Soraga ahimiza mafunzo kwa watendaji kuongeza ufanisi 

NA SHARIFA MAULID, WNARKUU

WAZIRI wa Nchi Afisi ya Rais, Kazi, Uchumi na Uwekezaji, Mudrik Ramadhan Soraga, ametilia mkazo suala la kupatiwa mafunzo wafanyakazi ili kuwajengea uwezo wa utakaoimarisha utendaji katika maeneo yao.

Ameeleza hayo wakati akizungumza na wafanyakazi wa Idara ya Utumishi na Uwendeshaji ya wizara hiyo juu ya utekelezaji wa majukumu  yao katika ukumbi wa wizara yake Mwanakwerekwe, wilaya ya Magharib ‘B’.

Alisema katika utekelezaji wake, Wakurugenzi wa idara hiyo waangalie mahitaji na sio kupewa mtu mmoja kila inapotokea nafasi za mafunzo ili kuondosha manung’uniko miongoni mwa wafanyakazi.

Soraga aliwataka viongozi na wafanyakazi kufuata taratibu za kazi, muongozo  wa sheria za kazi na maagizo yanayotolewa na serikali kwa lengo la kuweka mustakabali mzuri utaopelekea ufanisi wa majukumu  ya kila mmoja na maendeleo ya wananchi kwa ujumla.

Hivyo aliutaka uongozi wa Idara hiyo kuhakikisha wafanyakazi wanapatiwa stahiki zao, kupandishwa madaraja na kuweka mfumo mzuri utakaoweka wazi kujua muda wa kuingia na kutoka kazini kuimarisha nidhamu kazini.

“Tukiweza kufanikisha haya, sina shaka tutafika mbali na kwa ufanisi kwani sisi sote tunafanyakazi moja, tushirikiane, tuwe na mawasiliano mazuri na kuzidisha umoja wetu,” alisema Mudrik.

Aidha Soraga alisisitiza haja ya kutumiwa kikamilifu anuani za barua pepe za wizara katika mawasiliano ya kikazi badala ya kutumia barua pepe binafsi kwani kufanya hivyo kunavujisha taarifa za serikali.

“Hakikisheni wafanyakazi wote mnawapatia email zao za Wizara hili si ombi ni amri, tuna mambo mengi ya serikali, sasa kutumia e-mail (barua pepe) binafsi, hii ni kurahisisha uvujaji wa taarifa za serikali,” alieleza waziri huyo.

Katika hatua nyengine, Soraga aliwataka watendaji wa idara hiyo kuwa makini katika utendaji wa kazi zao na kukemea tabia ya baadhi ya watumishi kuondoka kazini kabla ya wakati.

Kuhusu wakurugenzi wa Idara zilizomo katika wizara yake, Soraga aliwataka kutumia vyombo vya habari wanapofanya shughuli zao ili wananchi wajue serikali inayoyafanya.

Comments

Post a Comment

Popular posts from this blog

ZALIRI, FLI zaingia makubaliano kuimariusha sekta mifugo

Image
NA MWANDISHI MAALUM, WKUMM WIZARA ya Kilimo Umwagiliaji, Maliasili na Mifugo imeeleza kuwa itaendelea kushirikiana na wadau mbali mbali kupitia taasisi zake kustawisha sekta ya kilimo na ufugaji. Waziri wa wizara hiyo, Shamata Shaame Khamis alieleza hayo baada ya kushuhudia utiaji saini ya makubaliano ya ushirikiano na kiutendaji kati ya Taasisi ya Utafiti wa Mifugo Zanzibar (ZALIRI) na taasisi ya Friedrich Loeffler Institut (FLI) ya nchini Ujerumani.  Katika hafla hiyo, Mkurugenzi Mkuu wa ZARILI, Talib Saleh Suleiman alitia saini kwa niaba ya taasisi hiyo na kwa upande wa  FLI, Mkurugenzi wa Institute of International Animal/One Health, Prof. Sascha Knauf aliiwakilisha taasisi yake. Waziri Shamata  alieleza kuwa  serikali ya Ujerumani imekuwa na ushirikiano wa karibu na serikali ya Jamhuri ya Muungano wa Tanzania na Serikali ya Mapinduzi  Zanzibar katika mipango yake ya maendeleo.  Alifahamisha kuwa utiaji saini huo utaongeza ufanisi na wataalamu wa utafiti wa masuala ya mifugo lakini
Read more

Ibueni changamoto zinazokamisha usawa wa kijinsia - Simbaya

Image
NA MWANAISHA SHARIA, MOROGORO WAANDISHI wa habari wametakiwa kuendelea kuibua changamoto mbali mbali zinazowakabili wanawake ili wapate fursa za maendeleo zinazojitokeza nchini. Mkurugenzi wa Muungano wa Klabu za Waandishi wa Habari Tanzania (UTPC), Kenneth Simbaya alipokua akifungua mafunzo ya kuwajengea uwezo waandishi wa habari kuhusu kuandika habari za usawa wa kijinsia yaliyofanyika hoteli ya Flomi, mjini Morogoro. Amesema wandishi wa habari wana nguvu ya kufikisha ujumbe kwa jamii hivyo wana jukumu la kuhakikisha wanatoa elimu ya usawa wa kijinsia ili kutatua changamoto zilizopo. "Waandishi wa habari mtakapoibua kero za wanawake na kuzisemea mtaleta mabadiliko kwa wanawake hao lakini pia jamii nzima kwani kupitia kwao ukatili na ukandamizaji wanawake na watoto wa kike utaondoka”, alieleza Simbaya. Aidha Mkurugenzi huyo amewataka waandishi waliopatiwa mafunzo hayo kutumia vizuri elimu hiyo kwa kuandika habari na kuanda vipindi kuhusu usawa wa kijinsia ili kuleta mabadil
Read more

Uislam unakubali uzazi wa mpango

Image
NA MWAANDISHI MAALUM KWA muda mrefu, suala la uzazi wa mpango limekuwa na mjadala mrefu katika jamii na vyombo vya habarijuu ya kama jee ni sawa au linapingana na maelekezo ya dini ya Kiislamu? Maelezo yamekuwa mengi na yenye aina tafauti ya maelezo, lakini ukweli na uhakika ni kwamba dini ya Kiislamu haina pingamizi juu ya uzazi wa mpango kwa vile linasaidia mzazi na mtoto kuwa na afya bora. Sheikh Khamis Abdulhamid Mjumbe wa Baraza la Maulamaa Zanzibar, Sheikh Khamis Abdulhamid, amesema dini ya Kiislamu haijakataza  uzazi wa mpango ambao hauna na madhara kwa pande zote mbili. “Wakati Quran inashushwa Masahaba waliwahi kusema Quran haikutukataza kutumia njia ya mshindo (kumwanga maji ya uzazi nje) ili kupanga uzazi“, Sheikh Khamis alisemaa. Hata hivyo, aliongeza ni muhmu kwa wanawaume kujitahidi kufuatilia na kujipanga kupata elimu ili ndoa zao ziwe na furaha kwa kuweka utaratibu maalum wa kupata watoto. “Ikiwa mtu atasema ukikataa kuzaa nimekuacha basi hakika hio ni talaka ila hi
Read more