Tanzania inatambua kazi zinazofanywa na UN – Dk. Tax

NA SAIDA ISSA, DODOMA
JAMHURI  ya Muungano wa Tanzania imesema inatambua kazi kubwa inayofanywa na Umoja wa Mataifa (UN) ikiwemo ya kuimarisha umoja, mshikamano na ustawi wa jamii.

Akizungumza katika maadhimisho ya siku ya Umoja wa Mataifa jijini Dodoma, Waziri wa Ulinzi na Jeshi la Kujenga Taifa, Dk. Stergomena Tax, alisema kuwa siku hiyo ni muhimu kwa maendeleo ya taifa.

Alieleza kuwa maadhimisho hayo yanayofanyika kila mwaka yanalenga kutambua kazi zinazofanywa na umoja huo katika mataifa mbali mbali ulimwenguni ikiwemo Tanzania.

"Katika kipindi cha miaka 76 Umoja wa Mataifa umejitanabaisha kuwa ni taasisi muhimu kimataifa kutokana na mchango mkubwa katika masuala mabli mbali ya kimaendeleo, kijamii na amani ulimwenguni," alisema Waziri huyo.

Alieleza kuwa katika kipindi hiki dunia ikiwa inapambana na mlipuko wa UVIKO 19, ambao umesababisha changamoto nyingi na kuathiri dunia nzima katika sekta mbali mbali ikiwemo ya Afya ambayo mifumo yake bado haijitoshelezi.

"Janga hili limeendelea kutishia ustawi wa sekta za kijamii na uchumi kama vile usalama wa chakula,maji,lishe,biashara,utalii na sekta ya usafirishaji na hivyo kuathiri maendeleo ya uchumi kiujumla," alieleza.

Aidha alisema kuwa serikali ya awamu ya sita ya Jamhuri ya Muungano wa Tanzania  inayoongozwa na Rais Samia Suluhu Hassan inaendelea kutekeleza Mpango wa maendeleo ya Taifa kwa mapambano dhidi ya UVIKO 19 uliozinduliwa hivi karibuni ili kuikabiliana na makali ya ugonjwa huo.

Alieleza kuwa katika kukabiliana na UVIKO 19 Tanzania inaendelea kuchukua tahadhari mbali mbali kwa kudhibiti na kujikinga na ugonjwa huo kulingana na miongozo ya Shirika la afya Dunia ambapo umoja wa mataifa umekuwa mstari wa mbele kupambana na changamoto.

Kwa upande wake Mkuu wa mkoa wa Dodoma, Anthony Mtaka alisema kuwa mkoa huu ulipokea chanjo 50,000 na wananchi wa mkoa wa Dodoma walichanja na chanjo ikaisha,pia wakaongezewa chanjo 1,500 kutoka mkoa wa Iringa ambazo zilimalizika na kuitishwa chanjo 1500 ambazo pia pia zilimalizika.

"Viongozi wa mkoa wa dodoma tumejitahidi kutoa elimu kwa kushirikiana na viongozi wa dini na viongozi wengine pamoja na makundi mbalimbali ikiwa ni kuendelea kuelimisha wananchi umuhimu wa chanjo," alisema Mtaka.

Aidha aliishukuru Serikali kwa namna ambavyo inaonesha jitihada kwa mapambano dhidi ya UVIKO 19 pamoja na mashirika mbali mbali ikiwemo Umoja wa Mataifa.

