DC Kati awataka walimu kumaliza mitaala kuongeza ufaulu

NA MWANDISHI WETU

MKUU wa Wilaya ya Kati Unguja, Marina Joel Thomas, amewataka walimu wa skuli za sekondari Wilayani humo kuhakikisha wanamaliza mitaala kwa wakati ili wanafunzi wapate muda wa ziada wa kupitia masomo yao.

Marina alisema hayo katika hafla ya utoaji wa zawadi kwa walimu walioleta ufaulu mzuri kwa wanafunzi wa kidato cha pili mwaka 2020 iliyofanyika katika ukumbi wa Kituo cha walimu (TC), Dunga, wilaya ya Kati, mkoa wa Kusini Unguja.

Alisema hatua hiyo itasaidia kuongeza fursa kwa wanafunzi kufanya vizuri katika mitihani yao ya taifa.

“Kumaliza silabasi mapema kutawasaidia wanafunzi kupata muda mzuri wa kuyapitia masomo yao na kuongeza ufaulu katika mitihani yao ya taifa,” alisema Marina.

Mbali na hayo Marina alifahamisha kwamba serikali ya wilaya hiyo imekuwa ikifanya jitihada kuona kiwango cha ufaulu kwa wanafunzi kinaongezeka ili kupata wataalamu wa ndani waliobobea katika fani mbali mbali.  

Aidha aliwasisitiza walimu hao kuendelea kuwa na nidhamu ya kazi sambamba na kuwajibika ipasavyo na  kuwasimamia wanafunzi ili wahudhurie vipindi kikamilifu.

Akizungumzia suala la utoro kwa wanafunzi Mkuu huyo wa wilaya, aliwataka walimu na wazazi kushirikiana kufuatilia myenendo ya watoto wao ili kuleta ufanisi katika eneo hilo.

Kwa upande wake Afisa elimu Mkoa Kusini Unguja, Mohamed Haji Ramadhan, aliwashauri masheha na kamati za skuli kufatilia mwenendo na mahudhurio ya walimu ili kulimarisha maendeleo ya skuli zao.

Nao walimu waliopatiwa zawadi hizo waliwashauri walimu wenzao kutenga muda wa ziada kuwasaidia wanafunzi ili waweza kupata matokeo mazuri na kuleta mabadiliko katika maendeleo ya elimu skulini mwao.

Comments

Post a Comment

Popular posts from this blog

ZALIRI, FLI zaingia makubaliano kuimariusha sekta mifugo

Image
NA MWANDISHI MAALUM, WKUMM WIZARA ya Kilimo Umwagiliaji, Maliasili na Mifugo imeeleza kuwa itaendelea kushirikiana na wadau mbali mbali kupitia taasisi zake kustawisha sekta ya kilimo na ufugaji. Waziri wa wizara hiyo, Shamata Shaame Khamis alieleza hayo baada ya kushuhudia utiaji saini ya makubaliano ya ushirikiano na kiutendaji kati ya Taasisi ya Utafiti wa Mifugo Zanzibar (ZALIRI) na taasisi ya Friedrich Loeffler Institut (FLI) ya nchini Ujerumani.  Katika hafla hiyo, Mkurugenzi Mkuu wa ZARILI, Talib Saleh Suleiman alitia saini kwa niaba ya taasisi hiyo na kwa upande wa  FLI, Mkurugenzi wa Institute of International Animal/One Health, Prof. Sascha Knauf aliiwakilisha taasisi yake. Waziri Shamata  alieleza kuwa  serikali ya Ujerumani imekuwa na ushirikiano wa karibu na serikali ya Jamhuri ya Muungano wa Tanzania na Serikali ya Mapinduzi  Zanzibar katika mipango yake ya maendeleo.  Alifahamisha kuwa utiaji saini huo utaongeza ufanisi na wataalamu wa utafiti wa masuala ya mifugo lakini
Read more

Ibueni changamoto zinazokamisha usawa wa kijinsia - Simbaya

Image
NA MWANAISHA SHARIA, MOROGORO WAANDISHI wa habari wametakiwa kuendelea kuibua changamoto mbali mbali zinazowakabili wanawake ili wapate fursa za maendeleo zinazojitokeza nchini. Mkurugenzi wa Muungano wa Klabu za Waandishi wa Habari Tanzania (UTPC), Kenneth Simbaya alipokua akifungua mafunzo ya kuwajengea uwezo waandishi wa habari kuhusu kuandika habari za usawa wa kijinsia yaliyofanyika hoteli ya Flomi, mjini Morogoro. Amesema wandishi wa habari wana nguvu ya kufikisha ujumbe kwa jamii hivyo wana jukumu la kuhakikisha wanatoa elimu ya usawa wa kijinsia ili kutatua changamoto zilizopo. "Waandishi wa habari mtakapoibua kero za wanawake na kuzisemea mtaleta mabadiliko kwa wanawake hao lakini pia jamii nzima kwani kupitia kwao ukatili na ukandamizaji wanawake na watoto wa kike utaondoka”, alieleza Simbaya. Aidha Mkurugenzi huyo amewataka waandishi waliopatiwa mafunzo hayo kutumia vizuri elimu hiyo kwa kuandika habari na kuanda vipindi kuhusu usawa wa kijinsia ili kuleta mabadil
Read more

Uislam unakubali uzazi wa mpango

Image
NA MWAANDISHI MAALUM KWA muda mrefu, suala la uzazi wa mpango limekuwa na mjadala mrefu katika jamii na vyombo vya habarijuu ya kama jee ni sawa au linapingana na maelekezo ya dini ya Kiislamu? Maelezo yamekuwa mengi na yenye aina tafauti ya maelezo, lakini ukweli na uhakika ni kwamba dini ya Kiislamu haina pingamizi juu ya uzazi wa mpango kwa vile linasaidia mzazi na mtoto kuwa na afya bora. Sheikh Khamis Abdulhamid Mjumbe wa Baraza la Maulamaa Zanzibar, Sheikh Khamis Abdulhamid, amesema dini ya Kiislamu haijakataza  uzazi wa mpango ambao hauna na madhara kwa pande zote mbili. “Wakati Quran inashushwa Masahaba waliwahi kusema Quran haikutukataza kutumia njia ya mshindo (kumwanga maji ya uzazi nje) ili kupanga uzazi“, Sheikh Khamis alisemaa. Hata hivyo, aliongeza ni muhmu kwa wanawaume kujitahidi kufuatilia na kujipanga kupata elimu ili ndoa zao ziwe na furaha kwa kuweka utaratibu maalum wa kupata watoto. “Ikiwa mtu atasema ukikataa kuzaa nimekuacha basi hakika hio ni talaka ila hi
Read more