Waandishi andikeni habari zinazoepusha madhara 


NA MWAJUMA JUMA

WAANDISHI wa habari nchini wametakiwa kuongeza umakini katika utekelezaji wa majukumu yao ili kuepusha madhara kwa watu wengine.

Wito huo umetolewa na Mwenyekiti wa Klabu ya Waandishi wa Habari Zanzibar (ZPC) Abdallah Abdulrahman Mfaume, wakati akifungua mkutano wa kukusanya maoni ya kutengeneza kanuni za maadili ya uandishi wa habari na maudhui ya mitandaoni, uliofanyika katika ukumbi wa Dk. Ali Mohamed Shein, uliomo katika jengo la ZURA, Maisara Zanzibar.

Amesema katika uandishi na utangazaji wa habari kupitia vyombo habari mbali mbali, kuna haja ya kuzingatiwa kwa ustaarabu na utamaduni wa nchi badala ya kuiingiza usataarabu wa mataifa mengine sambamba na kuzihakikisha habari zinazitolewa.

“Kila nchi ina sheria na kanuni zinazosimamia maswala ya habari pamoja na yale masharti ya jumla ya kitaaluma, hivyo si vyema vyombo vyetu vikatumia kanuni za nchi nyengine na ndio maana taasisi zetu kama UTPC (Muungano wa Klabu za Habari Tanzania) zinaandaa kanuni kwa kushirikisha wadau wenyewe,” ameeleza Mfaume.

Aidha amesisitiza haja ya wanahabari hasa za mitandaoni kuepuka kutoa habari zinazowadhalilisha watu badala yake kujitahidi kupunguza madhara dhidi yaoHivyo alisema lazima wawe makini katika utoaji wa habari zao mbali mbali ili kuepusha udhalilishaji kwa wengine.

Washiriki wa mafunzo hayo walisema waandishi wa habari mwanapojiwekea miongozo na kuifuata katika kazi inasaidia na kurahisisha kazi zao za kila siku tofauti na kuwa na kutokuwa na muongozo kwa wote.

Mwandishi wa DW, Salma Said amesema pamoja na kufuatwa kwa maadili na miongozo inayotumia nchini, ipo haja ya kuzingatiwa kwa matamko na miongpozo ya kimataifa inayosimamia mwenendo wa habari nchini.

“Tukijiwekea na miongozo yetu inayosimamia maswala yetu, itaturahisishia zaidi katika kufanya kazi zetu bila ya migogoro au madhara kwetu, jamii na mamlaka zinazohusika,” amesema Salma.

Ameongeza kuwa katika mkutano huo, wamepata fursa ya kutoa maoni juu ya miongozo ambayo wanataaluma wenyewe wanataka yawemo kwenye kanuni ikiwemo kutoandika habari za kushitua ambazo zinaleta athari kwa watu wengine.

“Kimsingi mafunzo haya yalilenga kwa watu wa mitandao ya kijamii ambayo hutoa picha mbaya za kutisha hivyo katika mafunzo haya tumetoa maoni namna gani ya kuchapisha picha ambayo inatisha au haipaswi kutolewa na watu kuiona”, alisema.

Nae mwandishi, Haji Nassor kutoka mtandao wa ‘Pemba Today’ amesisistiza zaidi kufuata miongozo yao ambayo wamejiwekea na itawasaidia katika kazi zao bila ya kumuathiri mtu yeyote.

Amesema kwamba Zanzibar kumekuwa na tatizo la utoaji wa habari katika vyombo mbali mbali hasa zile za udhalilishaji ambazo huficha jina la mtoto aliyebakwa lakini hutajwa majina ya wazee wake au mahala anayoishi au kusoma.

“Kufanya hivyo humtambulisha mtoto jambo ambalo linalowafanya watoto kupata athari za kisaikolojia za muda mrefu, sambamba na kuwafanya wanyanyapaliwe na wenzao,” ameongeza.

Mapema Muwezeshaji katika mkutano huo kutoka Baraza la Habari Tanzania (MCT), Pili Mtambilike, alisema katika maandalizi ya kanuni hizo, mkazo mkubwa umewekwa kwenye mitandao ya kijamii kutokana na kuwepo kwa mwingiliano wa hali ya juu kati ya vyombo vya kawaida na vya mitandaoni.

“Tulipitia kanuni za maadili ya uandishi wa habari kwa vyombo vyote lakini tumejikita zaidi katika habari za kimtandao kutokana na kuwepo kwa muingiliano wa hali ya juu kati ya vyombo hivyo lakini hata vyombo vya kawaida vinajielekeza huko,” alisema.

Alisema wanatayarisha kanuni hizo ili kuhakikisha kwamba wanachama wao wanakuwa na miongozo ya kuwaongoza waandishi wa habari, jinsi ya kuandika habari zinazozingatia maadili na taaluma ya uandishi wa habari.

