Ushirikiano wa vioingozi, wananchi kuimarisha maridhiano

NA MWANDISHI WETU

WANANCHI wa mkoa wa Kaskazini Unguja, wameeleza kuwa ushirikiano uliopo kati ya viongozi wakuu wa serikali ya Mapinduzi Zanzibar umeimarisha maelewano baina ya wananchi hivyo ipo haja ya kuendelezwa.

Wakizungumza na mwandishi nwa habari hizi hivi karibuni, walieleza kuwa hali hiyo inatokana na kuundwa kwa Serikali ya Umoja wa Kitaifa (SUK) inayohusisha vyama vya CCM na ACT Wazalendo baada ya uchaguzi mkuu wa oktoba 28 mwaka uliopita.

Mkaazi wa shehia ya Bumbwini Mafufuni, Haji Nyange Makame, alieleza kuwa hali hiyo imeongeza kuaminiana miongoni mwa viongozi na wananchi katika shehia yao.

“Kabla ya uchaguzi, ilikuwa vigumu kumuona viongozi wa CCM na vyama vyengine wakakaa pamoja katika kazi za kisiasa au kijamii lakini siku hizi huwezi kumjua nani CCM nani ACT kama mgeni nao,” alieleza Nyange.

Nae Mwanaacha Hamid Said wa Kilimani Tazari, alieleza kuwa hali ya ushirikianbo imeongezeka na kupongeza utamaduni ulioanzishwa na viongozi wa serikali kukutana na wananchi kila siku za Ijumaa.

“Tunawaona Makamu wa wa Kwanza, Makamu wa Pili na Rais Mwinyi (Dk. Hussein Ali Mwnyi) kila Ijumaa wanakutana na wananchi na kutoa ujumbe wa maridhiano, umoja na amani. Hili ni jambo linalowanyima nguvu watu wasiopenda umoja wa Wazanzibari waishi kwa amani,” alieleza mama huyo.

Wananchi hao na wengine, waliwaomba viongozi wa ngazi za chini kufuata mwenendo wa viongozi hao ili kupata nafasi ya kukutana na kutatua changamoto zinazowakabili wananchi katika maeneo yao.

Hivi karibuni akiwa katika ziara mkoani humo, Makamu wa Kwanza wa Rais wa Zanzibar, Othman Masoud Othman, alipotembelea wagonjwa na kuzungumza na wananchi wakiwemo wanachama wa chama cha ACT Wazalendo alisisitiza haja ya wazanzibari kuendeleza hali ya amani na utulivu iliyopo.

Ziara hiyo iliyoandaliwa na chama hicho, ni sehemu ya utamaduni uliokuwa ukitekelezwa na aliyekuwa Mwenyekiti wa chama hicho, marehemu Maalim Seif Sharif Hamad.

Akizungumza na wananchi hao kwa wakati maeneo tofauti, Othman alieleza kuwa Zanzibar inahitaji kuendelea na umoja ili kuharakisha maendeleo kwa wananchi wake

Alisema hakuna njia nyengine itakayoleta maendeleo bila kuwepo mashirikiano, upendo na umoja miongoni mwa Wazanzibari.

“Nimeweka ahadi ya kuwatumikia Wazanzibar wakati wowote ili kuendeleza yale  yaliyoanzishwa na kuleta tija katika muendelezo wa kuyaimarisha zaidi maridhiano ya kisiasa ya Zanzibar,” alisema Othaman.

Alisema anayo imani kwamba   anaweza kuwatumikia watu wote nchini bila ubaguzi na kufanya kazi kwa moyo ili kuona malengo ya umoja wa kitaifa yanafikiwa. 

“Umoja na upendo ndio silaha pekee itakayodumisha amani katika taifa letu, inapendeza zaidi kuona watu wakitembeleana na kusaidina kwa wale wanaohitaji msaada,” alieleza Makamu wa Rais.

Sambamba na hilo aliwashauri wananchi wa Zanzibar kurudisha utamaduni wa kufutari pamoja kama ilivyokuwa zamzni katika hasa mwezi mtukufu wa Ramadhani, kwani kufanya hivyo kunaongeza mapenzi baina ya aliyenacho na asienacho.

“Kuna watu wengi wanaofunga lakini huwa hawana futari, kama tukiurudisha utamaduni kuftari pamoja ndugu na majirani utaendelea basi utaleta faida kubwa miongoni mwa jamii,” alieleza Othman. 

Katika  ziara yake, Othman alifika kuwafariji wagonjwa katika vijiji vya Chaani, Matemwe , Nungwi,  Kendwa,  Kilimani Tazari, Mahonda, Bumbwini Mafufuni na Kiomba Mvua vya mkoa wa Kaskazini Unguja.

