Watakiwa kuzingatia viwango kwenye kazi za ubunifu, utamaduni

NA MWANDISHI WETU

WAZIRI wa Biashara na Maendeleo ya Viwanda Zanzibar, Omar Said Shaaban, amesema serikali kupitia wizara yake inaunga mkono ushiriki wa mashindano yaliyoanzishwa na taasisi ya viwango Zanzibar (ZBS) kwani yataiwezesha Zanzibar kuwa kwenye ramani ya ulimwengu wa viwango.

Alitoa kauli hiyo wakati wa hafla ya utoaji zawadi kwa washindi wa shindano la insha inayohusu mchango wa Viwango, Sanaa, Utamaduni na Urithi Jamii katika kukuza uchumi bunifu barani Afrika iliyoandaliwa na shirika la viwango Afrika (ARSO), hafla iliyofanyika katika jengo la ZURA, Maisara Zanzibar.

Alisema inaposhiriki katika mashindano na shughuli za mashirika ya kimataifa na kikanda, kwa asilimia kubwa inaweza kufanya vizuri na kuaminiwa hivyo ni imani yake kwamba ZBS itaendelea kuwa wadau wakubwa wa shirikisho hilo la Afrika.

Akizungumzia maudhui ya mada ya mashindano hayo, Shaaban alisema, sanaa na ubunifu vina mchango mkubwa katika kukuza uchumi wa Zanzibar hivyo aliwataka wanafunzi wasiishie kuandika insha pekee badala yake kusomea mambo ya viwango pindi watakapomaliza masomo kusaidia maendeleo ya nchi yao.

Hata hivyo, Waziri Omar, alibainisha kuwa kuna uhusiano wa karibu kati ya ubunifu na viwango katika mambo mbali mbali ikiwemo kupunguza gharama hasa katika mambo ya ujenzi.

Shaaban pia aliishauri ZBS kutoa elimu juu ya uhusiano baina ya ubunifu na viwango ili kuwawezesha watu kujua mambo muhimu katika mambo hayo ikiwemo wabunifu wa majengo, watu wa sanaa, mapishi na watu wengine katika jambo hilo.

Aliwahakikishia wanafunzi kuwa insha walizoziandika zitachukua nafasi ya kwanza barani Afrika na kuipa heshima nchi yao.

Katika hatua nyengine aliwapongeza walimu wa wanafunzi hao katika kuwasimamia na kuona wanafanya kazi nzuri ambayo imewawezesha kupata ushindi.

Mkurugenzi Mkuu wa Taasisi ya Viwango Zanzibar (ZBS), Rahima Ali Bakar, alisema mashindano hayo ni moja ya hatua ya kuelekea kilele cha shindano la insha na kusherehekea siku ya viwango Afrika na kuwapongeza wanafunzi na walimu kwa kushiriki shindano hilo na kupata washindi wengi zaidi.

Alisema mashindano hayo waliyoanza mwaka 2019 ambapo wanafunzi 16 walishiriki, mwaka 2020 washiriki walikuwa 18 na kwa mwaka huu washiriki walikuwa 33 idadi ambayo imekuwa ikiongezeka kila mwaka.

Aidha alisema katika mashindano ya jumuiya ya ARSO ya mwaka uliopita, Zanzibar ilipata mshindi wa saba hivyo aliwataka wanafunzi kushajihika na kutovunjika moyo katika kushiriki mashindano hayo.

Mkurugenzi huyo aliahidi yale yote yaliyoelekezwa na wizara katika jambo hilo watayachukua na kuyafanyia kazi ili kuweza kushiriki katika mashindano hayo barani Afrika.

Mkuu wa Mashirikiano na Uhariri wa Viwango wa ZBS, Kidawa Hassan, akiwasilisha mada kuhusu mchango wa viwango kwa sanaa, utamaduni na urithi, alisema viwango vina mchango mkubwa katika kitangaza bidhaa na nyenzo bora kwa wabunifu kuweza kupata soko nje ya nchi kupitia bidhaa zao wanazozizalisha.

Wanafunzi walioshiriki katika mashindano hayo waliahidi kuhakikisha wanajitoa katika kuandika insha mbalimbali na kuwashajihisha wanafunzi wenzao katika kushiriki mashindano mbalimbali nchini.

