Hemed Mgeni Rasmi maadhimisho uhuru wa habari Z’bar

NA MWANDISHI WETU

MAKAMU wa Pili wa Rais wa Zanzibar, Hemed Suleiman Abdullah, anatarajiwa kuwa mgeni rasmi katika maadhimisho ya siku ya uhuru wa habari kitaifa yatakayofanyika mwishoni mwa wiki hii katika ukumbi wa Sheikh Idriss Abdulwakil, Zanzibar.

Akizungumza katika mkutano wa waandishi wa habari, Makamu Mwenyekiti wa Kamati ya Maandalizi ya maadhimisho hayo, Dk. Mzuri Issa Ali, (wa pili kulia) alieleza kuwa maadhimisho hayo yatafanyika Jumapili Mei 30, 2021 na zaidi ya watu 250 wakiwemo waandishi wa habari, wadau wa habari na wawakilishi wa taasisi za umma na asasi za kiraia wanatarajiwa kuhudhuria.

Alieleza kuwa maadhimisho hayo yataambatana na uwasilishaji wa mapendekezo ya mswada ya sheria mpya ya habari Zanzibar ulioandaliwa na wadau wakiwemo waandishi wa vyombo mbali mbali vya binafsi, serikali na mashirika ya habari.

“Mswaada huo ambao umebeba miongozo na maazimio ya habari kikanda, kimataifa na kuzingatia mazingira ya Zanzibar, umekamilika na unategemewa kukabidhiwa rasmi kwa Mhe. Makamu wa Pili akiwa ndiye Mtendaji Mkuu wa shughuli za Serikali nchini,” alieleza Dk. Mzuri.

Aliongeza kuwa mswada huo unapendekeza kufuta sheria namba 5 ya Magazeti ya mwaka 1988 na vifungu vya sheria nyengine vinavyooana navyo ambavyo vimepitwa na wakati na pia haviweki mazingira mazuri kwa sekta ya habari na wanahabari kufanya kazi vizuri.

Alisema shughuli nyengine ni utoaji wa tuzo za uandishi wa umahiri na weledi kwa waandishi wa habari ambao waliwasilisha kazi zao katika kamati ya maandalizi ya maadhimisho hayo.

Alizitaja tuzo zitakazokabidhiwa kuwa ni ya tuzo ya uandiahi wa habari za uchumi wa buluu iliyopewa jina la tuzo ya Dk. Mwinyi, tuzo ya uandishi wa habari za serikali ya umoja wa kitaifa, inayoitwa tuzo ya Maalim Seif na tuzo ya habari za jinsia ijulikanayo kama tuzo ya Mama Maryam Mwinyi.

Aidha Dk. Mzuri, alizitaja tuzo nyengine kuwa ni tuzo ya habari za rushwa na uhujumu uchumi (tuzo ya ZAECA) ambayo itatolewa pia kwa  kwa mshindi wa pili na wa tatu na tuzo ya habari za Kodi (tuzo ya ZRB) ambapo jumla ya kazi 52 zimewasilishwa.

alieleza kuwa kazi hizo zitatangazwa na kuoneshwa ili iwe kujenga uelewa na hamasa kwa waandishi wa habari kufanya kazi nyingi zitakazowasilishwa katika maadhimisho ya mwaka unaofuata kwa vile tuzo hizi zinatarajiwa kuwa endelevu.

Pia Mzuri alizishukuru taasisi na wadau mbali mbali waliojitokeza kuunga mkono maandalizi ya maadhimisho hayo na kuwaomba wadau wengine kujitokeza kushirikiana na taasisi zinazoandaa maadhimisho hayo.

Alizitaja taasisi zinazoshirikiana kuandaa maadhimisho hayo kuwa ni pampoja na Baraza la Habari Tanzania (MCT) Ofisi ya Zanzibar, Jumuiya ya Waandishi wa Habari za Maendeleo (WAHAMAZA), Klabu ya Waandishi wa Habari Zanzibar (ZPC), Klabu ya Waandishi wa Habari Pemba (PPC), Idara ya Mawasiliano na Mafunzo ya habari ya Chuo Kikuu cha taifa Zanzibar (SUZA) na Chama cha waandshi wa habari Tanzania (TAMWA) ofisi ya Zanzibar

Maadhimisho ya siku ya Uhuru wa Habari Kimataifa huadhimishwa Mei 3 ya kila mwaka lakini Zanzibar taaisisi zinazoratibu na kuandaa maadhimisho hayo ziliakhirisha ili kupisha mwezi mtukufu wa Ramadhani.

