Vyombo vya habari vyatakiwa kuzipa kipaumbele habari za viongozi wanawake

NA MWINYIMVUA NZUKWI

VYOMBO vya habari vimetakiwa kuongeza jitihada za kuwahamasisha wanawake kujiandaa kuwania nafasi za uongozi ili kutimiza azma ya serikali ya kuwa na uwakilishi sawa baina ya wanawake na wanaume kwenye vyombo vya maamuzi.

Wito huo umetolewa na Mtafiti wa maswala ya habari na mawasiloiano, Dk. Aboubakar  Rajab (pichani), alipokuwa akiwasilisha matokeo ya utafiti kuhusu habari zinazowahusu wanawake viongozi, katika ofisi za Chama cha Wanahabari Wanawake Tanzania (TAMWA – Zanzibar), Tunguu, wilaya ya Kati Unguja.

Alieleza kuwa katika kipindi cha mwezi novemba na disemba 2020, vyombo vya habari viliripoti kwa uchache habari za viongozi wanawake ikilinganishwa na viongozi wanaume jambo linanoibua hisia za upendeleo.

Alisema ili kurekebisha hali hiyo, vyombo vya habari vinapaswa kuwa na mikakati madhubuti ya kuwajengea uwezo wanawake kuwa viongozi kwa kueleza mafanikio na changamoto zinazowakabili.

Alieleza kuwa utafiti huo ulihusiasha magazeti ya Zanzibar leo, Mwananchi, televisheni ya Shirika la Utangazaji Zanzibar (ZBC TV), Zanzibar cable (ZCTV) na mitandao ya kijamii ya pemba today na ktv, vyote viliripoti kwa chini ya asilimia 50 ya hyabari na vipindi vilivyohusisha wanawake ikilinganishwa na wanaume.

“Kwa mfano katika kipindi cha utafiti, tumegundua kuwa ni asilimia 14 pekee ya habari zilizochapishwa katika gazeti la Zanzibar leo zilizohusiusha viongozi wanawake wakati gazeti la mwanachi halikuwa na habari za wanasiasa wanawake wa Zanzibar,” alieleza Dk. Aboubakar.

Aliongeza kuwa hali kama hiyo imehitokeza katika vyombo vyengine huku habari kuhusu wanawake viongozi zikipewa uzito mdogo.

“Najua kuna mambo mengi yanayochangia hili lakini kama wataalamu tunapaswa kuchukua hatua na kuwashawishi wakuu wa vyombo vyetu kutoa uzito sawa kwa habari zinazowahusu wanawake na wanaume ili kuwa na uwiano unaolingana,” alisema.

Awali akifungua mkutano huo ulioshirikisha waandishi na wahariri wa habari, Mkurugenzi wa TAMWA Zanzibar, Dk. Mzuri Issa Ali, alieleza kuwa utafiti huo umelenga kuonesha namna vyombo vya habari vinavyomuangalia mwanamke.

Alisema matokeo ya utafiti huo yakitumia vizuri, yataimarisha utekelezaji wa kazi za vyombo hivyo lakini pia kutanua wigo wa utoaji na upatoikanaji wa habari zinazowahusu wanawake kupitia vyombo vya habari.

Aliongeza kuwa utafiti huo ni utekelezaji wa mradi wa ushirikishaji wanawake katika uongozi ambao unalenga kuwashajihisha wanawake kusimama na kuwania nafasi za uongozi katika uchaguzi mkuu ujao kupitia vyama vyao.

“Ili kuongeza idadi ya wanawake wanaokwenda kugombea nafasi katika majimbo na kushinda ni lazima kuwajengea uwezo hivi sasa lakini kupitia vyombo vya habari tunaweza kwenda mbali zaidi ya kwenye nafasi hizi za kisiasa,” alieleza Dk. Mzuri.

Nao baadhi ya washiriki wa mkutano huo, waliahidi kutumia matokeo ya utafiti huo kubadilisha mwenendo wa utoaji wa habari kwenye vyombo vyao ili kufanikisha malengo ya usawa wa kijinsia.

Walieleza kuwa pamoja na utayari wa vyombo hivyo bado kuna changamoto ya utayari wa baadhi ya viongozi wanawake kutumia vyombvo vya habari hasa redia na televisheni.

Walieleza kuwa hali hiyo inatokana na woga na kasumba inayoshinikizwa na uwepo wa mfumo dume uliotamalaki kwa muda mrefu katika jamii.

Mradi wa kuwajengea uwezo na ushawishi wanawake kuwania nafasi za uongozi unatekelezwa kwa pamoja kati ya TAMWA Zanzibar, Chama cha Wanasheria Wanawake Zanzibar (ZAFELA) na Jumuiya ya Utetezi wa Kijinsia na Mazingira Pemba (PEGAO) kwa ufadhili wa Ubalozi wa Norway nchini Tanzania.

