ZPC yaomboleza kifo cha JPM

NA MZEE GEORGE

WAKATI mwili wa aliyekuwa Rais wa Jamhuri ya Muungano wa Tanzania, marehemu Dk. John Magufuli ukifikishwa katika kijiji chao cha Chato mkoani Geita, wananchi na viongozi wa ngazi mbali mbali wamejitokeza kusaini vitabu vya maombolezo vilivyowekwa katika maeneo mbali mbali nchini.

Miongoni mwa wananchi na viongozi  waliofanya hivyo jana ni Rais wa Zanzibar na Mwenyekiti wa Baraza la Mapinduzi Dk. Hussein Ali Mwinyi, alieweka saini katika vitabu hivyo vilivyowekwa katika Ofisi Kuu ya CCM Zanzibar Kisiwandui na ukumbi wa Sheikh Idriss Abdulwakil.

Kwa upande wa viongozi wa asasi za kirai, Katibu Mkuu wa Klabu ya Waandishi wa Habari Zanzibar, Mwinyimvua Nzukwi ambae aliweka saini katika vitabu hivyo Machi 24, 2020  na kueleza kusikitishwa kwao na kifo hicho.

Akizungumza na mwandishi wa habari hizi, Nzukwi alieleza kuwa kifo cha Dk. Magufuli ni pigo na kwamba kimeacha pengo katika ujenzi wa taifa.

Alieleza kuwa Dk. Magufuli licha ya kuwa ni kiongozi wa kitaifa, bado alikuwa mdau na chanzo muhimu cha habari na kuvipongeza vyombo vya habari kwa kuungana na kutoa taarifa za matukio ya kifo cha kiongozi huyo.

Alisema toka kutokea kwa msiba huo, vyombo vya habari vimekuwa vikitoa taarifa na uchambuzi wa habari uliowawezesha watanzania na walimwengu kuwa na uelewa jambo lilisaidia kuongeza umoja na mshikamano kama taifa.

Akizungumzia hatua ya kusaini kitabu hicho alisema kunatokana na kuguswa kama mwananchi lakini kiongozi wa taasisi inayowaunganisha waandishi, waliona umuhumu wa kuonesha kuhguswa kwao na kifo cha kiongozi huyo aliefariki Machi 17, 2021 katika hospitali ya Mzena jijini Dar es salam.

“Hakika umeondoka wakati sote tukikuhitaji, pumzika kwa amani. RIP – JPM,” aliandika Nzukwi katika kitabu cha CCM na “Waandishi wa habari na Wanachama wa Klabu za Wanahabari zitakumbuka mchango wako katika ujenzi wa taifa siku zote, RIP – JPM,” katika kitabu cha serikali.

Maziko ya Dk. Magufuli yanatarajiwa kufanyika machi 26, 2020 kijijini kwao chato, mkoani Geita ambapo mwili wa kiongozi huyo ulifikishwa kijijini hapo Machi 24, 2021 majira ya saa 12:30 jioni ukitokea Zanzibar ambapo uliagwa Machi 23 kabla ya kuagwa Mwanza asubuhi ya Machi 24, 2021.

Pichani na maelezo:

KATIBU Mkuu wa ZPC Mwinyimvua Nzukwi, akisaini kitabu cha maombolezo ya kifo cha aliyekuwa Rais wa Jamhuri ya Muungano wa Tanzania, marehemu Dk. John Pombe Magufuli, katika Ofisi Kuu ya CCM Zanzibar, Kisiwandui, Zanzibar.

KATIBU Mkuu wa ZPC Mwinyimvua Nzukwi, akisaini kitabu cha maombolezo ya kifo cha aliyekuwa Rais wa Jamhuri ya Muungano wa Tanzania, marehemu Dk. John Pombe Magufuli, katika ukumbi wa Sheikh Idriss Abdulwakil, Kikwajuni Zanzibar. (PICHA NA MZEE GEORGE).


