SMZ yavutiwa na nia ya BOSCH kuwekeza Z'bar

NA MWINYIMVUA NZUKWI

SERIKALI ya Mapinduzi Zanzibar (SMZ), imeeleza utayari wake kushirikiana na kampuni ya BOSCH Groups ya Ujerumani kuwekeza katika nyanja mbali mbali za uchumi nchini.

Wakizungumza kando ya mkutano wa utambulisho na Rais wa kampuni hiyo kanda ya Afrika, Dk. Markus Thill, Waziri wa Nchi ofisi ya Rais, Kazi, Uchumi na Uwekezaji, Mudrik Ramadhan Soraga na Waziri wa Biashara na Maendeleo ya Viwanda, Omar Said Shaban, walieleza kuwa serikali ipo tayari kuisaidia kampuni hiyo kufikia malengo.

Walieleza kwamba, ili kuimarisha kasi ya ukuaji wa uchumi na maendeleo ya uwekezaji nchini, serikali imeona vyema kuweka mazingira yatakayohamasisha uwekezaji.

"Ujio wa BOSCH nchini utavutia wawekezaji wengine kufikiria kuja na kuwekeza nchini wakiamini kwamba watapata huduma stahiki kutokana na uzoefu wake katika uwekezaji ndani na nje ya Afrika," alieleza Soraga.

Aliongeza kuwa mbali ya kutenga maeneo maalum ya uwekezaji na kuweka vivutio vikiwemo vya kikodi, uwepo wa kampuni zinazozalisha vifaa na teknolojia ya kisasa, huchochea kasi na ongezeko la miradi ya uwekezaji na kuongeza fursa za ajira na ukuaji wa uchumi.

Aliongeza kuwa katika kikao hicho, Rais huyo alieleza shughuli mbali mbali zinazofanywa na kampuni hiyo ambazo alisema kuwa zinaweza kuwekezwa nchini hivyo wameikaribisha kwa kutambua maeneo na shughuli zinazoweza kuwekezwa nchini.

Nae Waziri Shaaban, alieleza kuwa Zanzibar inahitaji makampuni makubwa yatakayowekeza katika viwanda vya teknolojia ya habari na mawasiliano na vipuri vya magari na mitambo hatua ambayo itaongeza kasi ya ukuaji uchumi na maendeleo ya nchi.

"Ili kukuza weledi na uwezo wa nyanja mbali mbali ni lazima kuwa tayari kualika uwekezaji wa kampuni kubwa na zenye uzoefu mkubwa ili kuimarisha viwanda ambavyo vitazalisha ajira," alisema Shaaban.

Awali akizungumzia ujio wa kampuni hiyo, Mwenyekiti wa Jumuiya ya Watoa Huduma wa Sekta ya Mafuta na Gesi (ZAOGS), Balozi Abdulsamad Abdulrahim, alisema kampuni hiyo iliyowekeza katika nchi mbali mbali ulimwenguni imeonesha nia ya kushirikiana na SMZ katika kutekeleza malengo ya maendeleo ya Zanzibar 2050.

“Kampuni hii tayari imewekeza Euro 230,000 kwenye vifaa vya karakana ya magari jijini Dar es salam, kituo hicho kinawezesha upatikanaji wa vifaa na huduma za magari na ujuzi vitu vinavyoweza kuanzishwa hapa Zanzibar na kuajiri vijana wetu,” alieleza Abdulsamad.

Akizungumzia ujio wake, Dk. Thrill, alipongeza ukarimu wa viongozi wa Zanzibar na kueleza kuwa kampuni hiyo mbali ya kuwekeza itatoa mafunzo kwa vijana ili kuweza kuingia katika soko la ajira.

“Tumefanya hivyo katika maeneo mengi barani afrika kulingan nan a mahitaji. Hili ni jambo la maana zaidi kwani uwekezaji katika rasilimali watu ni bora zaidi kuyliko vitu,” alisema Dk. Thrill.

Kundi la makampuni ya BOSCH ni miongoni mwa makampuni yanayotoa huduma za teknolojia ambayo imeajiri zaidi ya watu 375,000 ulimwenguni kote ambayo katika mwaka 2015 ilifanya mauzo ya bidhaa na ujuzi yenye thamani ya Euro bilioni 70.6.

