BASFU yafanya msako wanaokiuka sheria

NA MWANDISHI WETU

KATIKA kukabiliana na changamoto ya ukiukwaji wa maadili na sheria inayohusiana na upigaji wa muziki, Baraza la Sanaa, Sensa, Filamu na Utamaduni (BASFU), limefanya ukaguzi wa kushitukiza na kubaini uwepo wa kumbi za starehe na baa zinazopiga muziki bila kuwa na leseni ya kufanya hivyo.

Ukaguzi huo uliofanyika usiku wa kuamkia Septemba 11, 2021 katika maeneo mbali mbali ya shehia za Nungwi, mkoa wa Kaskazini Unguja, ulibaini uwepo wa maeneo na waendesha shughuli za muziki wanaofanya shughuli hiyo kinyume na sheria.

Akizungumza baada ya ukaguzi huo, mrajisi wabaraza hilo, Juma Chum Juma, alieleza kuwa kufanya hivyo ni kinyume na sheria namba 7 ya mwaka 2013 inayotoa maelekezo namna ya kuendesha shughuli hizo.

“Kwa mujibu wa sheria ya baraza, sehemu zote za burudani, biashara na maeneo ya umma yanakazwa kupiga muziki na shughuli nyengine za burudani bila ya kuwa na leseni,” alieleza Juma.

Aliongeza kuwa hatua hiyo imelenga kuimarisha ustawi wa jamii lakini pia kutoa utulivu kwa wakaazi wa maeneo ya biashara jambo ambalo limekiukwa na wafanyabiashara hao.

Alifafanua kuwa katika maeneo 20 waliyoyakagua usiku huo, maeneo saba pekee ndiyo yaliyokuwa na leseni zilizo hai na maeneo 13 leseni zao zilikuwa zimepitwa na muda.

“… hata hawa ambao leseni zao zilikuwa ndani ya muda, bado tumewakuta na makosa ya kukiuka masharti ya leseni yakiwemo ya kupitisha muda uliowekwa lakini pia kupiga muziki kwa sauti ya juu na kuwa kero kwa wananchi,” alisema Juma.

Akizungumzia zoezi hilo, Katibu wa sheha wa shehia ya Nungwi Banda kuu, Khamis Kibata Mussa, alieleza kuwa kumekuwa na ukiukwaji mkubwa wa maadili katika maeneo hayo kunakosababisjhwa na upigaji wa muziki bila kufuata taratibu zilizowekwa.

“Baa nyingi hapa zinapiga muziki kwa sauti ya juu lakini wakati mwengine hadi alfajiri badala ya saa sita usiku jambo ambalo ni kero kwa wenyeji na wageni,” alieleza Kibata.

Nae meneja wa MT Inn Villa, Yussuf Benela, ambae alikutwa akiwa hana leseni ya kuendeshea biashara ya muziki na burudani, alieleza kuwa hakuwa na uelewa kama alitakiwa kuwa na leseni hiyo mbali ya leseni ya biashara.

“Kwa kweli ndio mara ya kwanza kusikia kama nilikuwa tunatakiwa kuwa na leseni ya kupiga mzii ingawa sisi hapa huweka muziki kwa ajili ya wateja wetu,” alieleza Benela.

Nae meneja wa baa ya Cobra Chill, Anna Marendu, alikiri kuendesha shughuli hizo na kuahidi kufuata maelekezo aliyopatiwa.

“Hapa hatupigi muziki ila leo kulikuwa na sherehe ya kuzaliwa ya mteja wetu lakini tuliikharisha, naomba tupewe e;limu zaidi,” alieleza meneja huyo.

Katika operesheni hiyo iliyohusisha wajumbe wa kamati ya ulinzi ya baadhi ya shehia za Nungwi, jeshi la polisi na watendaji wa baraza hilo, Mrajis alliyafungia maeneo yote hayo pamoja na kuwataka wamiliki wake kufika katika ofisi za baraza hilo kuanzia leo ili kurekebisha kasoro zilizobainishwa.

