SIKU YA UHURU WA HABARI DUNIANI

Wadau wataka uhuru zaidi

NA MUHAMMED KHAMIS, TAMWA

WAKATI dunia  ikiadhimisha siku ya kimataifa ya uhuru wa habari, imelezwa kuwa  ipo haja kwa mamlaka mbali mbali  kutambua na kuthamini mchango wa waandishi wa habari  na uhuru wa kupata habari kwani  ni haki ya kikatiba.

Hayo yamalezwa katika mkutano wa kujadili rasimu ya sheria ya habari uliofanyika katika ukumbi wa mikutano wa Mamlaka ya Udhibiti wa Maji na Nishati Zanzibar (ZURA) uliopo Maisara mjini Unguja. 

Mkurugenzi wa Chama cha Waandishi wa habari wanawake TAMWA-Zanzibar, Dk. Mzuri Issa Ali, alisema upatikanaji wa habari unachochea kwa kiasi kikubwa maendeleo ya nchi, hivyo kuna kila sababu wananchi na wanahabri kupewa uhuru wao wa kufanya kazi bila ya kubugudhiwa.

Mkurugenzi huyo aliwataka wanahabari kujikita zaidi katika kujiongezea elimu kwani ndio itakayowasaidia na kuwafanya kuwa wapambanuzi na mambo sambamba na kuepuka changamoto.

Katika hatua nyengine aligusia pia suala la udhalilishaji wa kijinsia kwa wanahabari wanwake visiwani hapa na kusema iwapo kuna wanahabari wanafanyiwa matendo hayo au kuona viashiria wasikae kimya na wanapaswa kutoa taarifa mamlaka husika.

Kwa upande wake mkuu wa kada ya habari Chuo kikuu cha Taifa Zanzibar (SUZA), Imane Osmond Duwe, alisema ipo haja ya wanahabari kufanya kazi zao kwa mujibu wa taaluma na kwa kuwa watafahamu kwa kina nini wanakifanya na wanachokitaka kwa maslahi ya Taifa na jamii kwa ujumla.

Alisema dhana ya uhuru wa habari haishii tu kwa waandishi wa habari bali inakwenda hadi kwa jamii ya kawaida kwa vile jamii nayo inapaswa kupata taarifa juu ya yanayoendelea ndani na nje ya nchi.

Sambamba na hayo alisema alisema kila mtu anapaswa kufahamu kuwa kila aina ya uhuru una mipaka yake hivyo uwepo wa mipaka ya kupata habari isiwe kigenzo cha kuwanyima wanahabari kufanya kazi yao.00000

Kwa upande wake Mhadhiri wa Chuo Kikuu cha Dar es Salam kitivo cha sheria Prof.  Chris Maina Peter, alisema wakati dunia inaadhimisha uhuru wakupata habari kila mmoja anapaswa kufahamu kuwa uhuru wa kupata habari ni miongoni mwa haki za msingi kwa kila binadamu.

Alisema kutoka na msingi huo ndio maana serikali zote mbili wakaona umuhimu na kuweka kwenye katiba zao haki ya kupata habari hivyo inapotokea mtu ama taasisi kunyima wengine wasipate habari ni kwenda kinyume na katiba zote mbili.

Maadhimisho ya siku ya uhuru wa habari hufanyika kila mawaka ifikapo Mei 3  ambapo kwa mwaka huu ujumbe ulikuwa ni 'Habari kwa manufaa ya umma'.