Akizungumzia mkutano huo, Katibu Mkuu wa ZPC, Mwinyimvua Nzukwi, alieleza kuwa mkutano huo ni sehemu ya utekelezaji wa mradi kukuza uhuru wa habari na upatikanaji wa taarifa unaotekelezwa kwa pamoja na Muungano wa Klabu za Waandishi wa Habari Tanzania (UTPC) na Shirika la International Media Support la Denmark (IMS), kwa ufadhili wa Umoja wa Nchi za Ulaya (EU).

Alieleza kuwa pamoja na shughuli nyengine za mradi huo, klabu za waandishi wa habari kwa kushirikiana na wadau wengine wa habari, wametakiwa kuandaa kanuni ambazo zitatumika kusimamia mwenendo wa upashanaji habari nchini.

 

Comments

Post a Comment

Popular posts from this blog

ZALIRI, FLI zaingia makubaliano kuimariusha sekta mifugo

Image
NA MWANDISHI MAALUM, WKUMM WIZARA ya Kilimo Umwagiliaji, Maliasili na Mifugo imeeleza kuwa itaendelea kushirikiana na wadau mbali mbali kupitia taasisi zake kustawisha sekta ya kilimo na ufugaji. Waziri wa wizara hiyo, Shamata Shaame Khamis alieleza hayo baada ya kushuhudia utiaji saini ya makubaliano ya ushirikiano na kiutendaji kati ya Taasisi ya Utafiti wa Mifugo Zanzibar (ZALIRI) na taasisi ya Friedrich Loeffler Institut (FLI) ya nchini Ujerumani.  Katika hafla hiyo, Mkurugenzi Mkuu wa ZARILI, Talib Saleh Suleiman alitia saini kwa niaba ya taasisi hiyo na kwa upande wa  FLI, Mkurugenzi wa Institute of International Animal/One Health, Prof. Sascha Knauf aliiwakilisha taasisi yake. Waziri Shamata  alieleza kuwa  serikali ya Ujerumani imekuwa na ushirikiano wa karibu na serikali ya Jamhuri ya Muungano wa Tanzania na Serikali ya Mapinduzi  Zanzibar katika mipango yake ya maendeleo.  Alifahamisha kuwa utiaji saini huo utaongeza ufanisi na wataalamu wa utafiti wa masuala ya mifugo lakini
Read more

Ibueni changamoto zinazokamisha usawa wa kijinsia - Simbaya

Image
NA MWANAISHA SHARIA, MOROGORO WAANDISHI wa habari wametakiwa kuendelea kuibua changamoto mbali mbali zinazowakabili wanawake ili wapate fursa za maendeleo zinazojitokeza nchini. Mkurugenzi wa Muungano wa Klabu za Waandishi wa Habari Tanzania (UTPC), Kenneth Simbaya alipokua akifungua mafunzo ya kuwajengea uwezo waandishi wa habari kuhusu kuandika habari za usawa wa kijinsia yaliyofanyika hoteli ya Flomi, mjini Morogoro. Amesema wandishi wa habari wana nguvu ya kufikisha ujumbe kwa jamii hivyo wana jukumu la kuhakikisha wanatoa elimu ya usawa wa kijinsia ili kutatua changamoto zilizopo. "Waandishi wa habari mtakapoibua kero za wanawake na kuzisemea mtaleta mabadiliko kwa wanawake hao lakini pia jamii nzima kwani kupitia kwao ukatili na ukandamizaji wanawake na watoto wa kike utaondoka”, alieleza Simbaya. Aidha Mkurugenzi huyo amewataka waandishi waliopatiwa mafunzo hayo kutumia vizuri elimu hiyo kwa kuandika habari na kuanda vipindi kuhusu usawa wa kijinsia ili kuleta mabadil
Read more

Uislam unakubali uzazi wa mpango

Image
NA MWAANDISHI MAALUM KWA muda mrefu, suala la uzazi wa mpango limekuwa na mjadala mrefu katika jamii na vyombo vya habarijuu ya kama jee ni sawa au linapingana na maelekezo ya dini ya Kiislamu? Maelezo yamekuwa mengi na yenye aina tafauti ya maelezo, lakini ukweli na uhakika ni kwamba dini ya Kiislamu haina pingamizi juu ya uzazi wa mpango kwa vile linasaidia mzazi na mtoto kuwa na afya bora. Sheikh Khamis Abdulhamid Mjumbe wa Baraza la Maulamaa Zanzibar, Sheikh Khamis Abdulhamid, amesema dini ya Kiislamu haijakataza  uzazi wa mpango ambao hauna na madhara kwa pande zote mbili. “Wakati Quran inashushwa Masahaba waliwahi kusema Quran haikutukataza kutumia njia ya mshindo (kumwanga maji ya uzazi nje) ili kupanga uzazi“, Sheikh Khamis alisemaa. Hata hivyo, aliongeza ni muhmu kwa wanawaume kujitahidi kufuatilia na kujipanga kupata elimu ili ndoa zao ziwe na furaha kwa kuweka utaratibu maalum wa kupata watoto. “Ikiwa mtu atasema ukikataa kuzaa nimekuacha basi hakika hio ni talaka ila hi
Read more