SMZ yaipongeza WB kudhamini miradi

NA MWINYIMVUA NZUKWI

WAZIRI wa Nchi Ofisi ya Rais, Fedha na Mipango, Jamal Kassim Ali, ameipongeza Benki ya Dunia (WB) kwa misaada na mikopo inayoipatia Zanzibar kwani imechangia kuimarisha ustawi na maendeleo ya jamii.

Akizungumza na waandishi wa habari mara baada ya mkutano na Mkurugenzi Mtendaji wa benki hiyo kanda ya Afrika, Dk. Taufila Nyamadzabo, ofisini kwake Vuga, alieleza kuwa miradi mbali mbali iliyoidhinishwa na benki hiyo hivi karibuni itachochea kasi ya maendeleo ya Zanzibar na watu wake.

Alieleza kwamba ili kufikia malengo iliyojiwekea, Zanzibar inapaswa kutumia kikamilifu fursa zinazotolewa na washirika wa maendeleo jambo ambalo alimuahidi mkurugenzi huyo kulisimamia kikamilifu.

“Miradi iliyoidhinishwa na Benki ya Dunia ina sura mbili, yaani msaada na mikopo nafuu, hivyo ili tufanikiwe lazima tuwe na usimamizi bora ili tija ipatikane,” alieleza Jamal.

Akiitaja miradi iliyoidhinishwa na WB ambayo ilikuwa ni sehemu ya mazungumzo yao kuwa ni pamoja na uimarishaji wa miundombinu ya umeme (ZESTA) wenye thamani ya Dola za Marekani milioni 142.

“Mradi huu unakwenda kuongeza upatikanaji wa umeme hasa katika maeneo ya kusini na kaskazini ya kisiwa cha unguja kwani vituo vya umeme mkubwa vitajengwa na kuondoa changamoto ya umeme mdogo katika maeneo hayo,” alieleza Jamal.

Alifafanua kwamba mradi huo unahusisha ujenzi wa mfumo wa usafirishaji wa umeme kwa kujenga njia ya umeme wa KV 132 na kuongeza uwezo wa usambazaji wa huduma hiyo.

Aliutaja mradi mwengine ni wa uimarishaji wa mji wa Zanzibar unaotambuliwa kama BIG Z uliotengewa Dola 150 ambao utahusika na ujenzi wa barabara, uwekaji wa mifumo ya maji taka, kuweka taa za barabarani, kupendezesha mji na kumalizia kazi zilizobakia kwenye mradi wa huduma za jamii (ZUSP).

Aidha Jamal alieleza kuwa katika mazungumzo hayo waliwasilisha maombi kwa mkurugenzi huyo kuangalia uwezekano wa kuongeza idadi ya watendaji kutoka Zanzibar katika ofisi za benki hiyo na mashirika mengine ya kimataifa ili kuwajengea uwezo lakini pia kuhaulisha uzoefu wao wanaporudi kufanya kazi nchini.

Akizungumza katika mkutano huo uliowajumuisha katibu mkuu wa wizara ya fedha Zanzibar Dk. Juma Malik Akil na naibu katibu mkuu wizara ya fedha na mipango ya Jamhuri ya muungano wa Tanzania, Amina Khamis Shaaban, Dk. Nyamadzabo, alisema benki ya dunia imeridhishwa na utekelezaji wa miradi wanayoifadhili.

Alieleza kuwa kwa kipindi kirefu fedha zinazotolewa na WB kwa miradi mbali mbali ya kijamii, zimekuwa zikitumika vyema na kuleta tija kwa wananchi jambo lililopelekea Tanzania kuidhinishiwa fedha za mikopo na misaada.

“Hivi karibuni tumeidhinisha fedha kwa ajili ya mkopo na msaada kwa ajili ya Tanzania kwenye miradi ambayo itachochea kasi ya maendeleo ya nchi na watu wake, hili ni jambo jema na mara zote Tanzania imekuwa ikibuni miradi yenye tija,” alisema Dk. Nyamadzabo.

Mkurugenzi huyo, alimpongeza waziri jamal kwa kuwasilisha vyema bajeti ya serikali ambayo alisema imeakisi mahitaji ya jamii na maendeleo ya nchi kuelekea na kueleza kuwa benki hiyo itaendelea kufadhili miradi iliyoombwa na Serikali ya Mapinduzi Zanzibar na Serikali ya Jamhuri ya Muungano wa Tanzania ili kuongeza kasi ya maendeleo ya sekta mbali mbali za kiuchumi na kijamii.

