Sandra Nankomah, Lily Kadima kushiriki ‘Mashariki Music Festival’

NA MWANDISHI WETU

WASANII Sandra Nankomah na Lily Kadima kutoka Uganda wametajwa kuwa ni miongoni mwa wasanii watakaoshiriki tamasha la muziki la ‘Mashariki Festival’, linalotarajiwa kufanyika Zanzibar baadae mwezi ujao.

Akizungumza na waandishi wa habari, Mratibu wa tamasha hilo, John Kagaruki,alieleza kuwa tamasha hilo linafanyika kwa lengo la kupata fedha ziitakazosaidia maendeleo ya Chuo cha Muziki cha Nchi za Majahazi (DCMA).

Mratibu wa tamasha 'Mashariki Music Festival' John Kagaruki (katikati) akiwa na Mtendaji Mkuu wa kampuni ya CPS Ltd, Tobias Dietzold (kushoto) na mtendaji wa chuo cha DCMA, Halda Alkanaan.

Kagaruki alieleza kuwa, pamoja na wasanii hao, pia wasanii kutoka Kenya, Tanzania bara na Zanzibar wakiwemo wahitimu wa chuo hicho watafanya maonesho ya muziki na kazi nyengine za sanaa.

Aliwataja wasanii na vikundi vitakavyotumbuiza kuwa ni Fadhilee Itulya na Makadem kutoka Kenya, Msafiri Zawope na Mopao Swahili Jazz kutoka Tanzania bara wakati Zanzibar ikiwakilishwa na vikundi vya Siti and the band na Tara Jazz.

Alieleza kuwa mbali ya shughuli za muziki na burudani, tamasha hilo pia litaenda sambamba na maonesho ya bidhaa za kilimo zinazofanywa na wajasiriamali wa Zanzibar.

“Tamasha pia litahusisha soko la bidhaa lijulikanalo kama ‘Kwetu Kwao’ ambalo kikawaida hufanyika kila Jumamosi ya kwanza ya mwezi huko Nyamanzi katika eneo la ujenzi wa Fumba Town,” alieleza mratbu huyo.

Aidha Kagaruki aliishukuru kampuni ya CPS Ltd kwa kudhamini tamasha hilo na kuwaomba wadau wengine kufanya hivyo ili kufanikisha tamasha.

“Kwa kiasi kikubwa CPS wamechangia kuwepo kwa tamasha hili ambalo linaratibiwa na chuo lakini wasanii watakaoshiriki walikubalii kuchangia ikiwa ni pampoja na kukubali malipo sawa,” alieleza.

Akizungumzia sababu za kudhamini tamasha hilo, Afisa Mtendaji wa kampuni ya CPS, Tobias Dietzold, alieleza kuwa imetokana na azma ya kampuni hiyo kuendeleza utamaduni wa Zanzibar na watu wake.

“Wakati wote kampuni yetu ipo mstari wa mbele kusaidia watu kudumisha na kuendeleza utamaduni wao na ndio maana hatukusita kutoa mchango wetu japo ni mdogo,” alieleza Tobias.

Tamasha hilo linalotarajiwa kufanyia Oktoba 2 na 3, mwaka huu Ngome Kongwe, linakuwa tamasha la kwanza kuandaliwa na DCMA kwa kushirikisha wasanii wa ndani na nje ya Zanzibar ikiwa ni sehemu ya njia za kukusanya fedha za maendeleo ya chuo hicho kilichoanzishwa mwaka 2020.

