TASAF kujenga wodi ya akina mama, maabara zahanati ya Mkambarani

NA JAMES MWANAMYOTO, MOROGORO

NAIBU Waziri, Ofisi ya Rais, Menejimenti ya Utumishi wa Umma na Utawala Bora, Deogratius Ndejembi, (pichani) ameiahidi Kamati ya Kudumu ya Bunge ya Utawala na Serikali za Mitaa, kwamba kupitia Mfuko wa Maendeleo ya Jamii Tanzania (TASAF) serikali itajenga wodi ya kuwahudumia akina mama wajawazito na maabara katika zahanati ya kijiji cha Mkambarani ili wananchi hao wapate huduma bora za afya.

Ndejembi ametoa ahadi hiyo ikiwa ni utekelezaji wa maelekezo ya kamati hiyo iliyoelekeza Mfuko wa Maendeleo ya Jamii (TASAF) kujenga jengo la kina mama kwa ajili ya kuwapatia huduma stahiki, ikiwa ni pamoja na kujenga maabara itakayotoa huduma bora na vipimo wananchi wa Mkambarani.

Amesema, kutokana na maelekezo yaliyotolewa na kamati ofisi yake itajenga wodi ya akina mama ili kuwe na faragha wakati wa kuwahudumia akina mama wajawazito.

Kuhusu maelekezo ya ujenzi wa maabara, Ndejembi ameihakikishia kamati na wananchi wa kijiji hicho kwamba maabara itakayojengwa itawaondolea adha wananchi hao ya kusafiri umbali mrefu kufuata huduma na kuingia gharama kubwa.

Ameongeza kuwa, lengo la serikali kujenga zahanati ya Mkambarani ni kuwasogezea karibu huduma za afya wananchi wa eneo hilo ikizingatiwa kuwa, walengwa wa TASAF watanufaika pia na huduma zinazotolewa na zahanati hiyo na hatimaye kuwa na afya bora itakayowawezesha kupambana na umaskini kupitia ruzuku ya TASAF wanayoipata.

Akitoa maelekezo kwa serikali kwa niaba ya kamati yake, Mwenyekiti wa Kamati hiyo Humphrey Polepole, amesema Kamati imelazimika kutoa maelekezo ya ujenzi wa Wodi ya akina mama na maabara kama sehemu ya kulinda utu wa wananchi hususani akina mama wanaofuata huduma ya uzazi katika zahanati ya Mkambarani.  

Aidha  Polepole amesema, wodi ya akina mama ikijengwa itaongeza usiri na faragha wakati wa kuwahudumia wajawazito tofauti la ilivyo sasa ambapo hakuna usiri wa kutosha wala faragha pindi akina mama wanapohudumiwa.

Kuhusiana na maelekezo ya ujenzi wa maabara, Polepole ameeleza kuwa, kamati yake imepata fursa ya kuitembelea zahanati ya Mkambarani na kubaini kuwa hakuna maabara inayokidhi mahitaji ndio maana kamati yake imeielekeza Serikali kujenga maabara itakayokidhi kutoa huduma stahiki kwa wananchi wa kijiji cha Mkambarani.

Kamati ya Kudumu ya Bunge ya Utawala na Serikali za Mitaa imemaliza ziara ya kikazi ya siku tatu mkoani Dar es Salaam, Pwani na Morogoro iliyolenga kukagua utekelezaji wa miradi inayotekelezwa na taasisi zilizo chini ya Ofisi ya Rais, Menejimenti ya Utumishi wa Umma na Utawala Bora.

Picha na maelezo yake:

MWENYEKITI wa Kamati ya Kudumu ya Bunge ya Utawala na Serikali za Mitaa, Humphrey Polepole (Mb), akitoa maelekezo kwa Serikali kuhusu ujenzi wa wodi ya kuwahudumia akina mama wajawazito na maabara katika zahanati ya Kijiji cha Mkambarani.

BAADHI ya wananchi wa Kijiji cha Mkambarani, Morogoro wakimsikiliza Mwenyekiti wa Kamati ya Kudumu ya Bunge ya Utawala na Serikali za Mitaa, Humphrey Polepole (hayupo pichani) wakati wa ziara ya kikazi ya kamati hiyo iliyolenga kukagua utekelezaji wa miradi ya TASAF kijijini hapo.

MMOJA wa wanufaika wa TASAF wa Kijiji cha Mkambarani, Mzee Abdallah Kinyaku, akitoa ushuhuda wa namna alivyonufaika na TASAF kwa Kamati ya Kudumu ya Bunge ya Utawala na Serikali za Mitaa wakati wa ziara ya kikazi ya kamati hiyo iliyolenga kukagua utekelezaji wa mpiradi ya TASAF kijijini hapo.