Comments

Post a Comment

Popular posts from this blog

ZALIRI, FLI zaingia makubaliano kuimariusha sekta mifugo

Image
NA MWANDISHI MAALUM, WKUMM WIZARA ya Kilimo Umwagiliaji, Maliasili na Mifugo imeeleza kuwa itaendelea kushirikiana na wadau mbali mbali kupitia taasisi zake kustawisha sekta ya kilimo na ufugaji. Waziri wa wizara hiyo, Shamata Shaame Khamis alieleza hayo baada ya kushuhudia utiaji saini ya makubaliano ya ushirikiano na kiutendaji kati ya Taasisi ya Utafiti wa Mifugo Zanzibar (ZALIRI) na taasisi ya Friedrich Loeffler Institut (FLI) ya nchini Ujerumani.  Katika hafla hiyo, Mkurugenzi Mkuu wa ZARILI, Talib Saleh Suleiman alitia saini kwa niaba ya taasisi hiyo na kwa upande wa  FLI, Mkurugenzi wa Institute of International Animal/One Health, Prof. Sascha Knauf aliiwakilisha taasisi yake. Waziri Shamata  alieleza kuwa  serikali ya Ujerumani imekuwa na ushirikiano wa karibu na serikali ya Jamhuri ya Muungano wa Tanzania na Serikali ya Mapinduzi  Zanzibar katika mipango yake ya maendeleo.  Alifahamisha kuwa utiaji saini huo utaongeza ufanisi na wataalamu wa utafiti wa masuala ya mifugo lakini
Read more

Ibueni changamoto zinazokamisha usawa wa kijinsia - Simbaya

Image
NA MWANAISHA SHARIA, MOROGORO WAANDISHI wa habari wametakiwa kuendelea kuibua changamoto mbali mbali zinazowakabili wanawake ili wapate fursa za maendeleo zinazojitokeza nchini. Mkurugenzi wa Muungano wa Klabu za Waandishi wa Habari Tanzania (UTPC), Kenneth Simbaya alipokua akifungua mafunzo ya kuwajengea uwezo waandishi wa habari kuhusu kuandika habari za usawa wa kijinsia yaliyofanyika hoteli ya Flomi, mjini Morogoro. Amesema wandishi wa habari wana nguvu ya kufikisha ujumbe kwa jamii hivyo wana jukumu la kuhakikisha wanatoa elimu ya usawa wa kijinsia ili kutatua changamoto zilizopo. "Waandishi wa habari mtakapoibua kero za wanawake na kuzisemea mtaleta mabadiliko kwa wanawake hao lakini pia jamii nzima kwani kupitia kwao ukatili na ukandamizaji wanawake na watoto wa kike utaondoka”, alieleza Simbaya. Aidha Mkurugenzi huyo amewataka waandishi waliopatiwa mafunzo hayo kutumia vizuri elimu hiyo kwa kuandika habari na kuanda vipindi kuhusu usawa wa kijinsia ili kuleta mabadil
Read more

Uislam unakubali uzazi wa mpango

Image
NA MWAANDISHI MAALUM KWA muda mrefu, suala la uzazi wa mpango limekuwa na mjadala mrefu katika jamii na vyombo vya habarijuu ya kama jee ni sawa au linapingana na maelekezo ya dini ya Kiislamu? Maelezo yamekuwa mengi na yenye aina tafauti ya maelezo, lakini ukweli na uhakika ni kwamba dini ya Kiislamu haina pingamizi juu ya uzazi wa mpango kwa vile linasaidia mzazi na mtoto kuwa na afya bora. Sheikh Khamis Abdulhamid Mjumbe wa Baraza la Maulamaa Zanzibar, Sheikh Khamis Abdulhamid, amesema dini ya Kiislamu haijakataza  uzazi wa mpango ambao hauna na madhara kwa pande zote mbili. “Wakati Quran inashushwa Masahaba waliwahi kusema Quran haikutukataza kutumia njia ya mshindo (kumwanga maji ya uzazi nje) ili kupanga uzazi“, Sheikh Khamis alisemaa. Hata hivyo, aliongeza ni muhmu kwa wanawaume kujitahidi kufuatilia na kujipanga kupata elimu ili ndoa zao ziwe na furaha kwa kuweka utaratibu maalum wa kupata watoto. “Ikiwa mtu atasema ukikataa kuzaa nimekuacha basi hakika hio ni talaka ila hi
Read more