RoAID yazipatia manispaa gari za kubebea taka

NA MWANDISHI MAALUM

SERIKALI ya Mapinduzi Zanzibar imeeleza kuwa inathamini mchango wa taasisi za kimataifa na washirika wa maendeleo kwani unachochea kasi ya maendeleo ya nchi na ustawi wa jamii.

Kauli hiyo imetolewa na waziri wan chi, ofisi ya rais, tawala za mikoa na idara maalum za SMZ, Masoud Mohammed Ali, wakati akizungumza katika hafla ya kupokea magari manne ya kubebea takataka yaliyotolewa na serikali ya Romania kupitia Shirika la Misaada la nchi hiyo (RoAID).

Alisema msaada huo umekuja wakati muafaka kwa kuzingatia kuwa serikali ya awamu ya nane imeweka mkazo na kipaumbele katika usafi wa mji, hivyo msaada huo utaoingeza kasi ya udhibiti na uondoaji wa taka katika manispaa na halmashauri za miji ya Zanzibar.

Alifafanua kuwa swala la uchafu wa mji limekuwa kero ya muda mrefu na kupigiwa kelele na viomngozi wakuu wa nchi hivyo kuna haja ya watendaji wa manispaa kuongeza kasi ya usafishaji wa miji.

“Ikifika mahali hata kiongozi mkuu wa nchi (Rais) anaonesha kutoridhika na kazi mnazozifanya,viongozi na watendaji wa manispaa pamoja na halmashauri mnapaswa kujitathmini lakini pia kujiwekea malengo katika utendaji na usimamizi wa utekelezaji wa majukumu yenu,” alisema Masoud.

Waziri huyo aliishukuru kampuni ya Rom Solutions ya Zanzibar na Premium Audit kwa kufanikisha upatikanaji wa magari hayo jambo ambalo ni mwendelezo wa misaada inayotolewa na taasisi hizo katika litaongeza ufanisi katika

“Rafiki wa kweli utamjua wakati wa shida, ninazo taarifa kwamba msaada wenye mnasaba na huu ulitolewa kwa manispaa na halmashauri zote za Zanzibar, ndio maana ninawapongeza Rom Solutions na Premium Audit kwa kuratibu upatikanaji wa msaada hii,” alieleza Masoud.

Aidha waziri masoud aliwataka madereva na viongozi wa manispaa zitakazotumia gari hizo, kuzitunza ili msaada huo uwe na tija.

Mapema akitoa taarifa fupi ya msaada huo, mtendaji mkuu wa taasisi ya Premium Audit, Any Ivan – Vasilica, alieleza kuwa magari hayo ya kisasa yametolewa msaada na shirika hilo kwa watu wa Zanzibar ili kuunga mkono juhudi zinazochukuliwa na serikali kuimarisha usafi wa mji.

Alisema licha ya juhudi zinazofanya na taasisi zinazohusiana na usafoishaji wa miji, bado hali ya udhibiti wa takataka umekuwa na changamoto jambo ambalo linahitaji mchango wa kila mmoja.

“Toka tumeanza kufanya kazi Zanzibar mwaka 2018, wakati wote kipaumbele cha kwanza ni mambo yanayoihusu jamii ya Zanzibar tukiamini kuwa na sisi ni sehemu yake,” alisema Any.

Alisema shirika la RoAid litaendelea kutoa mchango wake kwa taasisi na serikali ya Zanzibar na kushukuru ushirikiano inayoupata katika utekelezaji wa majukumu yake.

Akimkaribisha mgeni rasmi, Kaimu Mkurugenzi wa Jiji la Zanzibar, Said Salmin Ufuzo, alieleza kuwa gari hizo zenye uwezo wa kukusanya takataka zitatolewa kwa manispaa tatu za unguja na moja ya pemba ili kuongeza kasi ya uwekaji mji katika hali ya usafi.

Alizitaja manispaa zitakazonufaika na msaada huo kuwa ni manispaa ya Mjini, Manispaa ya Magharibi ‘A’ na Magharibi ‘B’ kwa Unguja na Baraza la Mji Chakechake Pemba.

“Tunaamini magari haya yataongeza ufanisi katika shughuli za uzoaji wa takataka kutoka katika vituo vya kukusanyia na kuzipeleka jaa kuu Kibele,” alieleza Ufuzo.

Katika hafla hiyo iliyofanyika katika ofisi za Rom Solution Kisauni wilaya ya Magharibi ‘B’, madereva waliopewa mafunzo walikabidhiwa vyeti na funguo za magari hayo yaliyogharimu jumla ya Euro 160,000 zilizotolewa na shirika la RoAid.

