husaidia kupatikana elimu na maoni muhimu.

Aliwaomba washiriki wa majadiliano hayo kutoa maoni yatakayosaidia kuimarisha sera, sheria na miongozo inayotolewa na taasisi zinazosimamia mwenendo wa upashanaji habari ili kutanua wigo wa uhuru wa habari na uhuru wa kujieleza.

Kwa upande wake mwendeshaji wa majadiliano hayo, mshauri wa vyombo vya habari na mkufunzi katika chuo kikuu cha Zanzibar (ZU), Suleiman Seif Omar, alieleza kuwa pamoja na serikali kuweka uhuru wa habari, imeweka vyombo na sheria ambazo husimamia mwenendo na matumizi ya uhuru huo.

Alisema katika kusimamia sekta ya habari, kuna sheria nyingi ambazo nyengine zina muda mrefu hivyo ipo haja ya kufanyiwa marekebisho ili ziendane na wakati uliopo.

Aidha baadhi ya washiriki wa mkutano huo walieleza haja ya kuwekwa miundombinu rafiki ya upashanaji wa habari ikiwa ni pampja na vyombo vyenye mamlaka kutominya uhuru wa habari na kujieleza.

Walisema ili kufiukia maendeleo ya haraka, kuna umuhimu kwa wadau wa habari kukaa pamoja na kujadili namna bora ya kuimarisha mifumo ya utoaji na upatikanaji wa habari ili kuwanufaisha wananchi ambao ni wateja.

Wakizungumzia matumizi ya mitandao ya kijamii kama vyombo vya kupokea na kusambaza habari, walisema ipo haja kwa mamlaka zinazhusika kuangalia namna ya kudhibiti watu wanaotumia vibaya mitandao hiyo badala ya kuzuia matumizi kwa watumiaji wote.

“Kwa mfano wakati wa uchaguzi, TCRA (Mamlaka ya Mawasiliano Tanzania) walizuia mitandao jambo ambalo lilituathiri wengi ambao huitumia mitandao ya kijamii kwa shuguli za biashara au kazi,” alieleza shadida omar kutoka jumuiya ya ZAFAYCO.

Akitole ufafanuzi baadhi ya hoja, Katibu Mtendaji wa Tume ya Utangazaji Zanzibar, Omar Said Ameir, alieleza kuwa hatua zinazochukuliwa kudhibiti watu wanaotumia vibaya mitandao, zinalenga kulinda amani, mila na silka za nchi.

“Tunapochukua hatua, hatudhamiri kumuumiza mtu bali kulinda amani ya nchi na hufanya hivyo kwa kuzingatia sheria baada ya kuwaonya wahusika,” alieleza Omar na kuwataka wasambazaji wa maudhui mitandaoni kusajili mitandao yao kabla ya machi 15, mwaka huu.

Mkutano huo ulishirikisha wadau mbali mbali wakiwemo wawakilishi kutoka vyama vya siasa, vyombo vya habari, asasi za kiraia na watendaji wa serikali, ulijadili matumizi ya sheria katika kuongeza upatikanaji wa uhuru wa habari na uhuru wa kujieleza na matumizi ya mitandao ya kijamii katika jamii.

Comments

Post a Comment

Popular posts from this blog

ZALIRI, FLI zaingia makubaliano kuimariusha sekta mifugo

Image
NA MWANDISHI MAALUM, WKUMM WIZARA ya Kilimo Umwagiliaji, Maliasili na Mifugo imeeleza kuwa itaendelea kushirikiana na wadau mbali mbali kupitia taasisi zake kustawisha sekta ya kilimo na ufugaji. Waziri wa wizara hiyo, Shamata Shaame Khamis alieleza hayo baada ya kushuhudia utiaji saini ya makubaliano ya ushirikiano na kiutendaji kati ya Taasisi ya Utafiti wa Mifugo Zanzibar (ZALIRI) na taasisi ya Friedrich Loeffler Institut (FLI) ya nchini Ujerumani.  Katika hafla hiyo, Mkurugenzi Mkuu wa ZARILI, Talib Saleh Suleiman alitia saini kwa niaba ya taasisi hiyo na kwa upande wa  FLI, Mkurugenzi wa Institute of International Animal/One Health, Prof. Sascha Knauf aliiwakilisha taasisi yake. Waziri Shamata  alieleza kuwa  serikali ya Ujerumani imekuwa na ushirikiano wa karibu na serikali ya Jamhuri ya Muungano wa Tanzania na Serikali ya Mapinduzi  Zanzibar katika mipango yake ya maendeleo.  Alifahamisha kuwa utiaji saini huo utaongeza ufanisi na wataalamu wa utafiti wa masuala ya mifugo lakini
Read more

Ibueni changamoto zinazokamisha usawa wa kijinsia - Simbaya

Image
NA MWANAISHA SHARIA, MOROGORO WAANDISHI wa habari wametakiwa kuendelea kuibua changamoto mbali mbali zinazowakabili wanawake ili wapate fursa za maendeleo zinazojitokeza nchini. Mkurugenzi wa Muungano wa Klabu za Waandishi wa Habari Tanzania (UTPC), Kenneth Simbaya alipokua akifungua mafunzo ya kuwajengea uwezo waandishi wa habari kuhusu kuandika habari za usawa wa kijinsia yaliyofanyika hoteli ya Flomi, mjini Morogoro. Amesema wandishi wa habari wana nguvu ya kufikisha ujumbe kwa jamii hivyo wana jukumu la kuhakikisha wanatoa elimu ya usawa wa kijinsia ili kutatua changamoto zilizopo. "Waandishi wa habari mtakapoibua kero za wanawake na kuzisemea mtaleta mabadiliko kwa wanawake hao lakini pia jamii nzima kwani kupitia kwao ukatili na ukandamizaji wanawake na watoto wa kike utaondoka”, alieleza Simbaya. Aidha Mkurugenzi huyo amewataka waandishi waliopatiwa mafunzo hayo kutumia vizuri elimu hiyo kwa kuandika habari na kuanda vipindi kuhusu usawa wa kijinsia ili kuleta mabadil
Read more

Uislam unakubali uzazi wa mpango

Image
NA MWAANDISHI MAALUM KWA muda mrefu, suala la uzazi wa mpango limekuwa na mjadala mrefu katika jamii na vyombo vya habarijuu ya kama jee ni sawa au linapingana na maelekezo ya dini ya Kiislamu? Maelezo yamekuwa mengi na yenye aina tafauti ya maelezo, lakini ukweli na uhakika ni kwamba dini ya Kiislamu haina pingamizi juu ya uzazi wa mpango kwa vile linasaidia mzazi na mtoto kuwa na afya bora. Sheikh Khamis Abdulhamid Mjumbe wa Baraza la Maulamaa Zanzibar, Sheikh Khamis Abdulhamid, amesema dini ya Kiislamu haijakataza  uzazi wa mpango ambao hauna na madhara kwa pande zote mbili. “Wakati Quran inashushwa Masahaba waliwahi kusema Quran haikutukataza kutumia njia ya mshindo (kumwanga maji ya uzazi nje) ili kupanga uzazi“, Sheikh Khamis alisemaa. Hata hivyo, aliongeza ni muhmu kwa wanawaume kujitahidi kufuatilia na kujipanga kupata elimu ili ndoa zao ziwe na furaha kwa kuweka utaratibu maalum wa kupata watoto. “Ikiwa mtu atasema ukikataa kuzaa nimekuacha basi hakika hio ni talaka ila hi
Read more