 

 

Comments

Post a Comment

Popular posts from this blog

ZAMECO yakerwa na video ya udhalilishaji mtandaoni

Image
NA MWANDISHI WETU KAMATI ya Wataalamu wa Masuala ya Habari Zanzibar (ZAMECO) inayoundwa na taasisi za kihabari na wadau wa habari imelaani video inayosambaa kwenye mitandao ya kijamii inayoonesha wasichana wawili waliorekodiwa na kuulizwa maswali yasiyo na maadili, kuvunja heshima na kukiuka haki za binaadamu. Taarifa iliyotolewa na taasisi hizo na kutiwa saini kwa pamoja na mwenyekiti wa klabu ya waandishi wa Habari Zanzibar (ZPC), Abdallah Mfaume na Mkurugenzi wa Chama cha Waandishi wa Habari Wanawake Tanzania (TAMWA ZNZ), Dk. Mzuri Issa, ilieleza kuwa tukio hili limeibua hisia kali kwa wadau wa habari, watetezi wa haki za binaadamu najamii kwa ujumla. Ilielezwa kuwa tukio hilo pia limeibua maswali yasiyo na majibu miongoni mwa wanahabari kuhusu maadili, haki za binadamu, na misingi ya uhuru wa vyombo vya habari. “Hivyo basi ZAMECO inasisitiza kuwa vitendo vya udhalilishaji kwa watoto wa kike na jamii ni ukiukwaji wa haki za binaadamu, maadili ya uandishi wa habari na kuvuruga ...
Read more
Image
  Skuli ya Upendo yapongezwa kutoa mwanafuzi bora kitaifa Yatoa wanafunzi watatu bora kitaifa mitihani STD 4, Veronica Mwendesha ashika nafasi ya kwanza Zanzibar NA MWINYIMVUA NZUKWI VIONGOZI wa jimbo la Bububu, wilaya ya Magharibi ‘A’, Unguja, wameeleza kuwa wataendelea kutoa kipaumbele kwa maendeleo ya jamii ikiwemo elimu ili kupata taifa linalojitegemea kwa wataalamu. Kauli hiyo imetolewa na Diwani wa wadi ya Dole, Juma Wiliam Sungwa, kwa niaba ya Mwakilishi wa jimbo hilo Mudrik Ramadhan Soraga, katika hafla ya kuwapongeza wanafunzi wa skuli ya maandalizi na msingi, Upendo iliyopo shehia ya Kizimbani Unguja, iliyotoa mwanafunzi bora kitaifa katika mitihani ya darasa la nne iliyofanyika mwaka uliopita Zanzibar. Alisema mafaniko ya skuli hiyo kutoa wanafunzi watatu katika nafasi tano za juu kitaifa katika mitihani hiyo ni ya kupongezwa na inapaswa kuungwa mkono na kila mmoja miongoni mwa wananchi wa jimbo hilo. Alifafanua kuwa licha ya kuwa skuli hiyo kumilikiwa na ...
Read more

Airtel Foundation yazindua mpango wa udhamini wa masomo kwa vijana

Image
NA MWANDISHI WETU KAMPUNI ya mawasiliano ya Aiirtel Tanzania imezindua mpango wa udhamini wa masomo katika fani za teknolojia kwa vijana wa Afrika wanaosoma katika taasisi ya teknolojia ya india (IIT – Madras) kampasi ya Zanzibar. Uzinduzi huo umefanyika Oktoba 7, 2024 katika kampasi ya chuo hicho Bweleo, wilaya ya Magharibi ‘B’ Unguja na kuhudhuriwa na viongozi mbali mbali akiwemo Mkurugenzi Mtendaji wa Airtel Tanzania, Dk. Dinesh Balsingh na Waziri wa Elimu na Mafunzo ya Amali Zanzibar, Lela Muhamed Mussa. Viongozi wengine ni Naibu Waziri wa Elimu, Sayansi na Teknolojia Jamhuri ya Muungano wa Tanzania, Omar Kipanga, Balozi wa India nchini Tanzania, Dk. Biswadip Dey, Katibu Mkuu, Wizara ya Ujenzi, Mawasiliano na Uchukuzi, Makame Machano Haji na Mkuruaenzi wa IITMZ Prof. Preeti Aghalayam. Akizungumza kwa niaba ya Mwenyekiti wa Airtel Africa, Dk. Segun Ogunsanya,   Dk. Dinesh amesema programu hiyo inahusisha wanafunzi wa Afrika walofaulu michipuo ya sayansi na kwamba kila mwak...
Read more