Mbunge Welezo akemea udhalilisahaji watu wenye ulemavu

NA MWANDISHI WETU

WAZAZI na walezi wenye watoto wenye ulemavu, wameombwa kutowaficha kwani kufanya hivyo ni sehemu ya udhalilishaji na ukiukwaji wa haki za binadamu.

Wito huo umetolewa na Mbunge wa jimbo la Welezo, Unguja katika hafla ya kukabidhi viti mwendo (wheel chair) kwa watu wenye ulemavu wa jimbo hilo iliyofanyika katika tawi la CCM Mwendapole, shehia ya Welezo wilaya ya Magharibi ‘A’.

Alieleza kuwa kushirikishwa kwa watu wenye mahitaji maalum katika shuguli za kijamii ni miongoni mwa haki za binadamu hivyo ipo haja ya elimu iendelee kutolewa.

“Watu wenye ulemavu na wenye mahitaji maalum ni sehemu ya jamii, hivyo tuwatoeni na kuwapeleka skuli ili kupata elimu lakini pia tuwashirikishe katika mambo mengine ya kijamii,” alisema Maulid.

Aidha aliwapongeza wananchi wa jimbo hilo kwa mashirikiano wanayoyatoa kwa viongozi wa jimbo hilo jambo linalopelekea utekelezaji wa ilani ya uchaguzi kwa ufanisi.

“Tuendelee kushikamana na kushirikiana ili tuweze kukamilisha utekelezaji wa ilani ya CCM na mipango ya nchi yetu kwa wakati,” alieleza Maulid.

Akizungumza katika makabidhiano hayo, mzee Usinga Makame Suha, alimshukuru kiongozi huyo na kueleza kuwa kiti hicho kiamsaidia mtoto wake kujumuika na wenziwe katika masomo na michezo.

“naomba wazazi wenzangu wasione kuwa na motto mwenye ulemavu kama ni mkosi, tuwape nafasi ya kusoma tusiwafungie ndani,” alieleza usinba baba wa rauhiya.

Nae mzazi wa mtoto Muayar Mussa Ali, aliiomba serikali kuendelea kutoa elimu kwa jamii ili iwalinde watoto wenye ulemavu dhidi ya aina zote za udhalilishaji.

“Kuwaficha ndani watu wenye ulemavu kwa kuogopa aibu ni udhalilishaji ambao unapaswa kukemewa ili kuuondoa ndani ya jamii,” alisema Mussa.

Awali akitoa maelezo juu ya shughuli hiyo, Katibu wa CCM jimbo la Welezo, Mwanakhamis Khamis Idi, aliwapongeza viongozi wa jimbo hilo kwa kuanza kutekeleza ahadi zao na kuwaomba waendelee kufanya hivyo katika makundi na maeneo mengine ya jamii.

“Wakati wa kampeni zipo ahadi zilitolewa na viongozi kama ahadi zao, ninashukuru kwamba umeanza kutekeleza ahadi hizo na kukijengea uaminifu chama chetu,” alisema Katibu huyo.

Jumla ya shilingi milioni 8.5 zimetumika kununulia viti hivyo vilivyotolewa kwa watoto na watu wazima wenye ulemavu wa viungo vya miguu na mwili ili kuwaondolea changamoto ya usafiri kutoka sehemu moja na nyengine.

 

 

Comments

Post a Comment

Popular posts from this blog

ZALIRI, FLI zaingia makubaliano kuimariusha sekta mifugo

Image
NA MWANDISHI MAALUM, WKUMM WIZARA ya Kilimo Umwagiliaji, Maliasili na Mifugo imeeleza kuwa itaendelea kushirikiana na wadau mbali mbali kupitia taasisi zake kustawisha sekta ya kilimo na ufugaji. Waziri wa wizara hiyo, Shamata Shaame Khamis alieleza hayo baada ya kushuhudia utiaji saini ya makubaliano ya ushirikiano na kiutendaji kati ya Taasisi ya Utafiti wa Mifugo Zanzibar (ZALIRI) na taasisi ya Friedrich Loeffler Institut (FLI) ya nchini Ujerumani.  Katika hafla hiyo, Mkurugenzi Mkuu wa ZARILI, Talib Saleh Suleiman alitia saini kwa niaba ya taasisi hiyo na kwa upande wa  FLI, Mkurugenzi wa Institute of International Animal/One Health, Prof. Sascha Knauf aliiwakilisha taasisi yake. Waziri Shamata  alieleza kuwa  serikali ya Ujerumani imekuwa na ushirikiano wa karibu na serikali ya Jamhuri ya Muungano wa Tanzania na Serikali ya Mapinduzi  Zanzibar katika mipango yake ya maendeleo.  Alifahamisha kuwa utiaji saini huo utaongeza ufanisi na wataalamu wa utafiti wa masuala ya mifugo lakini
Read more

Ibueni changamoto zinazokamisha usawa wa kijinsia - Simbaya

Image
NA MWANAISHA SHARIA, MOROGORO WAANDISHI wa habari wametakiwa kuendelea kuibua changamoto mbali mbali zinazowakabili wanawake ili wapate fursa za maendeleo zinazojitokeza nchini. Mkurugenzi wa Muungano wa Klabu za Waandishi wa Habari Tanzania (UTPC), Kenneth Simbaya alipokua akifungua mafunzo ya kuwajengea uwezo waandishi wa habari kuhusu kuandika habari za usawa wa kijinsia yaliyofanyika hoteli ya Flomi, mjini Morogoro. Amesema wandishi wa habari wana nguvu ya kufikisha ujumbe kwa jamii hivyo wana jukumu la kuhakikisha wanatoa elimu ya usawa wa kijinsia ili kutatua changamoto zilizopo. "Waandishi wa habari mtakapoibua kero za wanawake na kuzisemea mtaleta mabadiliko kwa wanawake hao lakini pia jamii nzima kwani kupitia kwao ukatili na ukandamizaji wanawake na watoto wa kike utaondoka”, alieleza Simbaya. Aidha Mkurugenzi huyo amewataka waandishi waliopatiwa mafunzo hayo kutumia vizuri elimu hiyo kwa kuandika habari na kuanda vipindi kuhusu usawa wa kijinsia ili kuleta mabadil
Read more

Uislam unakubali uzazi wa mpango

Image
NA MWAANDISHI MAALUM KWA muda mrefu, suala la uzazi wa mpango limekuwa na mjadala mrefu katika jamii na vyombo vya habarijuu ya kama jee ni sawa au linapingana na maelekezo ya dini ya Kiislamu? Maelezo yamekuwa mengi na yenye aina tafauti ya maelezo, lakini ukweli na uhakika ni kwamba dini ya Kiislamu haina pingamizi juu ya uzazi wa mpango kwa vile linasaidia mzazi na mtoto kuwa na afya bora. Sheikh Khamis Abdulhamid Mjumbe wa Baraza la Maulamaa Zanzibar, Sheikh Khamis Abdulhamid, amesema dini ya Kiislamu haijakataza  uzazi wa mpango ambao hauna na madhara kwa pande zote mbili. “Wakati Quran inashushwa Masahaba waliwahi kusema Quran haikutukataza kutumia njia ya mshindo (kumwanga maji ya uzazi nje) ili kupanga uzazi“, Sheikh Khamis alisemaa. Hata hivyo, aliongeza ni muhmu kwa wanawaume kujitahidi kufuatilia na kujipanga kupata elimu ili ndoa zao ziwe na furaha kwa kuweka utaratibu maalum wa kupata watoto. “Ikiwa mtu atasema ukikataa kuzaa nimekuacha basi hakika hio ni talaka ila hi
Read more