Udhibiti wa migogoro utaimarisha amani, utulivu


NA ASYA HASSAN

IMEELEZWA kuwa utashi wa kisiasa na mafunzo ya mara kwa mara juu ya udhibiti wa migogoro utasaidia kuimarisha amani na utulivu nchini.

Meneja wa shirika la Search for Common Ground, Hussein Faraji Sengu, alieleza hayo hivi karibuni katika mahojiano na mwandishi wa habari hizi, ofisiani kwake kijangwani, Zanzibar.

Sengu alieleza kuwa iwapo makundi mbali mbali ya jamii yatajengewa uwezo, kuna uwezekano wa hali ya amani kuimarika na kuepuka mizozo.

Alieleza kuwa ipo mizozo inayoweza kuepukwa kwa wahusika kutambua haki na mipaka yao, hivyo kupitia mradi wa ‘Dumisha amani Zanzibar’, watakutana na makundi mbali mbali wakiwemo wanasiasa ili kuwajengea uwezo wa kutambua vichocheo vinavyoweza kuvuruga amani na utulivu.

“Tunaamini hatua hii itawafanya wanasiasa kujitambua na kuwasimamia vyema wanachama wao ili kuepuka migogoro inayotokezea baina yao kabla ya kuwa chanzo cha vurugu,” alieleza Sengu.

Alisema mfumo wa vyama vingi uliopo nchini, unaweza kuwa chanzo cha migogoro tofauti, hivyo kupitia utekelezaji wa mradi huo utaondosha tofauti zilizopo baina ya watu wenye itikadi tofauti hususani kipindi cha uchaguzi.

“Zanzibar ni nchi ya amani lakini kuna viashiria hutokezea hususani kipindi cha uchaguzi, hivyo kukutana na wanasiasa kutasaidia kupata mwamko na umahiri wa kujiepusha na migogoro inayojitokezea kipindi hicho kwa namna moja au nyengine,” alisema.

Aidha Sengu alisema wadau wa amani wana nafasi kubwa ya kudumisha amani na kuongeza kasi ya maendeleo ya nchi na jamii kwa ujumla.

Hata hivyo alifahamisha kwamba lengo la taasisi hiyo ni kuona wananchi wote wanakuwa wamoja na wanashirikiana katika kulipeleka mbele kudumu la maendeleo ya nchi yao.

Akizungumzia azma ya taasisi hiyo, iliyochangia kuundwa kwa Serikali ya Umoja wa Kitaifa mwaka 2020, Katibu Mkuu wa chama cha Demokrasia Makini, Ameir Hassan Ameir, alisema kama wanasiasa watashirikishwa katika mipango ya nchi, watasaidia kuwaelewesha wafuasi wao juu ya namna bora ya kulinda na kushiriki katika maendeleo ya nchi yao.

Alieleza kuwa migogoro mingi inayojitokeza huchangiwa na mgawanyo mbaya wa rasilimali lakini pia matumizi mabaya ya madaraka hivyo kuna umuhimu wa jamii kujengewa uwezo kutambua misingi ya mgawanyo wa rasilimali.

“Kinapofika kipindi cha uchaguzi, kila chama lengo lake ni kupata uungwaji mkono ili kishike madaraka hivyo kuna haja kubwa ya sisi wanasiasa kujenga uelewa wa wanachama wetu, kuepuka mizozo ya kisiasa,” alieleza Ameir.

Kwa upande wake Msaidizi wa Sheria kutoka Jumuiya ya Wasaidizi wa Sheria Zanzibar (ZAPAO), Fatma Khamis Ali, alieleza kuwa mbali ya wanasiasa, mradi huo unapaswa kuwashirikisha Wasaidizi wa Sheria kwani wamekuwa wakifanya kazi kubwa ya kutatua migogoro katika jamii.

“Katika kazi zetu, tunakutana na aina mbali mbali za mizozo ambayo mengine chanzo chake ni ukosefu wa uelewa juu ya mambo ya utawala na uongozi sio kwa wanachama au wananchi tu hata kwa viongozi,” alisema Fatma.

Hivyo alisema ipo haja ya kutolewa kwa elimu ya uraia kwa wananchi wazijue haki zao ili wapate kutekeleza wajibu wao kulingana kwa lengo la kuimarisha amani na uwepo wa serikali ya umoja wa kitaifa.

Mradi wa ‘Dumisha amani Zanzibar’, unatarajiwa kutatua migogoro kwa kuwashirikisha wadau wakiwemo wanasiasa, asasi za kijamii na viongozi wa dini kuzuia vichocheo vya migogoro sambamba na kuwa na jamii yenye mwamko wa kuzuia na kutatua migogoro kabla ya kuleta madhara ili kudumisha amani .

