Sadaka zinaimarisha amani, upendo kwenye jamii – Sheikh Kahalid

NA MWANDISHI WETU

OFISI ya Mufti wa Zanzibar imeeleza kuridhishwa kwake na sadaka zinazotolewa kwa watu wenye mahitaji maalum na watoto yatima, kwani inasaidia kuimarisha amani, upendo na kupunguza ukali wa maisha miongoni mwa jamii.

Katibu wa ofisi hiyo Sheikh Khalid Ali Mfaume, alitoa kauli hiyo alipokuwa akizungumza wakati wa zoezi la ugawaji wa vyakula vya futari iliyotolewa na taasisi ya Shura Muslim Charitable Organization katika ofisi za jumuiya hiyo, Kilimahewa, mjini Zanzibar.

Alisema Mweyezi Mungu aliyataja makundi ya mayatima, wajane na watu wasiojiweza kuwa miongoni mwa yanaopaswa kusaidiwa hivyo jumuiya hiyo imefanya jambo jema linalopaswa kuigwa na kila mwenye uwezo.

“Tumehimizwa na Allah (S.W) kuwashika mkono mayatima, masikini na wale wenye mahitaji maalum kwani kufanya hivyo sio kunawapunguzia ugumu wa maisha tu, bali huongeza upendo na kujenga amani katika jamii,” alisema Sheikh Mfaume.

Alisema jamii isiyokuwa na usawa, watu wake wanakosa utulivu wa nafsi na kuwa sababu ya kuoneana choyo na husda hivyo ipo haja kwa kila mmoja kujenga utamaduni wa kutoa sadaka kwa kadri ya uwezo alionao.

Aidha aliwashukuru wafadhili ya jumuiya hiyo, Umoja wa Nchi za Falme za Kiarabu (UAE) kwa kufadhili futari na shughuli za jumuiya hiyo ambayo imekuwa ikitoa misaada mbali mbali ikiwemo ya elimu kwa watoto mayatima.

Awali akizungumza katika zoezi hilo, Mwenyekiti wa Jumuiya hiyo, Juma Ali Khamis, alieleza kuwa jumla ya msaada huo ni mwendelezo wa misaada inayotolewa na jumuiya yake kwa familia zinazolea watoto yatima, wazee na watu wanaoishi kwenye mazingira magumu.

Aliongeza kuwa kabla ya kutoa msaada wa futari kwa wananchi wa Unguja, walifanya hivyo katika maeneo mbali mbali ya kisiwa cha Pemba pamoja na kufutarisha katika maeneo ya Unguja ambapo zaidi ya watu 4,000 wamenufaika.

“Toka jumuiya yetu ilipoanzishwa mwaka 2014 tumekuwa na harakati zinazoyahusu makundi haya na kwa mwaka huu Alhamdulillah tulianza kwa kutoa sadaka ya vyakula vikavu kule Pemba na sasa tupo hapa Unguja,” alieleza maalim Juma.

Aliyataja maeneo yaliyofikiwa na idadi ya watu waliofikiwa kwenye mabano ni Msuka (200), Wingwi (300, Pandani (165), Shengejuu (700), Mvimbe Pandani (65) kwa upande wa kisiwa cha Pemba ambapo katika kisiwa cha Unguja familia 150 zimefikiwa.

Nae mmoja ya wanufaika wa sadaka hiyo anaetunza watoto saba mayatima wakiwemo wanawake wanne, aliwashukuru wafadhili waliofanikisha kupatikana kwa sadaka hiyo na viongozi wa jumuiya ya Shura kwa kuwapatia msaada huo ambao alisema utawasaidia kupunguza ugumu wa maisha.

“Tunashukuru vyakula hivi vitatusaidia kupata utulivu katika maswala ya chakula katika kipindi hiki cha ramadhani na kile kipato kdogo tulichonacho tutakitumia kwenye maswala ya mavazi ingawa bado tunaomba tusaidiwe na huko,” alieleza mama huyo ambaye hakutaka kutajwa jina gazetini.

Katika hafla hiyo zaidi ya familia 150 zinazoishi na watoto yatima, wazee wasiojiweza na wanaoishi kwenye mazingira magumu walipatiwa futari hiyo iliyojumuisha mchele, maharage, mafuta ya kula, sukari, unga wa ngano na tende.