Comments

Post a Comment

Popular posts from this blog

'Zanzibar Matibabu Card' yashinda tuzo ya WSIS

Image
NA MWANDISHI MAALUM, USWISI WIZARA ya Afya Zanzibar imetunukiwa tuzo ya kimataifa ya ‘ World Summit on the Information Society’ (WSIS) kutokana na mafanikio ya utekelezaji wa mfumo wa matibabu kwa njia ya kadi maalum ya kidijitali ijulikanayo kama ‘ Zanzibar Matibabu Card’ , ambao umewezesha utoaji wa huduma bora za afya kwa wananchi kupitia teknolojia. Hafla ya kukabidhi tuzo hiyo ilifanyika Geneva, Uswisi na kuhudhuriwa na Waziri wa Teknolojia ya Habari na Mawasiliano wa serikali ya Jamhuri ya Muungano wa tanzania, Jerry Slaa, Balozi wa Tanzania Geneva, Abdallah Possi, pamoja na wajumbe kutoka Mamlaka ya Serikali Mtandao Zanzibar (e-GAZ) na Mamlaka ya Mawasiliano Tanzania (TCRA). Akipokea tuzo hiyo kwa niaba ya Serikali ya Mapinduzi Zanzibar, Waziri wa Afya Zanzibar, Nassor Ahmed Mazrui,   alisema mpango huo ni uthibitisho wa dhamira ya taifa kutumia teknolojia kuboresha maisha ya wananchi. Alieleza kuwa mfumo huo umeunganisha vituo vyote vya afya vya umma na taarifa za m...
Read more

ZAMECO yakerwa na video ya udhalilishaji mtandaoni

Image
NA MWANDISHI WETU KAMATI ya Wataalamu wa Masuala ya Habari Zanzibar (ZAMECO) inayoundwa na taasisi za kihabari na wadau wa habari imelaani video inayosambaa kwenye mitandao ya kijamii inayoonesha wasichana wawili waliorekodiwa na kuulizwa maswali yasiyo na maadili, kuvunja heshima na kukiuka haki za binaadamu. Taarifa iliyotolewa na taasisi hizo na kutiwa saini kwa pamoja na mwenyekiti wa klabu ya waandishi wa Habari Zanzibar (ZPC), Abdallah Mfaume na Mkurugenzi wa Chama cha Waandishi wa Habari Wanawake Tanzania (TAMWA ZNZ), Dk. Mzuri Issa, ilieleza kuwa tukio hili limeibua hisia kali kwa wadau wa habari, watetezi wa haki za binaadamu najamii kwa ujumla. Ilielezwa kuwa tukio hilo pia limeibua maswali yasiyo na majibu miongoni mwa wanahabari kuhusu maadili, haki za binadamu, na misingi ya uhuru wa vyombo vya habari. “Hivyo basi ZAMECO inasisitiza kuwa vitendo vya udhalilishaji kwa watoto wa kike na jamii ni ukiukwaji wa haki za binaadamu, maadili ya uandishi wa habari na kuvuruga ...
Read more

ZAMECO yakumbushia sheria mpya ya habari

Image
NA MWANDISHI MAALUM KAMATI ya Wataalamu y a  Vyombo vya Habari Zanzibar (ZAMECO), ime i shauri serikali kukamilisha mchakato wa upatikanaji wa sheria mpya ya habari ili kuimarisha uhuru wa kujieleza  na uwajibikaji . Akizungumza wa kati  w a kongamano la maadhimisho ya Siku ya Uhuru wa Habari Duniani upande wa Zanzibar, lililofanyika  Rahaleo  Studio , Mjumbe wa ZAMECO, Salim Said Salim, alisema mchakato huo umechukua muda mrefu   hivyo ipo haja ya kuchukuliwa kwa hatua za makusudi kuukamilisha. “Katika miaka  ya hivi karibuni  tu me shuhudia sheria nyingi zikipitishwa na Baraza la Wawakilishi ila sheria ya habari mchakato wake umekuwa ukienda na kurudi kwa zaidi ya miaka 20 hali inayowafanya wadau wa tasnia ya habari ku jion a wanyonge ”, alisema Salim. BAADHI ya waandishi wa habari na wafdau wa habari wakifuatilia uwaasilishaji wa mada wakati wa kongamano  Aliziomba mamlaka zinazohusika kuendelea kushirikiana na taasisi za kihabari kuhakiki...
Read more