Kunambi ashukuru mchango wa NMB kuimarisha huduma za jamii


NA SHADYA SAID, WMA

MKUU wa wilaya ya Magharibi ‘A’, Suzan Peter Kunambi, ameshukuru mchango unaotolewa na sekta binafsi katika maendeleo ya huduma za jamii wilayani humo katika nyanja tofauti.

Alieleza hayo wakati akitoa shukrani baada ya kupokea msaada wa mabati 200 na vitanda 30 kwa ajili ya skuli na vituo vya afya wilayani humo kutoka kwa benki ya NMB, hafla iliyofanyika katika skuli ya Msingi Mbuzini.

Alisema  msaada wa mabati  unakwenda kutatua changamoto ya uhaba wa madarasa katika skuli ya Mbuzini  na  skuli ya Mtoni Kigomeni kwani baadhi ya madarasa yamekuwa yakihitaji kuezekwa ili kukamilisha ujenzi wa madarasa ulioanza mwaka 2017.

“Kuchelewa kukamilika kwa madarasa haya kumesababisha wananfunzi kusoma nje ya madarasa na vitanda hivi vinakwenda kuongeza maeneo ya kupumzikia na kujifungulia katika vituo vyetu vya afya jambo ambalo ni la kushukuriwa sana,” alisema Kunambi.

Aidha aliziomba taasisi nyengine kuiga mfano wa benki hiyo ambayo ilisema imekuwa mstari wa mbele kusaidia jamii na makundi yenye uhitaji jambo linaloongeza kuaminika kwake katika jamii.

Akikabidhi msaada huo wenye thamani ya zadi ya shilingi milioni 30, Meneja wa biashara wa benki ya NMB Zanzibar, Abdalla Duchi, alisema benki hiyo imekuwa mdau mkubwa kwa serikali katika kuunga mkono  juhudi za maendeleo.

Alieleza kuwa misaada inayotolewa na benki hiyo maeneo mbali mbali nchini ni sehemu ya mpango wa benki hiyo kurudisha sehemu ya faida wanayoipata kwa jamii ili kuimarisha huduma na ustawi wa jamii.

“Fedha zinazotumika kama msaada katika shughuli za maendeleo kama haya, asilimia 100 zinatokana na faida ya kibiashara lakini pia kuthibitisha ukaribu wetu kwa jamii hivyo kuna umuhimu wa kujiunga nasi kwani faida inayopatikana inawarudia na kuwanufaisha wao wenyewe,” alieleza Duchi.

Akitoa maneno ya shukrani kwa niaba ya walimu na watoa huduma za afya wilayani humo, Daktari Dhamana wa kituoa cha afya Bumbwisudi, Dk. Said Fadhil, alisema vifaa vililivyotolewa vitatumika kama vilivyokusudiwa kupunguza changamoto ya uhaba wa vifaa unaowakabili kwa muda mrefu sasa.

Alieleza kuwa kwa muda mrefu baadhi ya vituo vya afya na hospitali za wilaya hiyo zimekuwa zikikabiliwa na changamoto ya vifaa jambo linalozorotesha huduma na kupelekea wananchi kufuata huduma maeneo ya mbali.

“Tumefarajika sana na msaada huu, kwani sisi kwenye afya tumekuwa na mahitaji ya vitanda vya kujifungulia na vifaa vyengine kwenye vituo vyetu hivyo msaada huu unakwenda kupunguza changamoto hiyo,” alieleza Dk. Said.

Katika hafla ya makabidhiano hayo, DC Kunambi aliambatana na viongozi mbali mbali wa wilaya, manispaa ya magharibi ‘A’ na kamati za skuli na afya, alikabidhiwa mabati 200 na vitanda 30 ikiwa ni mwendelezo wa misaada ya benki hiyo kwa huduma za jamii ambapo wiki iliyopita NMB ilikabidhi msaada wa shilingi milioni 25 kwa sekta za elimu na afya za mkoa wa Kusini Unguja.

