Vijana watakiwa kutumia vyema mitandao ya kijamii

NA MADINA ISSA

MKURUGENZI Mtendaji wa Jumuiya wa Jukwaa la Vijana Zanzibar Zanzibar Youth Forum (ZYF), Maulid Suleiman, (pichani aliesimama) amewataka vijana nchini kutumia mitandao ya kijamii ipasavyo, ili kuepusha kuleta athari kwa mbalimbali kwa jamii.

Maulid alitoa wito huo jana wakati akifungua mafunzo ya kuwajengea uwezo vijana kupitia mradi wa kukuza ushiriki wa asasi za kiraia katika sheria na uhuru wa msingi wa vyombo vya habari, yaliyofanyika katika ukumbi wa kitengo cha kudhibiti malaria Mwanakwerekwe Mjini Unguja.

Alisema vijana wengi wanatumia vibaya mitandao hiyo na kusababisha migogoro ndani ya jamii.

Alisema ni vyema kwa vijana hao kutumia mitandao hiyo kwa kutoa taarifa sahihi ambazo zitaleta mafanikio nchini na kufikia malengo yaliyokusudiwa ikiwemo kuelimisha jamii hasa wanaotumia mitandao ya kijamii.

Aidha alisema kuwa lengo la mradi huo ni kuwajengea uwezo taasisi zisizo za kiserikali na ushiriki na utetezi juu ya sera za habari, uhuru wa habari na haki za msingi za binaadamu.

Akiwasilisha mada ya matumizi ya mazuri ya mitandao, Mwanahabari Mwandamizi, Dk. Suleiman Seif Omar, alisema wapo baadhi ya vijana hutumia mitandao ya kijamii kwa kuandika taarifa bila ya kufuata sheria jambo ambalo linaweza kuleta vurugu na sintofahamu katika nchi.

alisema kupatiwa mafunzo hayo kutawawezesha kutangaza habari zilizokuwa na ubora na za kweli kwa lengo la kuielimisha jamii.

“Sasa hivi kila mtu ni muandishi wa habari watu wanaitumia taaluma hii wanavyotaka hivyo ni vyema vijana wakaacha mtindo huu kwani uandishi wa habari ni taaluma na unatakiwa usome na kujua taratibu za kupasha habari na sio uvamie tu,” alisema.

Hivyo, alisema ni vyema wakatumia taratibu na sheria za mitandao ya kijamii kwa kuandika taarifa bila ya kumkwaza mtu kwa kutuma picha sahihi na taarifa zilizokuwa sio za uongo ambazo zitakuwa zimefanyiwa tafiti wa kina ili kuweza kufaidia juu ya habari atakayoituma.

Nao, baadhi ya washiriki wa mafunzo hayo, walisema mafunzo hayo yatawasaidia kujua sheria za mitandao na kutoa taarifa sahihi kupitia mitandao au mawasiliano yao ya kawaida.

Walisema ipo haja kwa asasi za kiraia kutumia mitandao ya jamii kuimarisha upatikanaji wa habari kwa jamii ili kustawisha maendeleo ya nchi na watu wake.

Mradi huo wa miaka miwili, unatekelezwa na ZYF chini ya ufadhiliwa na shirika la International Media Support (IMS) la Denmark chini ya uangalizi wa MISA TAN, UTPC na TAMWA umelenga kuimarisha matumizi sahihi ya mitandao ya kijamii na kuongeza uelewa wa wanachama wa asasi za kiraia juu ya sheria zinazohusiana na vyombo vya habari.