Comments

Post a Comment

Popular posts from this blog

ZAMECO yakerwa na video ya udhalilishaji mtandaoni

Image
NA MWANDISHI WETU KAMATI ya Wataalamu wa Masuala ya Habari Zanzibar (ZAMECO) inayoundwa na taasisi za kihabari na wadau wa habari imelaani video inayosambaa kwenye mitandao ya kijamii inayoonesha wasichana wawili waliorekodiwa na kuulizwa maswali yasiyo na maadili, kuvunja heshima na kukiuka haki za binaadamu. Taarifa iliyotolewa na taasisi hizo na kutiwa saini kwa pamoja na mwenyekiti wa klabu ya waandishi wa Habari Zanzibar (ZPC), Abdallah Mfaume na Mkurugenzi wa Chama cha Waandishi wa Habari Wanawake Tanzania (TAMWA ZNZ), Dk. Mzuri Issa, ilieleza kuwa tukio hili limeibua hisia kali kwa wadau wa habari, watetezi wa haki za binaadamu najamii kwa ujumla. Ilielezwa kuwa tukio hilo pia limeibua maswali yasiyo na majibu miongoni mwa wanahabari kuhusu maadili, haki za binadamu, na misingi ya uhuru wa vyombo vya habari. “Hivyo basi ZAMECO inasisitiza kuwa vitendo vya udhalilishaji kwa watoto wa kike na jamii ni ukiukwaji wa haki za binaadamu, maadili ya uandishi wa habari na kuvuruga ...
Read more

Airtel Foundation yazindua mpango wa udhamini wa masomo kwa vijana

Image
NA MWANDISHI WETU KAMPUNI ya mawasiliano ya Aiirtel Tanzania imezindua mpango wa udhamini wa masomo katika fani za teknolojia kwa vijana wa Afrika wanaosoma katika taasisi ya teknolojia ya india (IIT – Madras) kampasi ya Zanzibar. Uzinduzi huo umefanyika Oktoba 7, 2024 katika kampasi ya chuo hicho Bweleo, wilaya ya Magharibi ‘B’ Unguja na kuhudhuriwa na viongozi mbali mbali akiwemo Mkurugenzi Mtendaji wa Airtel Tanzania, Dk. Dinesh Balsingh na Waziri wa Elimu na Mafunzo ya Amali Zanzibar, Lela Muhamed Mussa. Viongozi wengine ni Naibu Waziri wa Elimu, Sayansi na Teknolojia Jamhuri ya Muungano wa Tanzania, Omar Kipanga, Balozi wa India nchini Tanzania, Dk. Biswadip Dey, Katibu Mkuu, Wizara ya Ujenzi, Mawasiliano na Uchukuzi, Makame Machano Haji na Mkuruaenzi wa IITMZ Prof. Preeti Aghalayam. Akizungumza kwa niaba ya Mwenyekiti wa Airtel Africa, Dk. Segun Ogunsanya,   Dk. Dinesh amesema programu hiyo inahusisha wanafunzi wa Afrika walofaulu michipuo ya sayansi na kwamba kila mwak...
Read more

SMZ yawaita vijana kushiriki kilimo

Image
N A MWANDISHI WETU SERIKALI ya Mapinduzi Zanzibar, imewahimiza vijana nchini kubadili mitazamo yao juu ya kilimo kwani ni miongoni mwa kazi zenye faida na tija kiuchumi na kijamii. Waziri wa Kilimo, Umwagiliaji, Maliasili na Mifugo, Shamata Shaame Khamis, alitoa wito huo hivi karibuni baada ya kuzindua awamu ya pili ya mradi wa uendelezaji kilimo unaofadhiliwa na Serikali ya watu wa Marekani na serikali ya Jamhuri ya watu wa Korea Kusini, huko Kibokwa mkoa wa Kaskazini Unguja. Shamata a lieleza kuwa Serikali ya Mapinduzi Zanzibar na ya Jamhuri ya Muungano wa Tanzania zinashirikiana na washirika wa maendeleo wa ndani na nje ya nchi ili kutekeleza mikakati inayohakikisha vijana na wanawake wanawezeshwa na kutumia fursa zilizomo kwenye kilimo. Aliongeza kuwa kupitia programu na mikakati mbali mbali, vijana wamewezeshwa kumiliki biashara za kilimo na miundombinu ya uzalishaji kuzalisha mazao yanayohitajika kwenye hoteli za kitalii na masoko mengine ya ndani. “Hatua hii si tu inalenga kupun...
Read more