Samia awaapisha mawaziri, wajumbe NEC

  • LAwataka kuzingatia weledi, uwajibikaji

NA MWANDISHI WETU, DAR ES SALAM
RAIS wa Jamhuri ya Muungano wa Tanzania, Samia Suluhu Hassan, amewaapisha viongozi mbali mbali aliowateua hivi karibuni na kuwataka kuzingatia weledi katika utekelezaji wa majukumu yao.

Katika hafla hiyo iliyofanyika katika ikulu ya Dar es salam, Rais Samia amewaapisha viongozi wa Tume ya Taifa ya Uchaguzi (NEC) pamoja na viongozi walioteuliwa kushika nafasi katika wizara ya habari na kuwaomba watekeleze majukumu yao kwa ufanisi.

Alisema uteuzi viongozi hao utaleta uwajibikaji mzuri hasa katika  sekta ya habari kwa vile hivi sasa inakwenda kwenye mabadiko ya kukuza matumizi ya teknologia.

Aidha aliwataka viongozi hao kuzingatia uwajibikaji na kusimamia utendaji kwenye maeneo yao ya kazi ili Tanzania ipige hatua za maendeleo kwa kasi zaidi.

Akizungumza wakati wa hafla hiyo, Makamu wa Rais Dk. Isdori Mpango alisema imeonekana somo la aina ya uongozi anaoutaka Rais Samia halijaeleweka na Mawaziri na Makatibu wao na Mkatibu wakuu na Manaibu wake, kwani baadhi yao wanaendeleza mivutana ya kiutendaji.

Alisema hali hiyo haipendezi kuendelezwa na kuwaonya viongozi wenye tabia hiyo kuacha mara moja kwa kuwa Rais alishaonya hatolumbana na mtendaji yoyote ila atatumia kalamu yake kuchukua maamuzi.

Kutokana na hilo Makamu Mpango amesema akiwa yeye ndio msaidizi mkuu wa Rais anawaonya watendaji wenye tabia hiyo kwani hatoachia hali hiyo kuendelea kutokea.

Nae Waziri Mkuu, Kassim Majaliwa, alimpongeza Rais Samia kwa jitihada zake anazozifanya kwani kuna miradi mingi anayoitekeleza katika sekta mbali mbali ikiwemo ya michezo kwani imeonekana kufanya vizuri hivi sasa ndani  na nje ya nchi.

Alisema katika utekelezaji wa kazi za NEC, serikali haina wasiwasi kwani inafanya kazi kwa kuzingatia sheria na taratibu ziliopo na kuahidi kuendelea kushirikiana nayo.

Akizungumza Naibu Spika wa Bunge la Jamhuri, Dk. Tulia Akson, aliwata viongozi wa Tume ya Uchaguzi kufanya matayarisho ya uchaguzi mapema, badala kusubiri uchaguzi ufike, jambo ambalo wanasiasa wanatumia kuilalamikia tume ya uchaguzi  kutowatendea haki.

Katika hafla hiyo, Rais Samia alimuapisha Innocent Lugha Bashungwa kuwa Waziri wa Utamaduni, Sanaa na Michezo, Pauline Philipo Gekul  kuwa Naibu Waziri wa wizara hiyo na Mhandishi Kundo Endrea Mathew kuwa Naibu Waziri wa Habari, Mawasiliano na Teknolojia ya Habari na Wajumbe wa Tume ya Taifa ya Uchaguzi (NEC) Jaji Jacob Casthom Mwatembela Mwambengele, Magdalena Kamugisha Rwebangira, Asina Abdallah Omar .