Comments

Post a Comment

Popular posts from this blog

ZALIRI, FLI zaingia makubaliano kuimariusha sekta mifugo

Image
NA MWANDISHI MAALUM, WKUMM WIZARA ya Kilimo Umwagiliaji, Maliasili na Mifugo imeeleza kuwa itaendelea kushirikiana na wadau mbali mbali kupitia taasisi zake kustawisha sekta ya kilimo na ufugaji. Waziri wa wizara hiyo, Shamata Shaame Khamis alieleza hayo baada ya kushuhudia utiaji saini ya makubaliano ya ushirikiano na kiutendaji kati ya Taasisi ya Utafiti wa Mifugo Zanzibar (ZALIRI) na taasisi ya Friedrich Loeffler Institut (FLI) ya nchini Ujerumani.  Katika hafla hiyo, Mkurugenzi Mkuu wa ZARILI, Talib Saleh Suleiman alitia saini kwa niaba ya taasisi hiyo na kwa upande wa  FLI, Mkurugenzi wa Institute of International Animal/One Health, Prof. Sascha Knauf aliiwakilisha taasisi yake. Waziri Shamata  alieleza kuwa  serikali ya Ujerumani imekuwa na ushirikiano wa karibu na serikali ya Jamhuri ya Muungano wa Tanzania na Serikali ya Mapinduzi  Zanzibar katika mipango yake ya maendeleo.  Alifahamisha kuwa utiaji saini huo utaongeza ufanisi na wataalamu wa utafiti wa masuala ya mifugo lakini
Read more

Ibueni changamoto zinazokamisha usawa wa kijinsia - Simbaya

Image
NA MWANAISHA SHARIA, MOROGORO WAANDISHI wa habari wametakiwa kuendelea kuibua changamoto mbali mbali zinazowakabili wanawake ili wapate fursa za maendeleo zinazojitokeza nchini. Mkurugenzi wa Muungano wa Klabu za Waandishi wa Habari Tanzania (UTPC), Kenneth Simbaya alipokua akifungua mafunzo ya kuwajengea uwezo waandishi wa habari kuhusu kuandika habari za usawa wa kijinsia yaliyofanyika hoteli ya Flomi, mjini Morogoro. Amesema wandishi wa habari wana nguvu ya kufikisha ujumbe kwa jamii hivyo wana jukumu la kuhakikisha wanatoa elimu ya usawa wa kijinsia ili kutatua changamoto zilizopo. "Waandishi wa habari mtakapoibua kero za wanawake na kuzisemea mtaleta mabadiliko kwa wanawake hao lakini pia jamii nzima kwani kupitia kwao ukatili na ukandamizaji wanawake na watoto wa kike utaondoka”, alieleza Simbaya. Aidha Mkurugenzi huyo amewataka waandishi waliopatiwa mafunzo hayo kutumia vizuri elimu hiyo kwa kuandika habari na kuanda vipindi kuhusu usawa wa kijinsia ili kuleta mabadil
Read more

Uislam unakubali uzazi wa mpango

Image
NA MWAANDISHI MAALUM KWA muda mrefu, suala la uzazi wa mpango limekuwa na mjadala mrefu katika jamii na vyombo vya habarijuu ya kama jee ni sawa au linapingana na maelekezo ya dini ya Kiislamu? Maelezo yamekuwa mengi na yenye aina tafauti ya maelezo, lakini ukweli na uhakika ni kwamba dini ya Kiislamu haina pingamizi juu ya uzazi wa mpango kwa vile linasaidia mzazi na mtoto kuwa na afya bora. Sheikh Khamis Abdulhamid Mjumbe wa Baraza la Maulamaa Zanzibar, Sheikh Khamis Abdulhamid, amesema dini ya Kiislamu haijakataza  uzazi wa mpango ambao hauna na madhara kwa pande zote mbili. “Wakati Quran inashushwa Masahaba waliwahi kusema Quran haikutukataza kutumia njia ya mshindo (kumwanga maji ya uzazi nje) ili kupanga uzazi“, Sheikh Khamis alisemaa. Hata hivyo, aliongeza ni muhmu kwa wanawaume kujitahidi kufuatilia na kujipanga kupata elimu ili ndoa zao ziwe na furaha kwa kuweka utaratibu maalum wa kupata watoto. “Ikiwa mtu atasema ukikataa kuzaa nimekuacha basi hakika hio ni talaka ila hi
Read more