Pichani: MAKAMU wa Kwanza wa Rais wa Zanzibar, Othman Masoud Othman (kulia), akizungumza na mzee Mussa Hassan Hassan ambae ni mgonjwa wa muda mrefu alipofika nyumbani kwa mzee huyo kumjulia hali. (PICHA NA OMKR).

Comments

Post a Comment

Popular posts from this blog

ZALIRI, FLI zaingia makubaliano kuimariusha sekta mifugo

Image
NA MWANDISHI MAALUM, WKUMM WIZARA ya Kilimo Umwagiliaji, Maliasili na Mifugo imeeleza kuwa itaendelea kushirikiana na wadau mbali mbali kupitia taasisi zake kustawisha sekta ya kilimo na ufugaji. Waziri wa wizara hiyo, Shamata Shaame Khamis alieleza hayo baada ya kushuhudia utiaji saini ya makubaliano ya ushirikiano na kiutendaji kati ya Taasisi ya Utafiti wa Mifugo Zanzibar (ZALIRI) na taasisi ya Friedrich Loeffler Institut (FLI) ya nchini Ujerumani.  Katika hafla hiyo, Mkurugenzi Mkuu wa ZARILI, Talib Saleh Suleiman alitia saini kwa niaba ya taasisi hiyo na kwa upande wa  FLI, Mkurugenzi wa Institute of International Animal/One Health, Prof. Sascha Knauf aliiwakilisha taasisi yake. Waziri Shamata  alieleza kuwa  serikali ya Ujerumani imekuwa na ushirikiano wa karibu na serikali ya Jamhuri ya Muungano wa Tanzania na Serikali ya Mapinduzi  Zanzibar katika mipango yake ya maendeleo.  Alifahamisha kuwa utiaji saini huo utaongeza ufanisi na wataalamu wa utafiti wa masuala ya mifugo lakini
Read more

Ibueni changamoto zinazokamisha usawa wa kijinsia - Simbaya

Image
NA MWANAISHA SHARIA, MOROGORO WAANDISHI wa habari wametakiwa kuendelea kuibua changamoto mbali mbali zinazowakabili wanawake ili wapate fursa za maendeleo zinazojitokeza nchini. Mkurugenzi wa Muungano wa Klabu za Waandishi wa Habari Tanzania (UTPC), Kenneth Simbaya alipokua akifungua mafunzo ya kuwajengea uwezo waandishi wa habari kuhusu kuandika habari za usawa wa kijinsia yaliyofanyika hoteli ya Flomi, mjini Morogoro. Amesema wandishi wa habari wana nguvu ya kufikisha ujumbe kwa jamii hivyo wana jukumu la kuhakikisha wanatoa elimu ya usawa wa kijinsia ili kutatua changamoto zilizopo. "Waandishi wa habari mtakapoibua kero za wanawake na kuzisemea mtaleta mabadiliko kwa wanawake hao lakini pia jamii nzima kwani kupitia kwao ukatili na ukandamizaji wanawake na watoto wa kike utaondoka”, alieleza Simbaya. Aidha Mkurugenzi huyo amewataka waandishi waliopatiwa mafunzo hayo kutumia vizuri elimu hiyo kwa kuandika habari na kuanda vipindi kuhusu usawa wa kijinsia ili kuleta mabadil
Read more

Uislam unakubali uzazi wa mpango

Image
NA MWAANDISHI MAALUM KWA muda mrefu, suala la uzazi wa mpango limekuwa na mjadala mrefu katika jamii na vyombo vya habarijuu ya kama jee ni sawa au linapingana na maelekezo ya dini ya Kiislamu? Maelezo yamekuwa mengi na yenye aina tafauti ya maelezo, lakini ukweli na uhakika ni kwamba dini ya Kiislamu haina pingamizi juu ya uzazi wa mpango kwa vile linasaidia mzazi na mtoto kuwa na afya bora. Sheikh Khamis Abdulhamid Mjumbe wa Baraza la Maulamaa Zanzibar, Sheikh Khamis Abdulhamid, amesema dini ya Kiislamu haijakataza  uzazi wa mpango ambao hauna na madhara kwa pande zote mbili. “Wakati Quran inashushwa Masahaba waliwahi kusema Quran haikutukataza kutumia njia ya mshindo (kumwanga maji ya uzazi nje) ili kupanga uzazi“, Sheikh Khamis alisemaa. Hata hivyo, aliongeza ni muhmu kwa wanawaume kujitahidi kufuatilia na kujipanga kupata elimu ili ndoa zao ziwe na furaha kwa kuweka utaratibu maalum wa kupata watoto. “Ikiwa mtu atasema ukikataa kuzaa nimekuacha basi hakika hio ni talaka ila hi
Read more