ZPC, CPS Ltd zaazimia kuimarisha ushirikiano

NA MWANDISHI MAALUM

KATIKA kuimarisha mahusiano na ushirikiano kati ya Klabu ya Wandishi wa Habari Zanzibar (ZPC) na wadau wake, viongozi  wa klabu wakiongozwa na Makamu Mwenyekiti,  Tabia Makame Mohammed (Februari  7, 2022)  wametembelea na kufanya mazungumzo na Afisa Mtendaji Mkuu wa kampuni ya CPS Ltd Tobias Dietzold.

kampuni ya CPS Ltd inayojenga Mji wa Maendeleo wa Fumba (Fumba Town Development) uliopo Nyamanzi, wilaya ya Magharibi ‘B’, Unguja imekuwa na mahusiano ya karibu ya kikazi na klabu hiyo toka mwaka 2016 ambapo zimekuwa zikishirikiana katika mambo mbali mbali.

Katika  mazungunzo yao, pande mbili hizo zimebadilishana mawazo na kukubaliana kuimarisha mahusiano na kushirikiana katika utekelezaji wa malengo na majukumu ya taasisi hizo hususani kutoa elimu kwa jamii juu ya umuhimu wa kuwa na makaazi bora kama ilivyo katika sera na mipango yanserikali.

Aidha Tobias aliipongeza ZPC kwa kuendelea kuwa karibu na kampuni yao na kuahidi kushirikiana na vyombo vya habari vya Zanzibar kuijumisha jamii dhamira ya uwekezaji wanaoufana nchini.

"Tunashukuru siku zote mmekuwa pamoja nasi na kutusaidia kutambulisha mradi wetu ambao upo kwa ajili ya Wazanzibari ili kukabiliana na changamoto ya ufinyu wa ardhi na mahitaji ya makaazi," alieleza Tobias.

Alieleza kutokana na ongezeko la watu, kumekuwa na majitaji makubwa ya makaazi hivyo ipo haja ya nchi kuwa na mikakati ya kuhifadhi aradhi kwa kujenga nyumba imara katika eneo dogo.

Nao viongozi wa klabu hiyo walieleza kufurahishwa kwao na maendeleo ya utekelezaji  wa mradi huo unaohusisha nyumba za chini na ghorofa.

Aidha viongozi hao walipata taarifa mbali mbali zinazohusu utekelezaji wa mradi huo na kuwaomba kutumia vyombo vya habari kutangaza mradi huo.

PICHA

Makamu Mwenyekiti wa ZPC, Tabia Makame Mohammed (kulia) akiongoza kikao kati ya viongozi wa klabu na Afisa Mtendaji Mkuu wa Kampuni ya CPS Limited, Tobias Dietzold, kilichofanyika katika ofisi za kampuni hiyo Nyamanzi.

Wajumbe wa Kamati Tendaji ya ZPC wakiongozwa na Afisa Masoko na Biashara, Paul Wangoma (kulia) walipotembelea maeneo yanayoendelea na ujenzi katika Mji wa Maendeleo wa Fumba (FTD) walipofanya ziara na mazungumzo na uongozi wa kampuni ya CPS Ltd.

Comments

Post a Comment

Popular posts from this blog

Image
  Skuli ya Upendo yapongezwa kutoa mwanafuzi bora kitaifa Yatoa wanafunzi watatu bora kitaifa mitihani STD 4, Veronica Mwendesha ashika nafasi ya kwanza Zanzibar NA MWINYIMVUA NZUKWI VIONGOZI wa jimbo la Bububu, wilaya ya Magharibi ‘A’, Unguja, wameeleza kuwa wataendelea kutoa kipaumbele kwa maendeleo ya jamii ikiwemo elimu ili kupata taifa linalojitegemea kwa wataalamu. Kauli hiyo imetolewa na Diwani wa wadi ya Dole, Juma Wiliam Sungwa, kwa niaba ya Mwakilishi wa jimbo hilo Mudrik Ramadhan Soraga, katika hafla ya kuwapongeza wanafunzi wa skuli ya maandalizi na msingi, Upendo iliyopo shehia ya Kizimbani Unguja, iliyotoa mwanafunzi bora kitaifa katika mitihani ya darasa la nne iliyofanyika mwaka uliopita Zanzibar. Alisema mafaniko ya skuli hiyo kutoa wanafunzi watatu katika nafasi tano za juu kitaifa katika mitihani hiyo ni ya kupongezwa na inapaswa kuungwa mkono na kila mmoja miongoni mwa wananchi wa jimbo hilo. Alifafanua kuwa licha ya kuwa skuli hiyo kumilikiwa na ...
Read more

Balozi Mpanda ahimiza ubunifu uhifadhi wa mazingira

Image
JUVIEKA, wadau wapanda mikoko 2,540 Mtopwani NA MWANDISHI WETU JUMLA ya miche ya miti ya mikoko 2,540 imepandwa katika eneo la Mdodo madema, Shehia ya Mto wa pwani mkoa wa Kaskazini Unguja ili kutunza mazingira ya eneo hilo. Akizungumza na mwandishi wa habari hizi, Mratibu wa zoezi hilo ambaye ni kiongozi wa Jumuiya ya Vijana ya Uhifadhi wa Mazingira, Mbarouk Maalum, alieleza kuwa zoezi hilo lililofanyika jumapili iliyopita lilihudhuriwa na wanaharakati wa mazingira 117 kutoka taasisi na makundi mbali mbali ya jamii. Aliongeza kuwa miongoni mwa washiriki hao ni vikundi vitano vya wanufaika wa mpango wa MKUBA, wanachama na viongozi wa mabaraza ya vijana ya Shehia za Mtowapwani na Chutama,   wawakilishi taasisi za JUVIEKA, UNA, ZAFELA pamoja na Sheha wa Shehia hiyo na wananchi wake. Aidha maalum alieleza kuwa shughuli hiyo pia ilihudhuriwa na Balozi wa mazingira kutoka ofisi ya rais, Muungano na Mazingira ya Jamhuri ya Muungano wa Tanzania, Khadija Yussuph Mpanda ambaye pia ni ...
Read more

ZAMECO yakerwa na video ya udhalilishaji mtandaoni

Image
NA MWANDISHI WETU KAMATI ya Wataalamu wa Masuala ya Habari Zanzibar (ZAMECO) inayoundwa na taasisi za kihabari na wadau wa habari imelaani video inayosambaa kwenye mitandao ya kijamii inayoonesha wasichana wawili waliorekodiwa na kuulizwa maswali yasiyo na maadili, kuvunja heshima na kukiuka haki za binaadamu. Taarifa iliyotolewa na taasisi hizo na kutiwa saini kwa pamoja na mwenyekiti wa klabu ya waandishi wa Habari Zanzibar (ZPC), Abdallah Mfaume na Mkurugenzi wa Chama cha Waandishi wa Habari Wanawake Tanzania (TAMWA ZNZ), Dk. Mzuri Issa, ilieleza kuwa tukio hili limeibua hisia kali kwa wadau wa habari, watetezi wa haki za binaadamu najamii kwa ujumla. Ilielezwa kuwa tukio hilo pia limeibua maswali yasiyo na majibu miongoni mwa wanahabari kuhusu maadili, haki za binadamu, na misingi ya uhuru wa vyombo vya habari. “Hivyo basi ZAMECO inasisitiza kuwa vitendo vya udhalilishaji kwa watoto wa kike na jamii ni ukiukwaji wa haki za binaadamu, maadili ya uandishi wa habari na kuvuruga ...
Read more