Makamu wa Kwanza ataka taasisi za dini zisaidiwe

NA MWANDISHI MAALUM, OMKR

MAKAMU wa Kwanza wa Rais wa Zanzibar, Alhaj Othman Masoud Othman, amewahimiza waumini wa dini ya Kiislamu na taasisi mbali mbali nchini kuendelea kuzisaidia taasisi za kidini ili waumini waweze kufanya ibada zao katika mazingira yaliyo bora.

Akizungumza mara baada ya Sala ya Ijumaa katika Msikiti wa Sogea, wilaya ya Mjini Unguja, Alhaj Othman alisema kushiriki katika kutoa misaada ni wajibu wa kila Muislamu, kwani ni kutekeleza maagizo ya Mwenyezi Mungu na hivyo huzidisha imani.

"Waislamu natuweni wenye kujitahidi katika kulitekeleza hili ili tufikie malengo ya kuziimarisha nyumba za Mwenyezi Mungu", alisema Makamu huyo wa Kwanza wa Rais.

Kwa sasa, Msikiti huo wa Sogea, ambao upo katika Wilaya ya Mjini Unguja, umezidiwa na idadi kubwa ya waumini hivyo unahitajika kuvunjwa na kuboreshwa zaidi.

Kwa upande wake, Alhaj Othman aliahidi kushirikiana na waumini hao katika ujenzi wa msikiti wa muda kwa lengo la kuhakikisha wanapata msikiti utakaokuwa na nafasi ya kutosha kwa Waislamu wengi kufanya ibada.

Kwa upande mwengine, Makamu huyo wa Kwanza aliwaambia waumini wenzake kwamba wakati Serikali inaendelea kupambana na uovu nchini, nao wanapaswa kujitahidi katika kuisoma dini ili kuwa na jamii itakayohubiri amani na mshikamano kwa kauli na vitendo.

Mapema, akiwasilisha salamu za waumini kwa serikali, Kiongozi wa Msikiti huo, Sheikh Suleiman Amour, alisema wanawapongeza viongozi wajuu wa serikali kwa kuendeleza umoja na mshikamano.

Comments

Post a Comment

Popular posts from this blog

ZALIRI, FLI zaingia makubaliano kuimariusha sekta mifugo

Image
NA MWANDISHI MAALUM, WKUMM WIZARA ya Kilimo Umwagiliaji, Maliasili na Mifugo imeeleza kuwa itaendelea kushirikiana na wadau mbali mbali kupitia taasisi zake kustawisha sekta ya kilimo na ufugaji. Waziri wa wizara hiyo, Shamata Shaame Khamis alieleza hayo baada ya kushuhudia utiaji saini ya makubaliano ya ushirikiano na kiutendaji kati ya Taasisi ya Utafiti wa Mifugo Zanzibar (ZALIRI) na taasisi ya Friedrich Loeffler Institut (FLI) ya nchini Ujerumani.  Katika hafla hiyo, Mkurugenzi Mkuu wa ZARILI, Talib Saleh Suleiman alitia saini kwa niaba ya taasisi hiyo na kwa upande wa  FLI, Mkurugenzi wa Institute of International Animal/One Health, Prof. Sascha Knauf aliiwakilisha taasisi yake. Waziri Shamata  alieleza kuwa  serikali ya Ujerumani imekuwa na ushirikiano wa karibu na serikali ya Jamhuri ya Muungano wa Tanzania na Serikali ya Mapinduzi  Zanzibar katika mipango yake ya maendeleo.  Alifahamisha kuwa utiaji saini huo utaongeza ufanisi na wataalamu wa utafiti wa masuala ya mifugo lakini
Read more

Ibueni changamoto zinazokamisha usawa wa kijinsia - Simbaya

Image
NA MWANAISHA SHARIA, MOROGORO WAANDISHI wa habari wametakiwa kuendelea kuibua changamoto mbali mbali zinazowakabili wanawake ili wapate fursa za maendeleo zinazojitokeza nchini. Mkurugenzi wa Muungano wa Klabu za Waandishi wa Habari Tanzania (UTPC), Kenneth Simbaya alipokua akifungua mafunzo ya kuwajengea uwezo waandishi wa habari kuhusu kuandika habari za usawa wa kijinsia yaliyofanyika hoteli ya Flomi, mjini Morogoro. Amesema wandishi wa habari wana nguvu ya kufikisha ujumbe kwa jamii hivyo wana jukumu la kuhakikisha wanatoa elimu ya usawa wa kijinsia ili kutatua changamoto zilizopo. "Waandishi wa habari mtakapoibua kero za wanawake na kuzisemea mtaleta mabadiliko kwa wanawake hao lakini pia jamii nzima kwani kupitia kwao ukatili na ukandamizaji wanawake na watoto wa kike utaondoka”, alieleza Simbaya. Aidha Mkurugenzi huyo amewataka waandishi waliopatiwa mafunzo hayo kutumia vizuri elimu hiyo kwa kuandika habari na kuanda vipindi kuhusu usawa wa kijinsia ili kuleta mabadil
Read more

Uislam unakubali uzazi wa mpango

Image
NA MWAANDISHI MAALUM KWA muda mrefu, suala la uzazi wa mpango limekuwa na mjadala mrefu katika jamii na vyombo vya habarijuu ya kama jee ni sawa au linapingana na maelekezo ya dini ya Kiislamu? Maelezo yamekuwa mengi na yenye aina tafauti ya maelezo, lakini ukweli na uhakika ni kwamba dini ya Kiislamu haina pingamizi juu ya uzazi wa mpango kwa vile linasaidia mzazi na mtoto kuwa na afya bora. Sheikh Khamis Abdulhamid Mjumbe wa Baraza la Maulamaa Zanzibar, Sheikh Khamis Abdulhamid, amesema dini ya Kiislamu haijakataza  uzazi wa mpango ambao hauna na madhara kwa pande zote mbili. “Wakati Quran inashushwa Masahaba waliwahi kusema Quran haikutukataza kutumia njia ya mshindo (kumwanga maji ya uzazi nje) ili kupanga uzazi“, Sheikh Khamis alisemaa. Hata hivyo, aliongeza ni muhmu kwa wanawaume kujitahidi kufuatilia na kujipanga kupata elimu ili ndoa zao ziwe na furaha kwa kuweka utaratibu maalum wa kupata watoto. “Ikiwa mtu atasema ukikataa kuzaa nimekuacha basi hakika hio ni talaka ila hi
Read more