Siku ya uhuru wa habari kuadhimishwa kimkakati Zanzibar

NA ASYA HASSAN

UMOJA wa Taasisi za Waandishi wa Habari Zanzibar, kupitia kamati maalum, unatarajia kuadhimisha siku ya uhuru wa vyombo vya habari kwa kutoa tunzo kwa waandishi watakaoandika habari zitakazotoa matokeo chanya kwa jamii na taifa kwa ujumla.

Mwenyekiti wa Kamati hiyo, Farouk Karim, alieleza hayo jana katika mkutano na waandishi wa habari, katika ukumbi wa Idara ya Mawasiliano na Taaluma za Habari ya chuo kikuu cha Zanzibar (SUZA), Kilimani wilaya ya Mjini Unguja.

Alisema hatua hiyo itasaidia waandishi kuongezea ujuzi, kujiamini, kujituma na kuongeza ubora katika kazi zao.

Alifahamisha kwamba tunzo hizo ambazo zimeegemea katika maeneo makuu matano ambayo ni uandishi wa habari za uchumi wa buluu iliyopewa jina la ‘Dk. Hussein Mwinyi Award’, Uandishi wa Habari za Jinsia (Mama Mariam Mwinyi Award), Uandishi wa Habari za Serikali ya Umoja wa Kitaifa (Maalim Seif Award), Uandishi wa Habari za Rushwa na uwajibikaji (ZAECA Award) na Uandishi wa Habari za kulipa kodi (ZRB Award).

Alivitaja vigezo vitakavyotumika kupata tunzo hizo  ni pamoja na ubora wa kazi iliyowasilishwa, upekee wa mada, umuhimu wa kuzingatia uwiano usawa wa kijinsia, ubunifu wa mada husika na matokeo baada ya kutoka habari au kipindi hicho.

Mwenyekiti huyo alisema ni vyema waandishi hao kujituma na kuchangamkia fursa hiyo kwani itawasaidia katika utekelezaji wa majukumu yao ya kila siku sambamba na fursa ya waandishi wa habari wa Zanzibar kuonesha uwezo wao, weledi na umahiri katika kazi zao.

Makamu Mwenyekiti wa Kamati hiyo Dk. Mzuri Issa Ali, alisema wameamua kuweka tunzo hizo ili kuisaidia kukuza vipaji vya waandishi wa habari na kwamba hatua hiyo inalenga kukuza maslahi makubwa kwa nchi kutokana na kazi hizo kuonesha vitu mbali mbali ambavyo vikifanyiwa kazi vitaleta matokeo chanya kwa wananchi na taifa kwa ujumla.

“Kazi hiyo sio rahisi kwani tumejipanga na kuna majaji imara ili mtu aweze kushinda itapitiwa na kuangaliwa vitu mbalimbali, hivyo mtu akishinda atakuwa amefanya kazi na anahitaji kupata tunzo hiyo,” alisema.

Kwa upande wake Katibu wa kamati hiyo Salma Said, alisema malengo ya maadhimisho hayo ni kuongeza hadhi ya uandishi wa habari na thamani ya waandishi wa habari ikiwa ni pamoja na kuandika habari kwa ufanisi, kufatilia, kutafuta na zenye kiwango cha juu.

“Uamuzi huu unatokana na sisi kama viongozi wa taaisisi kukubaliana kuwa habari nyingi zinazoandikwa hazina viwango vizuri kiasi cha kuleta matokei makubwa,” aliongeza Salma.

Siku ya uhuru wa vyombo vya habari kimataifa huadhimishwa Mei 3 ya kila mwaka, lakini kutokana na siku hiyo kuangukia katika mwezi mtukufu wa Ramadhani, taasisi za Zanzibar zitaiadhimisha siku hiyo Mei 23, mwaka huu.

BAADHI ya wawakilishi wa taasisi za kihabari zinazoandaa maadhimisho ya siku ya uhuru wa habari duniani wakiwa katika picha ya pamoja baada ya kumalizika kwa mkutano wa waandishi wa habari jana. kutoka kushoto mstari wa mbele ni Salma Said (WAHAMAZA), Farouk Karim (ITV/RADIO 1), Dk. Mzuri Issa (TAMWA - Z'BAR) . Mstari wa nyuma ni Mwajuma Juma (ZPC), Imane Duwe (SUZA) na Shifaa Said (MCT - Z'BAR).