KATIBU wa Kamati ya maandalizi ya maadhimisho ya siku ya uhuru wa habari, Imane Duwe (kulia), akifafanua jambo katika mkutano wa wandishi wa habari kuhusu maadhimisho hayo yanayotarajiwa kufanyika Jumapili Mei 30, 2021.

Comments

Post a Comment

Popular posts from this blog

ZALIRI, FLI zaingia makubaliano kuimariusha sekta mifugo

Image
NA MWANDISHI MAALUM, WKUMM WIZARA ya Kilimo Umwagiliaji, Maliasili na Mifugo imeeleza kuwa itaendelea kushirikiana na wadau mbali mbali kupitia taasisi zake kustawisha sekta ya kilimo na ufugaji. Waziri wa wizara hiyo, Shamata Shaame Khamis alieleza hayo baada ya kushuhudia utiaji saini ya makubaliano ya ushirikiano na kiutendaji kati ya Taasisi ya Utafiti wa Mifugo Zanzibar (ZALIRI) na taasisi ya Friedrich Loeffler Institut (FLI) ya nchini Ujerumani.  Katika hafla hiyo, Mkurugenzi Mkuu wa ZARILI, Talib Saleh Suleiman alitia saini kwa niaba ya taasisi hiyo na kwa upande wa  FLI, Mkurugenzi wa Institute of International Animal/One Health, Prof. Sascha Knauf aliiwakilisha taasisi yake. Waziri Shamata  alieleza kuwa  serikali ya Ujerumani imekuwa na ushirikiano wa karibu na serikali ya Jamhuri ya Muungano wa Tanzania na Serikali ya Mapinduzi  Zanzibar katika mipango yake ya maendeleo.  Alifahamisha kuwa utiaji saini huo utaongeza ufanisi na wataalamu wa utafiti wa masuala ya mifugo lakini
Read more

Ibueni changamoto zinazokamisha usawa wa kijinsia - Simbaya

Image
NA MWANAISHA SHARIA, MOROGORO WAANDISHI wa habari wametakiwa kuendelea kuibua changamoto mbali mbali zinazowakabili wanawake ili wapate fursa za maendeleo zinazojitokeza nchini. Mkurugenzi wa Muungano wa Klabu za Waandishi wa Habari Tanzania (UTPC), Kenneth Simbaya alipokua akifungua mafunzo ya kuwajengea uwezo waandishi wa habari kuhusu kuandika habari za usawa wa kijinsia yaliyofanyika hoteli ya Flomi, mjini Morogoro. Amesema wandishi wa habari wana nguvu ya kufikisha ujumbe kwa jamii hivyo wana jukumu la kuhakikisha wanatoa elimu ya usawa wa kijinsia ili kutatua changamoto zilizopo. "Waandishi wa habari mtakapoibua kero za wanawake na kuzisemea mtaleta mabadiliko kwa wanawake hao lakini pia jamii nzima kwani kupitia kwao ukatili na ukandamizaji wanawake na watoto wa kike utaondoka”, alieleza Simbaya. Aidha Mkurugenzi huyo amewataka waandishi waliopatiwa mafunzo hayo kutumia vizuri elimu hiyo kwa kuandika habari na kuanda vipindi kuhusu usawa wa kijinsia ili kuleta mabadil
Read more

Uislam unakubali uzazi wa mpango

Image
NA MWAANDISHI MAALUM KWA muda mrefu, suala la uzazi wa mpango limekuwa na mjadala mrefu katika jamii na vyombo vya habarijuu ya kama jee ni sawa au linapingana na maelekezo ya dini ya Kiislamu? Maelezo yamekuwa mengi na yenye aina tafauti ya maelezo, lakini ukweli na uhakika ni kwamba dini ya Kiislamu haina pingamizi juu ya uzazi wa mpango kwa vile linasaidia mzazi na mtoto kuwa na afya bora. Sheikh Khamis Abdulhamid Mjumbe wa Baraza la Maulamaa Zanzibar, Sheikh Khamis Abdulhamid, amesema dini ya Kiislamu haijakataza  uzazi wa mpango ambao hauna na madhara kwa pande zote mbili. “Wakati Quran inashushwa Masahaba waliwahi kusema Quran haikutukataza kutumia njia ya mshindo (kumwanga maji ya uzazi nje) ili kupanga uzazi“, Sheikh Khamis alisemaa. Hata hivyo, aliongeza ni muhmu kwa wanawaume kujitahidi kufuatilia na kujipanga kupata elimu ili ndoa zao ziwe na furaha kwa kuweka utaratibu maalum wa kupata watoto. “Ikiwa mtu atasema ukikataa kuzaa nimekuacha basi hakika hio ni talaka ila hi
Read more