Comments

Post a Comment

Popular posts from this blog

ZALIRI, FLI zaingia makubaliano kuimariusha sekta mifugo

Image
NA MWANDISHI MAALUM, WKUMM WIZARA ya Kilimo Umwagiliaji, Maliasili na Mifugo imeeleza kuwa itaendelea kushirikiana na wadau mbali mbali kupitia taasisi zake kustawisha sekta ya kilimo na ufugaji. Waziri wa wizara hiyo, Shamata Shaame Khamis alieleza hayo baada ya kushuhudia utiaji saini ya makubaliano ya ushirikiano na kiutendaji kati ya Taasisi ya Utafiti wa Mifugo Zanzibar (ZALIRI) na taasisi ya Friedrich Loeffler Institut (FLI) ya nchini Ujerumani.  Katika hafla hiyo, Mkurugenzi Mkuu wa ZARILI, Talib Saleh Suleiman alitia saini kwa niaba ya taasisi hiyo na kwa upande wa  FLI, Mkurugenzi wa Institute of International Animal/One Health, Prof. Sascha Knauf aliiwakilisha taasisi yake. Waziri Shamata  alieleza kuwa  serikali ya Ujerumani imekuwa na ushirikiano wa karibu na serikali ya Jamhuri ya Muungano wa Tanzania na Serikali ya Mapinduzi  Zanzibar katika mipango yake ya maendeleo.  Alifahamisha kuwa utiaji saini huo utaongeza ufanisi na wataalamu wa utafiti wa masuala ya mifugo lakini
Read more

Ibueni changamoto zinazokamisha usawa wa kijinsia - Simbaya

Image
NA MWANAISHA SHARIA, MOROGORO WAANDISHI wa habari wametakiwa kuendelea kuibua changamoto mbali mbali zinazowakabili wanawake ili wapate fursa za maendeleo zinazojitokeza nchini. Mkurugenzi wa Muungano wa Klabu za Waandishi wa Habari Tanzania (UTPC), Kenneth Simbaya alipokua akifungua mafunzo ya kuwajengea uwezo waandishi wa habari kuhusu kuandika habari za usawa wa kijinsia yaliyofanyika hoteli ya Flomi, mjini Morogoro. Amesema wandishi wa habari wana nguvu ya kufikisha ujumbe kwa jamii hivyo wana jukumu la kuhakikisha wanatoa elimu ya usawa wa kijinsia ili kutatua changamoto zilizopo. "Waandishi wa habari mtakapoibua kero za wanawake na kuzisemea mtaleta mabadiliko kwa wanawake hao lakini pia jamii nzima kwani kupitia kwao ukatili na ukandamizaji wanawake na watoto wa kike utaondoka”, alieleza Simbaya. Aidha Mkurugenzi huyo amewataka waandishi waliopatiwa mafunzo hayo kutumia vizuri elimu hiyo kwa kuandika habari na kuanda vipindi kuhusu usawa wa kijinsia ili kuleta mabadil
Read more

Uislam unakubali uzazi wa mpango

Image
NA MWAANDISHI MAALUM KWA muda mrefu, suala la uzazi wa mpango limekuwa na mjadala mrefu katika jamii na vyombo vya habarijuu ya kama jee ni sawa au linapingana na maelekezo ya dini ya Kiislamu? Maelezo yamekuwa mengi na yenye aina tafauti ya maelezo, lakini ukweli na uhakika ni kwamba dini ya Kiislamu haina pingamizi juu ya uzazi wa mpango kwa vile linasaidia mzazi na mtoto kuwa na afya bora. Sheikh Khamis Abdulhamid Mjumbe wa Baraza la Maulamaa Zanzibar, Sheikh Khamis Abdulhamid, amesema dini ya Kiislamu haijakataza  uzazi wa mpango ambao hauna na madhara kwa pande zote mbili. “Wakati Quran inashushwa Masahaba waliwahi kusema Quran haikutukataza kutumia njia ya mshindo (kumwanga maji ya uzazi nje) ili kupanga uzazi“, Sheikh Khamis alisemaa. Hata hivyo, aliongeza ni muhmu kwa wanawaume kujitahidi kufuatilia na kujipanga kupata elimu ili ndoa zao ziwe na furaha kwa kuweka utaratibu maalum wa kupata watoto. “Ikiwa mtu atasema ukikataa kuzaa nimekuacha basi hakika hio ni talaka ila hi
Read more