 

Comments

Post a Comment

Popular posts from this blog

ZALIRI, FLI zaingia makubaliano kuimariusha sekta mifugo

Image
NA MWANDISHI MAALUM, WKUMM WIZARA ya Kilimo Umwagiliaji, Maliasili na Mifugo imeeleza kuwa itaendelea kushirikiana na wadau mbali mbali kupitia taasisi zake kustawisha sekta ya kilimo na ufugaji. Waziri wa wizara hiyo, Shamata Shaame Khamis alieleza hayo baada ya kushuhudia utiaji saini ya makubaliano ya ushirikiano na kiutendaji kati ya Taasisi ya Utafiti wa Mifugo Zanzibar (ZALIRI) na taasisi ya Friedrich Loeffler Institut (FLI) ya nchini Ujerumani.  Katika hafla hiyo, Mkurugenzi Mkuu wa ZARILI, Talib Saleh Suleiman alitia saini kwa niaba ya taasisi hiyo na kwa upande wa  FLI, Mkurugenzi wa Institute of International Animal/One Health, Prof. Sascha Knauf aliiwakilisha taasisi yake. Waziri Shamata  alieleza kuwa  serikali ya Ujerumani imekuwa na ushirikiano wa karibu na serikali ya Jamhuri ya Muungano wa Tanzania na Serikali ya Mapinduzi  Zanzibar katika mipango yake ya maendeleo.  Alifahamisha kuwa utiaji saini huo utaongeza ufanisi na wataalamu wa utafiti wa masuala ya mifugo lakini
Read more

Ibueni changamoto zinazokamisha usawa wa kijinsia - Simbaya

Image
NA MWANAISHA SHARIA, MOROGORO WAANDISHI wa habari wametakiwa kuendelea kuibua changamoto mbali mbali zinazowakabili wanawake ili wapate fursa za maendeleo zinazojitokeza nchini. Mkurugenzi wa Muungano wa Klabu za Waandishi wa Habari Tanzania (UTPC), Kenneth Simbaya alipokua akifungua mafunzo ya kuwajengea uwezo waandishi wa habari kuhusu kuandika habari za usawa wa kijinsia yaliyofanyika hoteli ya Flomi, mjini Morogoro. Amesema wandishi wa habari wana nguvu ya kufikisha ujumbe kwa jamii hivyo wana jukumu la kuhakikisha wanatoa elimu ya usawa wa kijinsia ili kutatua changamoto zilizopo. "Waandishi wa habari mtakapoibua kero za wanawake na kuzisemea mtaleta mabadiliko kwa wanawake hao lakini pia jamii nzima kwani kupitia kwao ukatili na ukandamizaji wanawake na watoto wa kike utaondoka”, alieleza Simbaya. Aidha Mkurugenzi huyo amewataka waandishi waliopatiwa mafunzo hayo kutumia vizuri elimu hiyo kwa kuandika habari na kuanda vipindi kuhusu usawa wa kijinsia ili kuleta mabadil
Read more

Uislam unakubali uzazi wa mpango

Image
NA MWAANDISHI MAALUM KWA muda mrefu, suala la uzazi wa mpango limekuwa na mjadala mrefu katika jamii na vyombo vya habarijuu ya kama jee ni sawa au linapingana na maelekezo ya dini ya Kiislamu? Maelezo yamekuwa mengi na yenye aina tafauti ya maelezo, lakini ukweli na uhakika ni kwamba dini ya Kiislamu haina pingamizi juu ya uzazi wa mpango kwa vile linasaidia mzazi na mtoto kuwa na afya bora. Sheikh Khamis Abdulhamid Mjumbe wa Baraza la Maulamaa Zanzibar, Sheikh Khamis Abdulhamid, amesema dini ya Kiislamu haijakataza  uzazi wa mpango ambao hauna na madhara kwa pande zote mbili. “Wakati Quran inashushwa Masahaba waliwahi kusema Quran haikutukataza kutumia njia ya mshindo (kumwanga maji ya uzazi nje) ili kupanga uzazi“, Sheikh Khamis alisemaa. Hata hivyo, aliongeza ni muhmu kwa wanawaume kujitahidi kufuatilia na kujipanga kupata elimu ili ndoa zao ziwe na furaha kwa kuweka utaratibu maalum wa kupata watoto. “Ikiwa mtu atasema ukikataa kuzaa nimekuacha basi hakika hio ni talaka ila hi
Read more