Wanahabari watakiwa kuzingatia usalama wao wakiwa kazini



NA KHAMISUU ABDALLAH

MJUMBE wa Bodi ya Wakurugenzi wa Muungano wa Klabu za Waandishi wa Habari Tanzania (UTPC), Mussa Yussuf, amewataka waandishi wa habari kujiunga na jumuiya za waandishi ili kuzungumzia changamoto zinazowahusu na kuzipatia ufumbuzi.

Mussa ambae pia ni Mwenyekiti wa Klabu ya Waandishi wa Habari mkoa wa Dodoma alitoa kauli hiyo wakati akifunga mafunzo ya ulinzi na usalama kwa wanahabari yaliyofanyika jjini Dodoma.

Alisema ikiwa wanabari watajiunga na jumuiya hizo, changamoto nyingi zinazowakabili wandishi wa habari na taaluma ya uandishi wa habari zitapatiwa ufumbuzi na kuleta mabadiliko katika utekelezaji wa majukumu yao.

Hata hivyo alikemea tabia ya makundi ndani ya jumuiya hizo na kueleza kuwa ni adui anaeharibu jumuiya zao kutofikia malengo waliyojiwekea.

“Tunapokutana lazima tuzungumze madhaifu yetu kwani moja ya vitu vinavyoharibu jumuiya nyingi za wanahabari ni makundi na yamejigawa zaidi kimaslahi ni wakati wa kuyasema haya ili kuzijenga jumuiya zetu,” alibainisha Mwenyekiti Yussuf.

alisema ikiwa wanachama na viongozi watasimama imara na kuvunja makundi waliyoyaweka ndani ya jumuiya zao na kuambizana ukweli basi watazijenga jumuiya zao kuwa imara wakati wote.    

Akizungumzia suala la ulinzi na usalama wa waandishi wa habari, alisema ni jambo la msingi kwa wanahabari kuweka kipaumbele katika usalama wao binafsi ili kuwa anakuwa salama wakati wote.

“Usalama wa wanahabari ukitetereka inayopata hasara zaidi ni jamii ambayo inamtegemea katika kupata habari hasa za maendeleo ya taifa lao,” alieleza.

Awali akitoa maelezo ya mafunzo hayo, Afisa Miradi anaeshughulikia mafunzo na machapisho wa UTPC, Victor Maleko aliwasisitiza wanahabari waliopata mafunzo hayo kueneza utaalamu huo kwa wenzao ili wengi wanufaike.

Aidha aliwashauri kutambua mipaka ya kazi zao kwa kufuata misingi ya kazi yao sambamba na kutumia mbinu mbali mbali wakati wa utekelezaji wa majukumu yao ya kila siku.

Jumla ya wanahabari 100 kutoka mikoa mbali mbali ya Tanzania bara na Zanzibar wanatarajiwa kupatiwa mafunzo ya ulinzi na usalama kupitia mradi huo wa miaka miwili unaotekelezwa kwa pamoja kati ya UTPC na shirika la International Media Sapport (IMS).

Comments

Post a Comment

Popular posts from this blog

ZALIRI, FLI zaingia makubaliano kuimariusha sekta mifugo

Image
NA MWANDISHI MAALUM, WKUMM WIZARA ya Kilimo Umwagiliaji, Maliasili na Mifugo imeeleza kuwa itaendelea kushirikiana na wadau mbali mbali kupitia taasisi zake kustawisha sekta ya kilimo na ufugaji. Waziri wa wizara hiyo, Shamata Shaame Khamis alieleza hayo baada ya kushuhudia utiaji saini ya makubaliano ya ushirikiano na kiutendaji kati ya Taasisi ya Utafiti wa Mifugo Zanzibar (ZALIRI) na taasisi ya Friedrich Loeffler Institut (FLI) ya nchini Ujerumani.  Katika hafla hiyo, Mkurugenzi Mkuu wa ZARILI, Talib Saleh Suleiman alitia saini kwa niaba ya taasisi hiyo na kwa upande wa  FLI, Mkurugenzi wa Institute of International Animal/One Health, Prof. Sascha Knauf aliiwakilisha taasisi yake. Waziri Shamata  alieleza kuwa  serikali ya Ujerumani imekuwa na ushirikiano wa karibu na serikali ya Jamhuri ya Muungano wa Tanzania na Serikali ya Mapinduzi  Zanzibar katika mipango yake ya maendeleo.  Alifahamisha kuwa utiaji saini huo utaongeza ufanisi na wataalamu wa utafiti wa masuala ya mifugo lakini
Read more

Ibueni changamoto zinazokamisha usawa wa kijinsia - Simbaya

Image
NA MWANAISHA SHARIA, MOROGORO WAANDISHI wa habari wametakiwa kuendelea kuibua changamoto mbali mbali zinazowakabili wanawake ili wapate fursa za maendeleo zinazojitokeza nchini. Mkurugenzi wa Muungano wa Klabu za Waandishi wa Habari Tanzania (UTPC), Kenneth Simbaya alipokua akifungua mafunzo ya kuwajengea uwezo waandishi wa habari kuhusu kuandika habari za usawa wa kijinsia yaliyofanyika hoteli ya Flomi, mjini Morogoro. Amesema wandishi wa habari wana nguvu ya kufikisha ujumbe kwa jamii hivyo wana jukumu la kuhakikisha wanatoa elimu ya usawa wa kijinsia ili kutatua changamoto zilizopo. "Waandishi wa habari mtakapoibua kero za wanawake na kuzisemea mtaleta mabadiliko kwa wanawake hao lakini pia jamii nzima kwani kupitia kwao ukatili na ukandamizaji wanawake na watoto wa kike utaondoka”, alieleza Simbaya. Aidha Mkurugenzi huyo amewataka waandishi waliopatiwa mafunzo hayo kutumia vizuri elimu hiyo kwa kuandika habari na kuanda vipindi kuhusu usawa wa kijinsia ili kuleta mabadil
Read more

Uislam unakubali uzazi wa mpango

Image
NA MWAANDISHI MAALUM KWA muda mrefu, suala la uzazi wa mpango limekuwa na mjadala mrefu katika jamii na vyombo vya habarijuu ya kama jee ni sawa au linapingana na maelekezo ya dini ya Kiislamu? Maelezo yamekuwa mengi na yenye aina tafauti ya maelezo, lakini ukweli na uhakika ni kwamba dini ya Kiislamu haina pingamizi juu ya uzazi wa mpango kwa vile linasaidia mzazi na mtoto kuwa na afya bora. Sheikh Khamis Abdulhamid Mjumbe wa Baraza la Maulamaa Zanzibar, Sheikh Khamis Abdulhamid, amesema dini ya Kiislamu haijakataza  uzazi wa mpango ambao hauna na madhara kwa pande zote mbili. “Wakati Quran inashushwa Masahaba waliwahi kusema Quran haikutukataza kutumia njia ya mshindo (kumwanga maji ya uzazi nje) ili kupanga uzazi“, Sheikh Khamis alisemaa. Hata hivyo, aliongeza ni muhmu kwa wanawaume kujitahidi kufuatilia na kujipanga kupata elimu ili ndoa zao ziwe na furaha kwa kuweka utaratibu maalum wa kupata watoto. “Ikiwa mtu atasema ukikataa kuzaa nimekuacha basi hakika hio ni talaka ila hi
Read more