Wanahabari wahimizwa ‘kuilea’ SUK

NA MWAJUMA JUMA

MKURUGENZI wa Chama Cha Waandishi wa habari Wanawake Tanzania (TAMWA) ofisi ya Zanzibar, Dk. Mzuri Issa amesema kunahitajika nguvu ya pamoja ili kuimarisha maridhiano ya kisiasa yaliyoasisi Serikali ya Umoja wa Kitaifa (SUK) Zanzibar.

Akizungumza katika mafunzo ya Waandishi wa habari juu ya umuhimu wa Serikali ya Umoja wa Kitaifa, alisema waandishi wa habari wanapaswa kuchukua jukumu lao na kuhakikisha lengo la kuanzishwa kwake linafanikiwa.

Alisema kwenye taifa, ustawi na umoja wa wananchi ni nguvu kubwa katika kuhakikisha maendeleo yanapatikana.

Hivyo alieleza kuwa waandishi wa habari wana wajibu wa kuacha ushabiki wa siasa bali wajuwe kwamba wao ndio wanaopaswa kupaza sauti zao ili jamii izidi kujenga matumaini na serikali hiyo.

Akiwasilisha mada katika mafunzo hayo, Mkufunzi wa Waandishi kutoka Internews, Ali Haji Mwadini, alisema pamoja na waandishi kufanya kazi katika mazingira magumu, bado wanajukumu la kuifahamisha jamii hasa wa vijijini kuhusu Serikali hiyo.

Hata hivyo alisema kuwa kufa kwa Serikali ya Umoja wa Kitaifa ya 2010 kulichangiwa sana na waandishi wa habari ambao hawakuweza kutimiza majukumu yao katika kuihamaisiha jamii juu ya uwepo wake.

Hivyo alisema ili wasirejee nyuma ni wajibu wao sasa kutumia kalamu zao kwa kuandika mara kwa mara SUK, ambayo wananchi wanaonekana wana matumaini makubwa na serikali hiyo. 

Wakichangia mada hiyo baadhi ya waandishi wa habari walisema kufa kwa serikali hiyo 2010 kulitokana na waandishi kuwa na woga, kuingiza utashi wa kisiasa pamoja na kutokujiamini juu ya kuandika habari ambazo zinahusiana na SUK.

Hata hivyo walisema pamoja na uwepo wa serikali hiyo lakini bado wanawoga kwa kuingiza mambo ya nyuma na wengi wao kudhani kwamba ndani ya Serikali hiyo kuna chama cha siasa.

Mafunzo hayo ya siku moja yaliandaliwa na Chama cha Wandishi wa Habari wanawake Tanzania (TAMWA) Zanzibar kupitia mradi wa kuwajenga kiwezo wanawake katika uongozi (SWIL) unaofadhiliwa na UN Women.

Comments

Post a Comment

Popular posts from this blog

ZALIRI, FLI zaingia makubaliano kuimariusha sekta mifugo

Image
NA MWANDISHI MAALUM, WKUMM WIZARA ya Kilimo Umwagiliaji, Maliasili na Mifugo imeeleza kuwa itaendelea kushirikiana na wadau mbali mbali kupitia taasisi zake kustawisha sekta ya kilimo na ufugaji. Waziri wa wizara hiyo, Shamata Shaame Khamis alieleza hayo baada ya kushuhudia utiaji saini ya makubaliano ya ushirikiano na kiutendaji kati ya Taasisi ya Utafiti wa Mifugo Zanzibar (ZALIRI) na taasisi ya Friedrich Loeffler Institut (FLI) ya nchini Ujerumani.  Katika hafla hiyo, Mkurugenzi Mkuu wa ZARILI, Talib Saleh Suleiman alitia saini kwa niaba ya taasisi hiyo na kwa upande wa  FLI, Mkurugenzi wa Institute of International Animal/One Health, Prof. Sascha Knauf aliiwakilisha taasisi yake. Waziri Shamata  alieleza kuwa  serikali ya Ujerumani imekuwa na ushirikiano wa karibu na serikali ya Jamhuri ya Muungano wa Tanzania na Serikali ya Mapinduzi  Zanzibar katika mipango yake ya maendeleo.  Alifahamisha kuwa utiaji saini huo utaongeza ufanisi na wataalamu wa utafiti wa masuala ya mifugo lakini
Read more

Ibueni changamoto zinazokamisha usawa wa kijinsia - Simbaya

Image
NA MWANAISHA SHARIA, MOROGORO WAANDISHI wa habari wametakiwa kuendelea kuibua changamoto mbali mbali zinazowakabili wanawake ili wapate fursa za maendeleo zinazojitokeza nchini. Mkurugenzi wa Muungano wa Klabu za Waandishi wa Habari Tanzania (UTPC), Kenneth Simbaya alipokua akifungua mafunzo ya kuwajengea uwezo waandishi wa habari kuhusu kuandika habari za usawa wa kijinsia yaliyofanyika hoteli ya Flomi, mjini Morogoro. Amesema wandishi wa habari wana nguvu ya kufikisha ujumbe kwa jamii hivyo wana jukumu la kuhakikisha wanatoa elimu ya usawa wa kijinsia ili kutatua changamoto zilizopo. "Waandishi wa habari mtakapoibua kero za wanawake na kuzisemea mtaleta mabadiliko kwa wanawake hao lakini pia jamii nzima kwani kupitia kwao ukatili na ukandamizaji wanawake na watoto wa kike utaondoka”, alieleza Simbaya. Aidha Mkurugenzi huyo amewataka waandishi waliopatiwa mafunzo hayo kutumia vizuri elimu hiyo kwa kuandika habari na kuanda vipindi kuhusu usawa wa kijinsia ili kuleta mabadil
Read more

Uislam unakubali uzazi wa mpango

Image
NA MWAANDISHI MAALUM KWA muda mrefu, suala la uzazi wa mpango limekuwa na mjadala mrefu katika jamii na vyombo vya habarijuu ya kama jee ni sawa au linapingana na maelekezo ya dini ya Kiislamu? Maelezo yamekuwa mengi na yenye aina tafauti ya maelezo, lakini ukweli na uhakika ni kwamba dini ya Kiislamu haina pingamizi juu ya uzazi wa mpango kwa vile linasaidia mzazi na mtoto kuwa na afya bora. Sheikh Khamis Abdulhamid Mjumbe wa Baraza la Maulamaa Zanzibar, Sheikh Khamis Abdulhamid, amesema dini ya Kiislamu haijakataza  uzazi wa mpango ambao hauna na madhara kwa pande zote mbili. “Wakati Quran inashushwa Masahaba waliwahi kusema Quran haikutukataza kutumia njia ya mshindo (kumwanga maji ya uzazi nje) ili kupanga uzazi“, Sheikh Khamis alisemaa. Hata hivyo, aliongeza ni muhmu kwa wanawaume kujitahidi kufuatilia na kujipanga kupata elimu ili ndoa zao ziwe na furaha kwa kuweka utaratibu maalum wa kupata watoto. “Ikiwa mtu atasema ukikataa kuzaa nimekuacha basi hakika hio ni talaka ila hi
Read more