Comments

Post a Comment

Popular posts from this blog

ZALIRI, FLI zaingia makubaliano kuimariusha sekta mifugo

Image
NA MWANDISHI MAALUM, WKUMM WIZARA ya Kilimo Umwagiliaji, Maliasili na Mifugo imeeleza kuwa itaendelea kushirikiana na wadau mbali mbali kupitia taasisi zake kustawisha sekta ya kilimo na ufugaji. Waziri wa wizara hiyo, Shamata Shaame Khamis alieleza hayo baada ya kushuhudia utiaji saini ya makubaliano ya ushirikiano na kiutendaji kati ya Taasisi ya Utafiti wa Mifugo Zanzibar (ZALIRI) na taasisi ya Friedrich Loeffler Institut (FLI) ya nchini Ujerumani.  Katika hafla hiyo, Mkurugenzi Mkuu wa ZARILI, Talib Saleh Suleiman alitia saini kwa niaba ya taasisi hiyo na kwa upande wa  FLI, Mkurugenzi wa Institute of International Animal/One Health, Prof. Sascha Knauf aliiwakilisha taasisi yake. Waziri Shamata  alieleza kuwa  serikali ya Ujerumani imekuwa na ushirikiano wa karibu na serikali ya Jamhuri ya Muungano wa Tanzania na Serikali ya Mapinduzi  Zanzibar katika mipango yake ya maendeleo.  Alifahamisha kuwa utiaji saini huo utaongeza ufanisi na wataalamu wa utafiti wa masuala ya mifugo lakini
Read more

Ibueni changamoto zinazokamisha usawa wa kijinsia - Simbaya

Image
NA MWANAISHA SHARIA, MOROGORO WAANDISHI wa habari wametakiwa kuendelea kuibua changamoto mbali mbali zinazowakabili wanawake ili wapate fursa za maendeleo zinazojitokeza nchini. Mkurugenzi wa Muungano wa Klabu za Waandishi wa Habari Tanzania (UTPC), Kenneth Simbaya alipokua akifungua mafunzo ya kuwajengea uwezo waandishi wa habari kuhusu kuandika habari za usawa wa kijinsia yaliyofanyika hoteli ya Flomi, mjini Morogoro. Amesema wandishi wa habari wana nguvu ya kufikisha ujumbe kwa jamii hivyo wana jukumu la kuhakikisha wanatoa elimu ya usawa wa kijinsia ili kutatua changamoto zilizopo. "Waandishi wa habari mtakapoibua kero za wanawake na kuzisemea mtaleta mabadiliko kwa wanawake hao lakini pia jamii nzima kwani kupitia kwao ukatili na ukandamizaji wanawake na watoto wa kike utaondoka”, alieleza Simbaya. Aidha Mkurugenzi huyo amewataka waandishi waliopatiwa mafunzo hayo kutumia vizuri elimu hiyo kwa kuandika habari na kuanda vipindi kuhusu usawa wa kijinsia ili kuleta mabadil
Read more

Uislam unakubali uzazi wa mpango

Image
NA MWAANDISHI MAALUM KWA muda mrefu, suala la uzazi wa mpango limekuwa na mjadala mrefu katika jamii na vyombo vya habarijuu ya kama jee ni sawa au linapingana na maelekezo ya dini ya Kiislamu? Maelezo yamekuwa mengi na yenye aina tafauti ya maelezo, lakini ukweli na uhakika ni kwamba dini ya Kiislamu haina pingamizi juu ya uzazi wa mpango kwa vile linasaidia mzazi na mtoto kuwa na afya bora. Sheikh Khamis Abdulhamid Mjumbe wa Baraza la Maulamaa Zanzibar, Sheikh Khamis Abdulhamid, amesema dini ya Kiislamu haijakataza  uzazi wa mpango ambao hauna na madhara kwa pande zote mbili. “Wakati Quran inashushwa Masahaba waliwahi kusema Quran haikutukataza kutumia njia ya mshindo (kumwanga maji ya uzazi nje) ili kupanga uzazi“, Sheikh Khamis alisemaa. Hata hivyo, aliongeza ni muhmu kwa wanawaume kujitahidi kufuatilia na kujipanga kupata elimu ili ndoa zao ziwe na furaha kwa kuweka utaratibu maalum wa kupata watoto. “Ikiwa mtu atasema ukikataa kuzaa nimekuacha basi hakika hio ni talaka ila hi
Read more