Comments

Post a Comment

Popular posts from this blog

ZALIRI, FLI zaingia makubaliano kuimariusha sekta mifugo

Image
NA MWANDISHI MAALUM, WKUMM WIZARA ya Kilimo Umwagiliaji, Maliasili na Mifugo imeeleza kuwa itaendelea kushirikiana na wadau mbali mbali kupitia taasisi zake kustawisha sekta ya kilimo na ufugaji. Waziri wa wizara hiyo, Shamata Shaame Khamis alieleza hayo baada ya kushuhudia utiaji saini ya makubaliano ya ushirikiano na kiutendaji kati ya Taasisi ya Utafiti wa Mifugo Zanzibar (ZALIRI) na taasisi ya Friedrich Loeffler Institut (FLI) ya nchini Ujerumani.  Katika hafla hiyo, Mkurugenzi Mkuu wa ZARILI, Talib Saleh Suleiman alitia saini kwa niaba ya taasisi hiyo na kwa upande wa  FLI, Mkurugenzi wa Institute of International Animal/One Health, Prof. Sascha Knauf aliiwakilisha taasisi yake. Waziri Shamata  alieleza kuwa  serikali ya Ujerumani imekuwa na ushirikiano wa karibu na serikali ya Jamhuri ya Muungano wa Tanzania na Serikali ya Mapinduzi  Zanzibar katika mipango yake ya maendeleo.  Alifahamisha kuwa utiaji saini huo utaongeza ufanisi na wataalamu wa utafiti wa masuala ya mifugo lakini
Read more

Ibueni changamoto zinazokamisha usawa wa kijinsia - Simbaya

Image
NA MWANAISHA SHARIA, MOROGORO WAANDISHI wa habari wametakiwa kuendelea kuibua changamoto mbali mbali zinazowakabili wanawake ili wapate fursa za maendeleo zinazojitokeza nchini. Mkurugenzi wa Muungano wa Klabu za Waandishi wa Habari Tanzania (UTPC), Kenneth Simbaya alipokua akifungua mafunzo ya kuwajengea uwezo waandishi wa habari kuhusu kuandika habari za usawa wa kijinsia yaliyofanyika hoteli ya Flomi, mjini Morogoro. Amesema wandishi wa habari wana nguvu ya kufikisha ujumbe kwa jamii hivyo wana jukumu la kuhakikisha wanatoa elimu ya usawa wa kijinsia ili kutatua changamoto zilizopo. "Waandishi wa habari mtakapoibua kero za wanawake na kuzisemea mtaleta mabadiliko kwa wanawake hao lakini pia jamii nzima kwani kupitia kwao ukatili na ukandamizaji wanawake na watoto wa kike utaondoka”, alieleza Simbaya. Aidha Mkurugenzi huyo amewataka waandishi waliopatiwa mafunzo hayo kutumia vizuri elimu hiyo kwa kuandika habari na kuanda vipindi kuhusu usawa wa kijinsia ili kuleta mabadil
Read more

Uislam unakubali uzazi wa mpango

Image
NA MWAANDISHI MAALUM KWA muda mrefu, suala la uzazi wa mpango limekuwa na mjadala mrefu katika jamii na vyombo vya habarijuu ya kama jee ni sawa au linapingana na maelekezo ya dini ya Kiislamu? Maelezo yamekuwa mengi na yenye aina tafauti ya maelezo, lakini ukweli na uhakika ni kwamba dini ya Kiislamu haina pingamizi juu ya uzazi wa mpango kwa vile linasaidia mzazi na mtoto kuwa na afya bora. Sheikh Khamis Abdulhamid Mjumbe wa Baraza la Maulamaa Zanzibar, Sheikh Khamis Abdulhamid, amesema dini ya Kiislamu haijakataza  uzazi wa mpango ambao hauna na madhara kwa pande zote mbili. “Wakati Quran inashushwa Masahaba waliwahi kusema Quran haikutukataza kutumia njia ya mshindo (kumwanga maji ya uzazi nje) ili kupanga uzazi“, Sheikh Khamis alisemaa. Hata hivyo, aliongeza ni muhmu kwa wanawaume kujitahidi kufuatilia na kujipanga kupata elimu ili ndoa zao ziwe na furaha kwa kuweka utaratibu maalum wa kupata watoto. “Ikiwa mtu atasema ukikataa kuzaa nimekuacha basi hakika hio ni talaka ila hi
Read more