Comments

Post a Comment

Popular posts from this blog

ZALIRI, FLI zaingia makubaliano kuimariusha sekta mifugo

Image
NA MWANDISHI MAALUM, WKUMM WIZARA ya Kilimo Umwagiliaji, Maliasili na Mifugo imeeleza kuwa itaendelea kushirikiana na wadau mbali mbali kupitia taasisi zake kustawisha sekta ya kilimo na ufugaji. Waziri wa wizara hiyo, Shamata Shaame Khamis alieleza hayo baada ya kushuhudia utiaji saini ya makubaliano ya ushirikiano na kiutendaji kati ya Taasisi ya Utafiti wa Mifugo Zanzibar (ZALIRI) na taasisi ya Friedrich Loeffler Institut (FLI) ya nchini Ujerumani.  Katika hafla hiyo, Mkurugenzi Mkuu wa ZARILI, Talib Saleh Suleiman alitia saini kwa niaba ya taasisi hiyo na kwa upande wa  FLI, Mkurugenzi wa Institute of International Animal/One Health, Prof. Sascha Knauf aliiwakilisha taasisi yake. Waziri Shamata  alieleza kuwa  serikali ya Ujerumani imekuwa na ushirikiano wa karibu na serikali ya Jamhuri ya Muungano wa Tanzania na Serikali ya Mapinduzi  Zanzibar katika mipango yake ya maendeleo.  Alifahamisha kuwa utiaji saini huo utaongeza ufanisi na wataalamu wa utafiti wa masuala ya mifugo lakini
Read more

Ibueni changamoto zinazokamisha usawa wa kijinsia - Simbaya

Image
NA MWANAISHA SHARIA, MOROGORO WAANDISHI wa habari wametakiwa kuendelea kuibua changamoto mbali mbali zinazowakabili wanawake ili wapate fursa za maendeleo zinazojitokeza nchini. Mkurugenzi wa Muungano wa Klabu za Waandishi wa Habari Tanzania (UTPC), Kenneth Simbaya alipokua akifungua mafunzo ya kuwajengea uwezo waandishi wa habari kuhusu kuandika habari za usawa wa kijinsia yaliyofanyika hoteli ya Flomi, mjini Morogoro. Amesema wandishi wa habari wana nguvu ya kufikisha ujumbe kwa jamii hivyo wana jukumu la kuhakikisha wanatoa elimu ya usawa wa kijinsia ili kutatua changamoto zilizopo. "Waandishi wa habari mtakapoibua kero za wanawake na kuzisemea mtaleta mabadiliko kwa wanawake hao lakini pia jamii nzima kwani kupitia kwao ukatili na ukandamizaji wanawake na watoto wa kike utaondoka”, alieleza Simbaya. Aidha Mkurugenzi huyo amewataka waandishi waliopatiwa mafunzo hayo kutumia vizuri elimu hiyo kwa kuandika habari na kuanda vipindi kuhusu usawa wa kijinsia ili kuleta mabadil
Read more

Uislam unakubali uzazi wa mpango

Image
NA MWAANDISHI MAALUM KWA muda mrefu, suala la uzazi wa mpango limekuwa na mjadala mrefu katika jamii na vyombo vya habarijuu ya kama jee ni sawa au linapingana na maelekezo ya dini ya Kiislamu? Maelezo yamekuwa mengi na yenye aina tafauti ya maelezo, lakini ukweli na uhakika ni kwamba dini ya Kiislamu haina pingamizi juu ya uzazi wa mpango kwa vile linasaidia mzazi na mtoto kuwa na afya bora. Sheikh Khamis Abdulhamid Mjumbe wa Baraza la Maulamaa Zanzibar, Sheikh Khamis Abdulhamid, amesema dini ya Kiislamu haijakataza  uzazi wa mpango ambao hauna na madhara kwa pande zote mbili. “Wakati Quran inashushwa Masahaba waliwahi kusema Quran haikutukataza kutumia njia ya mshindo (kumwanga maji ya uzazi nje) ili kupanga uzazi“, Sheikh Khamis alisemaa. Hata hivyo, aliongeza ni muhmu kwa wanawaume kujitahidi kufuatilia na kujipanga kupata elimu ili ndoa zao ziwe na furaha kwa kuweka utaratibu maalum wa kupata watoto. “Ikiwa mtu atasema ukikataa kuzaa nimekuacha basi hakika hio ni talaka ila hi
Read more