Comments

Post a Comment

Popular posts from this blog

ZAMECO yakerwa na video ya udhalilishaji mtandaoni

Image
NA MWANDISHI WETU KAMATI ya Wataalamu wa Masuala ya Habari Zanzibar (ZAMECO) inayoundwa na taasisi za kihabari na wadau wa habari imelaani video inayosambaa kwenye mitandao ya kijamii inayoonesha wasichana wawili waliorekodiwa na kuulizwa maswali yasiyo na maadili, kuvunja heshima na kukiuka haki za binaadamu. Taarifa iliyotolewa na taasisi hizo na kutiwa saini kwa pamoja na mwenyekiti wa klabu ya waandishi wa Habari Zanzibar (ZPC), Abdallah Mfaume na Mkurugenzi wa Chama cha Waandishi wa Habari Wanawake Tanzania (TAMWA ZNZ), Dk. Mzuri Issa, ilieleza kuwa tukio hili limeibua hisia kali kwa wadau wa habari, watetezi wa haki za binaadamu najamii kwa ujumla. Ilielezwa kuwa tukio hilo pia limeibua maswali yasiyo na majibu miongoni mwa wanahabari kuhusu maadili, haki za binadamu, na misingi ya uhuru wa vyombo vya habari. “Hivyo basi ZAMECO inasisitiza kuwa vitendo vya udhalilishaji kwa watoto wa kike na jamii ni ukiukwaji wa haki za binaadamu, maadili ya uandishi wa habari na kuvuruga ...
Read more
Image
  Skuli ya Upendo yapongezwa kutoa mwanafuzi bora kitaifa Yatoa wanafunzi watatu bora kitaifa mitihani STD 4, Veronica Mwendesha ashika nafasi ya kwanza Zanzibar NA MWINYIMVUA NZUKWI VIONGOZI wa jimbo la Bububu, wilaya ya Magharibi ‘A’, Unguja, wameeleza kuwa wataendelea kutoa kipaumbele kwa maendeleo ya jamii ikiwemo elimu ili kupata taifa linalojitegemea kwa wataalamu. Kauli hiyo imetolewa na Diwani wa wadi ya Dole, Juma Wiliam Sungwa, kwa niaba ya Mwakilishi wa jimbo hilo Mudrik Ramadhan Soraga, katika hafla ya kuwapongeza wanafunzi wa skuli ya maandalizi na msingi, Upendo iliyopo shehia ya Kizimbani Unguja, iliyotoa mwanafunzi bora kitaifa katika mitihani ya darasa la nne iliyofanyika mwaka uliopita Zanzibar. Alisema mafaniko ya skuli hiyo kutoa wanafunzi watatu katika nafasi tano za juu kitaifa katika mitihani hiyo ni ya kupongezwa na inapaswa kuungwa mkono na kila mmoja miongoni mwa wananchi wa jimbo hilo. Alifafanua kuwa licha ya kuwa skuli hiyo kumilikiwa na ...
Read more

Airtel Foundation yazindua mpango wa udhamini wa masomo kwa vijana

Image
NA MWANDISHI WETU KAMPUNI ya mawasiliano ya Aiirtel Tanzania imezindua mpango wa udhamini wa masomo katika fani za teknolojia kwa vijana wa Afrika wanaosoma katika taasisi ya teknolojia ya india (IIT – Madras) kampasi ya Zanzibar. Uzinduzi huo umefanyika Oktoba 7, 2024 katika kampasi ya chuo hicho Bweleo, wilaya ya Magharibi ‘B’ Unguja na kuhudhuriwa na viongozi mbali mbali akiwemo Mkurugenzi Mtendaji wa Airtel Tanzania, Dk. Dinesh Balsingh na Waziri wa Elimu na Mafunzo ya Amali Zanzibar, Lela Muhamed Mussa. Viongozi wengine ni Naibu Waziri wa Elimu, Sayansi na Teknolojia Jamhuri ya Muungano wa Tanzania, Omar Kipanga, Balozi wa India nchini Tanzania, Dk. Biswadip Dey, Katibu Mkuu, Wizara ya Ujenzi, Mawasiliano na Uchukuzi, Makame Machano Haji na Mkuruaenzi wa IITMZ Prof. Preeti Aghalayam. Akizungumza kwa niaba ya Mwenyekiti wa Airtel Africa, Dk. Segun Ogunsanya,   Dk. Dinesh amesema programu hiyo inahusisha wanafunzi wa Afrika walofaulu michipuo ya sayansi na kwamba kila mwak...
Read more