Comments

Post a Comment

Popular posts from this blog

ZALIRI, FLI zaingia makubaliano kuimariusha sekta mifugo

Image
NA MWANDISHI MAALUM, WKUMM WIZARA ya Kilimo Umwagiliaji, Maliasili na Mifugo imeeleza kuwa itaendelea kushirikiana na wadau mbali mbali kupitia taasisi zake kustawisha sekta ya kilimo na ufugaji. Waziri wa wizara hiyo, Shamata Shaame Khamis alieleza hayo baada ya kushuhudia utiaji saini ya makubaliano ya ushirikiano na kiutendaji kati ya Taasisi ya Utafiti wa Mifugo Zanzibar (ZALIRI) na taasisi ya Friedrich Loeffler Institut (FLI) ya nchini Ujerumani.  Katika hafla hiyo, Mkurugenzi Mkuu wa ZARILI, Talib Saleh Suleiman alitia saini kwa niaba ya taasisi hiyo na kwa upande wa  FLI, Mkurugenzi wa Institute of International Animal/One Health, Prof. Sascha Knauf aliiwakilisha taasisi yake. Waziri Shamata  alieleza kuwa  serikali ya Ujerumani imekuwa na ushirikiano wa karibu na serikali ya Jamhuri ya Muungano wa Tanzania na Serikali ya Mapinduzi  Zanzibar katika mipango yake ya maendeleo.  Alifahamisha kuwa utiaji saini huo utaongeza ufanisi na wataalamu wa utafiti wa masuala ya mifugo lakini
Read more

Ibueni changamoto zinazokamisha usawa wa kijinsia - Simbaya

Image
NA MWANAISHA SHARIA, MOROGORO WAANDISHI wa habari wametakiwa kuendelea kuibua changamoto mbali mbali zinazowakabili wanawake ili wapate fursa za maendeleo zinazojitokeza nchini. Mkurugenzi wa Muungano wa Klabu za Waandishi wa Habari Tanzania (UTPC), Kenneth Simbaya alipokua akifungua mafunzo ya kuwajengea uwezo waandishi wa habari kuhusu kuandika habari za usawa wa kijinsia yaliyofanyika hoteli ya Flomi, mjini Morogoro. Amesema wandishi wa habari wana nguvu ya kufikisha ujumbe kwa jamii hivyo wana jukumu la kuhakikisha wanatoa elimu ya usawa wa kijinsia ili kutatua changamoto zilizopo. "Waandishi wa habari mtakapoibua kero za wanawake na kuzisemea mtaleta mabadiliko kwa wanawake hao lakini pia jamii nzima kwani kupitia kwao ukatili na ukandamizaji wanawake na watoto wa kike utaondoka”, alieleza Simbaya. Aidha Mkurugenzi huyo amewataka waandishi waliopatiwa mafunzo hayo kutumia vizuri elimu hiyo kwa kuandika habari na kuanda vipindi kuhusu usawa wa kijinsia ili kuleta mabadil
Read more

Uislam unakubali uzazi wa mpango

Image
NA MWAANDISHI MAALUM KWA muda mrefu, suala la uzazi wa mpango limekuwa na mjadala mrefu katika jamii na vyombo vya habarijuu ya kama jee ni sawa au linapingana na maelekezo ya dini ya Kiislamu? Maelezo yamekuwa mengi na yenye aina tafauti ya maelezo, lakini ukweli na uhakika ni kwamba dini ya Kiislamu haina pingamizi juu ya uzazi wa mpango kwa vile linasaidia mzazi na mtoto kuwa na afya bora. Sheikh Khamis Abdulhamid Mjumbe wa Baraza la Maulamaa Zanzibar, Sheikh Khamis Abdulhamid, amesema dini ya Kiislamu haijakataza  uzazi wa mpango ambao hauna na madhara kwa pande zote mbili. “Wakati Quran inashushwa Masahaba waliwahi kusema Quran haikutukataza kutumia njia ya mshindo (kumwanga maji ya uzazi nje) ili kupanga uzazi“, Sheikh Khamis alisemaa. Hata hivyo, aliongeza ni muhmu kwa wanawaume kujitahidi kufuatilia na kujipanga kupata elimu ili ndoa zao ziwe na furaha kwa kuweka utaratibu maalum wa kupata watoto. “Ikiwa mtu atasema ukikataa kuzaa nimekuacha basi hakika hio ni talaka ila hi
Read more