Comments

Post a Comment

Popular posts from this blog

ZALIRI, FLI zaingia makubaliano kuimariusha sekta mifugo

Image
NA MWANDISHI MAALUM, WKUMM WIZARA ya Kilimo Umwagiliaji, Maliasili na Mifugo imeeleza kuwa itaendelea kushirikiana na wadau mbali mbali kupitia taasisi zake kustawisha sekta ya kilimo na ufugaji. Waziri wa wizara hiyo, Shamata Shaame Khamis alieleza hayo baada ya kushuhudia utiaji saini ya makubaliano ya ushirikiano na kiutendaji kati ya Taasisi ya Utafiti wa Mifugo Zanzibar (ZALIRI) na taasisi ya Friedrich Loeffler Institut (FLI) ya nchini Ujerumani.  Katika hafla hiyo, Mkurugenzi Mkuu wa ZARILI, Talib Saleh Suleiman alitia saini kwa niaba ya taasisi hiyo na kwa upande wa  FLI, Mkurugenzi wa Institute of International Animal/One Health, Prof. Sascha Knauf aliiwakilisha taasisi yake. Waziri Shamata  alieleza kuwa  serikali ya Ujerumani imekuwa na ushirikiano wa karibu na serikali ya Jamhuri ya Muungano wa Tanzania na Serikali ya Mapinduzi  Zanzibar katika mipango yake ya maendeleo.  Alifahamisha kuwa utiaji saini huo utaongeza ufanisi na wataalamu wa utafiti wa masuala ya mifugo lakini
Read more

Ibueni changamoto zinazokamisha usawa wa kijinsia - Simbaya

Image
NA MWANAISHA SHARIA, MOROGORO WAANDISHI wa habari wametakiwa kuendelea kuibua changamoto mbali mbali zinazowakabili wanawake ili wapate fursa za maendeleo zinazojitokeza nchini. Mkurugenzi wa Muungano wa Klabu za Waandishi wa Habari Tanzania (UTPC), Kenneth Simbaya alipokua akifungua mafunzo ya kuwajengea uwezo waandishi wa habari kuhusu kuandika habari za usawa wa kijinsia yaliyofanyika hoteli ya Flomi, mjini Morogoro. Amesema wandishi wa habari wana nguvu ya kufikisha ujumbe kwa jamii hivyo wana jukumu la kuhakikisha wanatoa elimu ya usawa wa kijinsia ili kutatua changamoto zilizopo. "Waandishi wa habari mtakapoibua kero za wanawake na kuzisemea mtaleta mabadiliko kwa wanawake hao lakini pia jamii nzima kwani kupitia kwao ukatili na ukandamizaji wanawake na watoto wa kike utaondoka”, alieleza Simbaya. Aidha Mkurugenzi huyo amewataka waandishi waliopatiwa mafunzo hayo kutumia vizuri elimu hiyo kwa kuandika habari na kuanda vipindi kuhusu usawa wa kijinsia ili kuleta mabadil
Read more

Uislam unakubali uzazi wa mpango

Image
NA MWAANDISHI MAALUM KWA muda mrefu, suala la uzazi wa mpango limekuwa na mjadala mrefu katika jamii na vyombo vya habarijuu ya kama jee ni sawa au linapingana na maelekezo ya dini ya Kiislamu? Maelezo yamekuwa mengi na yenye aina tafauti ya maelezo, lakini ukweli na uhakika ni kwamba dini ya Kiislamu haina pingamizi juu ya uzazi wa mpango kwa vile linasaidia mzazi na mtoto kuwa na afya bora. Sheikh Khamis Abdulhamid Mjumbe wa Baraza la Maulamaa Zanzibar, Sheikh Khamis Abdulhamid, amesema dini ya Kiislamu haijakataza  uzazi wa mpango ambao hauna na madhara kwa pande zote mbili. “Wakati Quran inashushwa Masahaba waliwahi kusema Quran haikutukataza kutumia njia ya mshindo (kumwanga maji ya uzazi nje) ili kupanga uzazi“, Sheikh Khamis alisemaa. Hata hivyo, aliongeza ni muhmu kwa wanawaume kujitahidi kufuatilia na kujipanga kupata elimu ili ndoa zao ziwe na furaha kwa kuweka utaratibu maalum wa kupata watoto. “Ikiwa mtu atasema ukikataa kuzaa nimekuacha basi hakika hio ni talaka ila hi
Read more