Comments

Post a Comment

Popular posts from this blog

ZAMECO yakerwa na video ya udhalilishaji mtandaoni

Image
NA MWANDISHI WETU KAMATI ya Wataalamu wa Masuala ya Habari Zanzibar (ZAMECO) inayoundwa na taasisi za kihabari na wadau wa habari imelaani video inayosambaa kwenye mitandao ya kijamii inayoonesha wasichana wawili waliorekodiwa na kuulizwa maswali yasiyo na maadili, kuvunja heshima na kukiuka haki za binaadamu. Taarifa iliyotolewa na taasisi hizo na kutiwa saini kwa pamoja na mwenyekiti wa klabu ya waandishi wa Habari Zanzibar (ZPC), Abdallah Mfaume na Mkurugenzi wa Chama cha Waandishi wa Habari Wanawake Tanzania (TAMWA ZNZ), Dk. Mzuri Issa, ilieleza kuwa tukio hili limeibua hisia kali kwa wadau wa habari, watetezi wa haki za binaadamu najamii kwa ujumla. Ilielezwa kuwa tukio hilo pia limeibua maswali yasiyo na majibu miongoni mwa wanahabari kuhusu maadili, haki za binadamu, na misingi ya uhuru wa vyombo vya habari. “Hivyo basi ZAMECO inasisitiza kuwa vitendo vya udhalilishaji kwa watoto wa kike na jamii ni ukiukwaji wa haki za binaadamu, maadili ya uandishi wa habari na kuvuruga ...
Read more
Image
  Skuli ya Upendo yapongezwa kutoa mwanafuzi bora kitaifa Yatoa wanafunzi watatu bora kitaifa mitihani STD 4, Veronica Mwendesha ashika nafasi ya kwanza Zanzibar NA MWINYIMVUA NZUKWI VIONGOZI wa jimbo la Bububu, wilaya ya Magharibi ‘A’, Unguja, wameeleza kuwa wataendelea kutoa kipaumbele kwa maendeleo ya jamii ikiwemo elimu ili kupata taifa linalojitegemea kwa wataalamu. Kauli hiyo imetolewa na Diwani wa wadi ya Dole, Juma Wiliam Sungwa, kwa niaba ya Mwakilishi wa jimbo hilo Mudrik Ramadhan Soraga, katika hafla ya kuwapongeza wanafunzi wa skuli ya maandalizi na msingi, Upendo iliyopo shehia ya Kizimbani Unguja, iliyotoa mwanafunzi bora kitaifa katika mitihani ya darasa la nne iliyofanyika mwaka uliopita Zanzibar. Alisema mafaniko ya skuli hiyo kutoa wanafunzi watatu katika nafasi tano za juu kitaifa katika mitihani hiyo ni ya kupongezwa na inapaswa kuungwa mkono na kila mmoja miongoni mwa wananchi wa jimbo hilo. Alifafanua kuwa licha ya kuwa skuli hiyo kumilikiwa na ...
Read more

Airtel Foundation yazindua mpango wa udhamini wa masomo kwa vijana

Image
NA MWANDISHI WETU KAMPUNI ya mawasiliano ya Aiirtel Tanzania imezindua mpango wa udhamini wa masomo katika fani za teknolojia kwa vijana wa Afrika wanaosoma katika taasisi ya teknolojia ya india (IIT – Madras) kampasi ya Zanzibar. Uzinduzi huo umefanyika Oktoba 7, 2024 katika kampasi ya chuo hicho Bweleo, wilaya ya Magharibi ‘B’ Unguja na kuhudhuriwa na viongozi mbali mbali akiwemo Mkurugenzi Mtendaji wa Airtel Tanzania, Dk. Dinesh Balsingh na Waziri wa Elimu na Mafunzo ya Amali Zanzibar, Lela Muhamed Mussa. Viongozi wengine ni Naibu Waziri wa Elimu, Sayansi na Teknolojia Jamhuri ya Muungano wa Tanzania, Omar Kipanga, Balozi wa India nchini Tanzania, Dk. Biswadip Dey, Katibu Mkuu, Wizara ya Ujenzi, Mawasiliano na Uchukuzi, Makame Machano Haji na Mkuruaenzi wa IITMZ Prof. Preeti Aghalayam. Akizungumza kwa niaba ya Mwenyekiti wa Airtel Africa, Dk. Segun Ogunsanya,   Dk. Dinesh amesema programu hiyo inahusisha wanafunzi wa Afrika walofaulu michipuo ya sayansi na kwamba kila mwak...
Read more