Comments

Post a Comment

Popular posts from this blog

ZAMECO yakerwa na video ya udhalilishaji mtandaoni

Image
NA MWANDISHI WETU KAMATI ya Wataalamu wa Masuala ya Habari Zanzibar (ZAMECO) inayoundwa na taasisi za kihabari na wadau wa habari imelaani video inayosambaa kwenye mitandao ya kijamii inayoonesha wasichana wawili waliorekodiwa na kuulizwa maswali yasiyo na maadili, kuvunja heshima na kukiuka haki za binaadamu. Taarifa iliyotolewa na taasisi hizo na kutiwa saini kwa pamoja na mwenyekiti wa klabu ya waandishi wa Habari Zanzibar (ZPC), Abdallah Mfaume na Mkurugenzi wa Chama cha Waandishi wa Habari Wanawake Tanzania (TAMWA ZNZ), Dk. Mzuri Issa, ilieleza kuwa tukio hili limeibua hisia kali kwa wadau wa habari, watetezi wa haki za binaadamu najamii kwa ujumla. Ilielezwa kuwa tukio hilo pia limeibua maswali yasiyo na majibu miongoni mwa wanahabari kuhusu maadili, haki za binadamu, na misingi ya uhuru wa vyombo vya habari. “Hivyo basi ZAMECO inasisitiza kuwa vitendo vya udhalilishaji kwa watoto wa kike na jamii ni ukiukwaji wa haki za binaadamu, maadili ya uandishi wa habari na kuvuruga ...
Read more

Airtel Foundation yazindua mpango wa udhamini wa masomo kwa vijana

Image
NA MWANDISHI WETU KAMPUNI ya mawasiliano ya Aiirtel Tanzania imezindua mpango wa udhamini wa masomo katika fani za teknolojia kwa vijana wa Afrika wanaosoma katika taasisi ya teknolojia ya india (IIT – Madras) kampasi ya Zanzibar. Uzinduzi huo umefanyika Oktoba 7, 2024 katika kampasi ya chuo hicho Bweleo, wilaya ya Magharibi ‘B’ Unguja na kuhudhuriwa na viongozi mbali mbali akiwemo Mkurugenzi Mtendaji wa Airtel Tanzania, Dk. Dinesh Balsingh na Waziri wa Elimu na Mafunzo ya Amali Zanzibar, Lela Muhamed Mussa. Viongozi wengine ni Naibu Waziri wa Elimu, Sayansi na Teknolojia Jamhuri ya Muungano wa Tanzania, Omar Kipanga, Balozi wa India nchini Tanzania, Dk. Biswadip Dey, Katibu Mkuu, Wizara ya Ujenzi, Mawasiliano na Uchukuzi, Makame Machano Haji na Mkuruaenzi wa IITMZ Prof. Preeti Aghalayam. Akizungumza kwa niaba ya Mwenyekiti wa Airtel Africa, Dk. Segun Ogunsanya,   Dk. Dinesh amesema programu hiyo inahusisha wanafunzi wa Afrika walofaulu michipuo ya sayansi na kwamba kila mwak...
Read more

SMZ yawaita vijana kushiriki kilimo

Image
N A MWANDISHI WETU SERIKALI ya Mapinduzi Zanzibar, imewahimiza vijana nchini kubadili mitazamo yao juu ya kilimo kwani ni miongoni mwa kazi zenye faida na tija kiuchumi na kijamii. Waziri wa Kilimo, Umwagiliaji, Maliasili na Mifugo, Shamata Shaame Khamis, alitoa wito huo hivi karibuni baada ya kuzindua awamu ya pili ya mradi wa uendelezaji kilimo unaofadhiliwa na Serikali ya watu wa Marekani na serikali ya Jamhuri ya watu wa Korea Kusini, huko Kibokwa mkoa wa Kaskazini Unguja. Shamata a lieleza kuwa Serikali ya Mapinduzi Zanzibar na ya Jamhuri ya Muungano wa Tanzania zinashirikiana na washirika wa maendeleo wa ndani na nje ya nchi ili kutekeleza mikakati inayohakikisha vijana na wanawake wanawezeshwa na kutumia fursa zilizomo kwenye kilimo. Aliongeza kuwa kupitia programu na mikakati mbali mbali, vijana wamewezeshwa kumiliki biashara za kilimo na miundombinu ya uzalishaji kuzalisha mazao yanayohitajika kwenye hoteli za kitalii na masoko mengine ya ndani. “Hatua hii si tu inalenga kupun...
Read more