Comments

Post a Comment

Popular posts from this blog

ZALIRI, FLI zaingia makubaliano kuimariusha sekta mifugo

Image
NA MWANDISHI MAALUM, WKUMM WIZARA ya Kilimo Umwagiliaji, Maliasili na Mifugo imeeleza kuwa itaendelea kushirikiana na wadau mbali mbali kupitia taasisi zake kustawisha sekta ya kilimo na ufugaji. Waziri wa wizara hiyo, Shamata Shaame Khamis alieleza hayo baada ya kushuhudia utiaji saini ya makubaliano ya ushirikiano na kiutendaji kati ya Taasisi ya Utafiti wa Mifugo Zanzibar (ZALIRI) na taasisi ya Friedrich Loeffler Institut (FLI) ya nchini Ujerumani.  Katika hafla hiyo, Mkurugenzi Mkuu wa ZARILI, Talib Saleh Suleiman alitia saini kwa niaba ya taasisi hiyo na kwa upande wa  FLI, Mkurugenzi wa Institute of International Animal/One Health, Prof. Sascha Knauf aliiwakilisha taasisi yake. Waziri Shamata  alieleza kuwa  serikali ya Ujerumani imekuwa na ushirikiano wa karibu na serikali ya Jamhuri ya Muungano wa Tanzania na Serikali ya Mapinduzi  Zanzibar katika mipango yake ya maendeleo.  Alifahamisha kuwa utiaji saini huo utaongeza ufanisi na wataalamu wa utafiti wa masuala ya mifugo lakini
Read more

Ibueni changamoto zinazokamisha usawa wa kijinsia - Simbaya

Image
NA MWANAISHA SHARIA, MOROGORO WAANDISHI wa habari wametakiwa kuendelea kuibua changamoto mbali mbali zinazowakabili wanawake ili wapate fursa za maendeleo zinazojitokeza nchini. Mkurugenzi wa Muungano wa Klabu za Waandishi wa Habari Tanzania (UTPC), Kenneth Simbaya alipokua akifungua mafunzo ya kuwajengea uwezo waandishi wa habari kuhusu kuandika habari za usawa wa kijinsia yaliyofanyika hoteli ya Flomi, mjini Morogoro. Amesema wandishi wa habari wana nguvu ya kufikisha ujumbe kwa jamii hivyo wana jukumu la kuhakikisha wanatoa elimu ya usawa wa kijinsia ili kutatua changamoto zilizopo. "Waandishi wa habari mtakapoibua kero za wanawake na kuzisemea mtaleta mabadiliko kwa wanawake hao lakini pia jamii nzima kwani kupitia kwao ukatili na ukandamizaji wanawake na watoto wa kike utaondoka”, alieleza Simbaya. Aidha Mkurugenzi huyo amewataka waandishi waliopatiwa mafunzo hayo kutumia vizuri elimu hiyo kwa kuandika habari na kuanda vipindi kuhusu usawa wa kijinsia ili kuleta mabadil
Read more

Uislam unakubali uzazi wa mpango

Image
NA MWAANDISHI MAALUM KWA muda mrefu, suala la uzazi wa mpango limekuwa na mjadala mrefu katika jamii na vyombo vya habarijuu ya kama jee ni sawa au linapingana na maelekezo ya dini ya Kiislamu? Maelezo yamekuwa mengi na yenye aina tafauti ya maelezo, lakini ukweli na uhakika ni kwamba dini ya Kiislamu haina pingamizi juu ya uzazi wa mpango kwa vile linasaidia mzazi na mtoto kuwa na afya bora. Sheikh Khamis Abdulhamid Mjumbe wa Baraza la Maulamaa Zanzibar, Sheikh Khamis Abdulhamid, amesema dini ya Kiislamu haijakataza  uzazi wa mpango ambao hauna na madhara kwa pande zote mbili. “Wakati Quran inashushwa Masahaba waliwahi kusema Quran haikutukataza kutumia njia ya mshindo (kumwanga maji ya uzazi nje) ili kupanga uzazi“, Sheikh Khamis alisemaa. Hata hivyo, aliongeza ni muhmu kwa wanawaume kujitahidi kufuatilia na kujipanga kupata elimu ili ndoa zao ziwe na furaha kwa kuweka utaratibu maalum wa kupata watoto. “Ikiwa mtu atasema ukikataa kuzaa nimekuacha basi hakika hio ni talaka ila hi
Read more