UNDP kushirikiana na SMZ kuendeleza miradi ya uchumi


NA MWANDISHI WETU, DAR ES SALAAM

WAZIRI wa Nchi Afisi ya Rais Fedha na Mipango, Jamal Kassim Ali (pichani), amefanya mazungumzo na Mwakilishi Mkaazi wa Shirika la  Mpango wa Maendeleo la Umoja wa Mataifa (UNDP), Christine Musisi na kujadiliana namna shirika hilo litakavyosaidia miradi ya maendeleo ya kukuza uchumi wa Zanzibar.

Mazungumzo hayo yamefanyika jana, katika Ofisi ya Uratibu wa Shughuli za SMZ zilizopo katika ofisi ya Makamu wa Pili wa Rais, jijini Dar es Salaam. 

Jamal alisema Serikali ya Mapinduzi Zanzibari itaendelea kushirikiana na washirika wa maendeleo wa ndani na nje ikiwemo UNDP, kusaidia uwajibikaji na utendaji kazi wa serikali kwa ufanisi kama alivyoagiza Rais wa Zanzibar na Mwenyekiti wa Baraza la Mapinduzi Zanzibar wa  awamu ya nane Dk. Hussein Ali Mwinyi.

Alisema Zanzibar imejipanga katika kuimarisha uwajibikaji na utendaji kazi kwa wafanyakazi wake ili kuhakikisha nchi inafikia malengo yaliyowekwa wa uchumi wa buluu.

Aliongeza kusema kwamba, shirika hilo litasaidia katika uchumi wa buluu katika kuandaa sera na kujengea uwezo watendaji katika fani mbali mbali ili kufikia azma hiyo ya serikali.

Alifafanua kuwa, UNDP imeweka nguvu zake katika kusaidia Baraza la Wawakilishi la Zanzibar vifaa vya kisasa na kuwajengea uwezo ili liendane na mfumo wa mawasiliano wa sayansi na teknolojia pamoja na kuzijengea uwezo Halmashauri za Zanzibar kivifaa na kiutendaji.

Sambamba na hilo wataendelea kuimarisha mahakama za Zanzibar kwa kuvipatia nyezo za kufanyia kazi kwa ufanisi na kwa haraka zaidi katika kutoa maamuzi.

Jamal alieleza kuwa Dk. Mwinyi, ameruhusu kuanzishwa kwa mahakama maalumu ya udhalilishaji wa watoto na wanawake ili kupambana na kuondosha masuala hayo katika jamii.

Comments

Post a Comment

Popular posts from this blog

ZALIRI, FLI zaingia makubaliano kuimariusha sekta mifugo

Image
NA MWANDISHI MAALUM, WKUMM WIZARA ya Kilimo Umwagiliaji, Maliasili na Mifugo imeeleza kuwa itaendelea kushirikiana na wadau mbali mbali kupitia taasisi zake kustawisha sekta ya kilimo na ufugaji. Waziri wa wizara hiyo, Shamata Shaame Khamis alieleza hayo baada ya kushuhudia utiaji saini ya makubaliano ya ushirikiano na kiutendaji kati ya Taasisi ya Utafiti wa Mifugo Zanzibar (ZALIRI) na taasisi ya Friedrich Loeffler Institut (FLI) ya nchini Ujerumani.  Katika hafla hiyo, Mkurugenzi Mkuu wa ZARILI, Talib Saleh Suleiman alitia saini kwa niaba ya taasisi hiyo na kwa upande wa  FLI, Mkurugenzi wa Institute of International Animal/One Health, Prof. Sascha Knauf aliiwakilisha taasisi yake. Waziri Shamata  alieleza kuwa  serikali ya Ujerumani imekuwa na ushirikiano wa karibu na serikali ya Jamhuri ya Muungano wa Tanzania na Serikali ya Mapinduzi  Zanzibar katika mipango yake ya maendeleo.  Alifahamisha kuwa utiaji saini huo utaongeza ufanisi na wataalamu wa utafiti wa masuala ya mifugo lakini
Read more

Ibueni changamoto zinazokamisha usawa wa kijinsia - Simbaya

Image
NA MWANAISHA SHARIA, MOROGORO WAANDISHI wa habari wametakiwa kuendelea kuibua changamoto mbali mbali zinazowakabili wanawake ili wapate fursa za maendeleo zinazojitokeza nchini. Mkurugenzi wa Muungano wa Klabu za Waandishi wa Habari Tanzania (UTPC), Kenneth Simbaya alipokua akifungua mafunzo ya kuwajengea uwezo waandishi wa habari kuhusu kuandika habari za usawa wa kijinsia yaliyofanyika hoteli ya Flomi, mjini Morogoro. Amesema wandishi wa habari wana nguvu ya kufikisha ujumbe kwa jamii hivyo wana jukumu la kuhakikisha wanatoa elimu ya usawa wa kijinsia ili kutatua changamoto zilizopo. "Waandishi wa habari mtakapoibua kero za wanawake na kuzisemea mtaleta mabadiliko kwa wanawake hao lakini pia jamii nzima kwani kupitia kwao ukatili na ukandamizaji wanawake na watoto wa kike utaondoka”, alieleza Simbaya. Aidha Mkurugenzi huyo amewataka waandishi waliopatiwa mafunzo hayo kutumia vizuri elimu hiyo kwa kuandika habari na kuanda vipindi kuhusu usawa wa kijinsia ili kuleta mabadil
Read more

Uislam unakubali uzazi wa mpango

Image
NA MWAANDISHI MAALUM KWA muda mrefu, suala la uzazi wa mpango limekuwa na mjadala mrefu katika jamii na vyombo vya habarijuu ya kama jee ni sawa au linapingana na maelekezo ya dini ya Kiislamu? Maelezo yamekuwa mengi na yenye aina tafauti ya maelezo, lakini ukweli na uhakika ni kwamba dini ya Kiislamu haina pingamizi juu ya uzazi wa mpango kwa vile linasaidia mzazi na mtoto kuwa na afya bora. Sheikh Khamis Abdulhamid Mjumbe wa Baraza la Maulamaa Zanzibar, Sheikh Khamis Abdulhamid, amesema dini ya Kiislamu haijakataza  uzazi wa mpango ambao hauna na madhara kwa pande zote mbili. “Wakati Quran inashushwa Masahaba waliwahi kusema Quran haikutukataza kutumia njia ya mshindo (kumwanga maji ya uzazi nje) ili kupanga uzazi“, Sheikh Khamis alisemaa. Hata hivyo, aliongeza ni muhmu kwa wanawaume kujitahidi kufuatilia na kujipanga kupata elimu ili ndoa zao ziwe na furaha kwa kuweka utaratibu maalum wa kupata watoto. “Ikiwa mtu atasema ukikataa kuzaa nimekuacha basi hakika hio ni talaka ila hi
Read more