Comments

Post a Comment

Popular posts from this blog

ZALIRI, FLI zaingia makubaliano kuimariusha sekta mifugo

Image
NA MWANDISHI MAALUM, WKUMM WIZARA ya Kilimo Umwagiliaji, Maliasili na Mifugo imeeleza kuwa itaendelea kushirikiana na wadau mbali mbali kupitia taasisi zake kustawisha sekta ya kilimo na ufugaji. Waziri wa wizara hiyo, Shamata Shaame Khamis alieleza hayo baada ya kushuhudia utiaji saini ya makubaliano ya ushirikiano na kiutendaji kati ya Taasisi ya Utafiti wa Mifugo Zanzibar (ZALIRI) na taasisi ya Friedrich Loeffler Institut (FLI) ya nchini Ujerumani.  Katika hafla hiyo, Mkurugenzi Mkuu wa ZARILI, Talib Saleh Suleiman alitia saini kwa niaba ya taasisi hiyo na kwa upande wa  FLI, Mkurugenzi wa Institute of International Animal/One Health, Prof. Sascha Knauf aliiwakilisha taasisi yake. Waziri Shamata  alieleza kuwa  serikali ya Ujerumani imekuwa na ushirikiano wa karibu na serikali ya Jamhuri ya Muungano wa Tanzania na Serikali ya Mapinduzi  Zanzibar katika mipango yake ya maendeleo.  Alifahamisha kuwa utiaji saini huo utaongeza ufanisi na wataalamu wa utafiti wa masuala ya mifugo lakini
Read more

Ibueni changamoto zinazokamisha usawa wa kijinsia - Simbaya

Image
NA MWANAISHA SHARIA, MOROGORO WAANDISHI wa habari wametakiwa kuendelea kuibua changamoto mbali mbali zinazowakabili wanawake ili wapate fursa za maendeleo zinazojitokeza nchini. Mkurugenzi wa Muungano wa Klabu za Waandishi wa Habari Tanzania (UTPC), Kenneth Simbaya alipokua akifungua mafunzo ya kuwajengea uwezo waandishi wa habari kuhusu kuandika habari za usawa wa kijinsia yaliyofanyika hoteli ya Flomi, mjini Morogoro. Amesema wandishi wa habari wana nguvu ya kufikisha ujumbe kwa jamii hivyo wana jukumu la kuhakikisha wanatoa elimu ya usawa wa kijinsia ili kutatua changamoto zilizopo. "Waandishi wa habari mtakapoibua kero za wanawake na kuzisemea mtaleta mabadiliko kwa wanawake hao lakini pia jamii nzima kwani kupitia kwao ukatili na ukandamizaji wanawake na watoto wa kike utaondoka”, alieleza Simbaya. Aidha Mkurugenzi huyo amewataka waandishi waliopatiwa mafunzo hayo kutumia vizuri elimu hiyo kwa kuandika habari na kuanda vipindi kuhusu usawa wa kijinsia ili kuleta mabadil
Read more

Uislam unakubali uzazi wa mpango

Image
NA MWAANDISHI MAALUM KWA muda mrefu, suala la uzazi wa mpango limekuwa na mjadala mrefu katika jamii na vyombo vya habarijuu ya kama jee ni sawa au linapingana na maelekezo ya dini ya Kiislamu? Maelezo yamekuwa mengi na yenye aina tafauti ya maelezo, lakini ukweli na uhakika ni kwamba dini ya Kiislamu haina pingamizi juu ya uzazi wa mpango kwa vile linasaidia mzazi na mtoto kuwa na afya bora. Sheikh Khamis Abdulhamid Mjumbe wa Baraza la Maulamaa Zanzibar, Sheikh Khamis Abdulhamid, amesema dini ya Kiislamu haijakataza  uzazi wa mpango ambao hauna na madhara kwa pande zote mbili. “Wakati Quran inashushwa Masahaba waliwahi kusema Quran haikutukataza kutumia njia ya mshindo (kumwanga maji ya uzazi nje) ili kupanga uzazi“, Sheikh Khamis alisemaa. Hata hivyo, aliongeza ni muhmu kwa wanawaume kujitahidi kufuatilia na kujipanga kupata elimu ili ndoa zao ziwe na furaha kwa kuweka utaratibu maalum wa kupata watoto. “Ikiwa mtu atasema ukikataa kuzaa nimekuacha basi hakika hio ni talaka ila hi
Read more