Balozi Hamza ahimiza ushirikiano sensa ya majaribio

NA MWANDISHI WETU

KAMISAA wa Sensa ya Watu na Makazi ya mwaka 2022 Zanzibar, Balozi Mohammed Haji Hamza, amewataka wananchi wa shehia ya Michungwani, wilaya ya Magharib ‘B’, kutoa ushirikiano kwa makarani wa sensa na kutoa taarifa sahihi katika sensa ya majaribio itakayofanyika baadae mwezi huu.

Akizungumza katika  mkutano na  wananchi wa eneo la Misufini, katika shehia hiyo ikiwa ni muendelezo wa ziara zake za kukutana  na viongozi wa serikali, kijamii na wananchi kwa lengo la kutoa elimu na kuhamasisha jamii juu ya ushiriki wa  zoezi hilo.

Alisema sensa ya watu na makaazi ndio njia pekee ya kupata taarifa za msingi zikiwemo za idadi ya watu na taarifa mbali mbali za upatikanaji wa huduma za jamii zitakazotumiwa na serikali na watunga sera kupanga mipango ya maendeleo ya nchi.

“Kikawaida sensa hufanyika kila baada ya miaka 10 lakini kabla ya kuingia kwenye zoezi lenyewe hufanyika majaribio mwaka mmoja kabla ili kupima hatua mbali mbali za  matayarisho ya sensa hiyo,” alieleza Balozi Hamza.

Nae Sheha wa Shehia hiyo, Fauzia Omar Mahawi, akizungumza kwa niaba ya wananchi wa shehia yake, alisema watakuwa mstari wa mbele kuhamasishana wananchi wa eneo lililoteuliwa kufanyika kwa sensa hiyo ili washiriki kuwawakilisha wananchi wa vshehia nzima.

Alisema ili kuona kila mtu kwenye shehia anahesabiwa kwa lengo la kufanikisha zoezi hilo, kamati ya shehia imejipanga kutoa kila aina ya ushirikiano kwa makarani walioteuliwa pindi watakapofika katika shehia hiyo. 

Zoezi la sensa ya watu na makazi ya majaribio linatarajiwa kufanyika usiku wa Septemba 10 kuamkia 11, mwaka huu, ambapo maeneo mbali mbali yametengwa kufanyika kwa majaribio hayo ikiwa ni sehemu ya maandalizi ya sensa itakayofanyika mwakani ambayo ni ya sita kufanyika tangu kuasisiwa kwa Jamhuri ya Muungano wa Tanzania.


Baadhi ya wananchi wa shehia ya Michungwani wakiwa kwenye mkutano wa uhamasishaji wa sensa ya majaribio itakayofanyika baadae mwezi huu.

Comments

Post a Comment

Popular posts from this blog

ZAMECO yakerwa na video ya udhalilishaji mtandaoni

Image
NA MWANDISHI WETU KAMATI ya Wataalamu wa Masuala ya Habari Zanzibar (ZAMECO) inayoundwa na taasisi za kihabari na wadau wa habari imelaani video inayosambaa kwenye mitandao ya kijamii inayoonesha wasichana wawili waliorekodiwa na kuulizwa maswali yasiyo na maadili, kuvunja heshima na kukiuka haki za binaadamu. Taarifa iliyotolewa na taasisi hizo na kutiwa saini kwa pamoja na mwenyekiti wa klabu ya waandishi wa Habari Zanzibar (ZPC), Abdallah Mfaume na Mkurugenzi wa Chama cha Waandishi wa Habari Wanawake Tanzania (TAMWA ZNZ), Dk. Mzuri Issa, ilieleza kuwa tukio hili limeibua hisia kali kwa wadau wa habari, watetezi wa haki za binaadamu najamii kwa ujumla. Ilielezwa kuwa tukio hilo pia limeibua maswali yasiyo na majibu miongoni mwa wanahabari kuhusu maadili, haki za binadamu, na misingi ya uhuru wa vyombo vya habari. “Hivyo basi ZAMECO inasisitiza kuwa vitendo vya udhalilishaji kwa watoto wa kike na jamii ni ukiukwaji wa haki za binaadamu, maadili ya uandishi wa habari na kuvuruga ...
Read more
Image
  Skuli ya Upendo yapongezwa kutoa mwanafuzi bora kitaifa Yatoa wanafunzi watatu bora kitaifa mitihani STD 4, Veronica Mwendesha ashika nafasi ya kwanza Zanzibar NA MWINYIMVUA NZUKWI VIONGOZI wa jimbo la Bububu, wilaya ya Magharibi ‘A’, Unguja, wameeleza kuwa wataendelea kutoa kipaumbele kwa maendeleo ya jamii ikiwemo elimu ili kupata taifa linalojitegemea kwa wataalamu. Kauli hiyo imetolewa na Diwani wa wadi ya Dole, Juma Wiliam Sungwa, kwa niaba ya Mwakilishi wa jimbo hilo Mudrik Ramadhan Soraga, katika hafla ya kuwapongeza wanafunzi wa skuli ya maandalizi na msingi, Upendo iliyopo shehia ya Kizimbani Unguja, iliyotoa mwanafunzi bora kitaifa katika mitihani ya darasa la nne iliyofanyika mwaka uliopita Zanzibar. Alisema mafaniko ya skuli hiyo kutoa wanafunzi watatu katika nafasi tano za juu kitaifa katika mitihani hiyo ni ya kupongezwa na inapaswa kuungwa mkono na kila mmoja miongoni mwa wananchi wa jimbo hilo. Alifafanua kuwa licha ya kuwa skuli hiyo kumilikiwa na ...
Read more

Airtel Foundation yazindua mpango wa udhamini wa masomo kwa vijana

Image
NA MWANDISHI WETU KAMPUNI ya mawasiliano ya Aiirtel Tanzania imezindua mpango wa udhamini wa masomo katika fani za teknolojia kwa vijana wa Afrika wanaosoma katika taasisi ya teknolojia ya india (IIT – Madras) kampasi ya Zanzibar. Uzinduzi huo umefanyika Oktoba 7, 2024 katika kampasi ya chuo hicho Bweleo, wilaya ya Magharibi ‘B’ Unguja na kuhudhuriwa na viongozi mbali mbali akiwemo Mkurugenzi Mtendaji wa Airtel Tanzania, Dk. Dinesh Balsingh na Waziri wa Elimu na Mafunzo ya Amali Zanzibar, Lela Muhamed Mussa. Viongozi wengine ni Naibu Waziri wa Elimu, Sayansi na Teknolojia Jamhuri ya Muungano wa Tanzania, Omar Kipanga, Balozi wa India nchini Tanzania, Dk. Biswadip Dey, Katibu Mkuu, Wizara ya Ujenzi, Mawasiliano na Uchukuzi, Makame Machano Haji na Mkuruaenzi wa IITMZ Prof. Preeti Aghalayam. Akizungumza kwa niaba ya Mwenyekiti wa Airtel Africa, Dk. Segun Ogunsanya,   Dk. Dinesh amesema programu hiyo inahusisha wanafunzi wa Afrika walofaulu michipuo ya sayansi na kwamba kila mwak...
Read more