Wazazi wekezeni kwenye elimu za watoto wenu - Mbunge

NA MWANDISHI WETU

MBUNGE wa Jimbo la Dimani, Mustapha Mwinyi Kondo, amewataka wazazi na walezi wa wanafunzi wa skuli ya Msingi Kisauni kuwekeza zaidi katika elimu za watoto wao badala ya mambo mengine yasiyo na tija kwa maisha yao ya sasa na baadae.

Mustapha alieleza hayo wakati wa sherehe za kuwaaga walimu wa waliostaafu na kuwapongeza wanafunzi waliofaulu michipuo katika mitihani yao ya taifa ya darasa la sita mwaka 2020.

Katika sherehe hizo zilizofanyika katika skuli hiyo iliyopo wilaya ya Magharibi ‘B’ Unguja, Mbunge huyo alieleza kufanya hivyo pia kutachangia maendeleo ya skuli hiyo wakati msaada unapohitajika ili watoto wao kufanya vizuri katika masomo yao.

Alisema licha ya serikali kutoa elimu bila ya malipo lakini wazazi wanapaswa kuchangia baadhi ya misaada ya kielimu inapohitajika pale uongozi wa skuli unapowataka wazazi na walezi kutoa misaada yao katika kutatua baadhi ya changamoto zinazoikabili Shule hiyo.

Alisema baadhi ya wazazi na walezi ni wagumu kuchangia maendeleo ya skuli na wapo tayari kugharamika katika shughuli nyengine za kijamii kama harusi wakati elimu ni msingi wa maisha kwa watoto wao.

“Baadhi yetu (wazazi na walezi) wanafanya sherehe za harusi kwa gharama kubwa lakini huwa wagumu kuchangia skuli kwa ajili ya maendeleo ya watoto wetu huwa wagumu,” alisema Mbunge huyo.

Alisema kuwa walimu wanajukumu kubwa la kuwasimamia wanafunzi ili kufanya vizuri katika masomo yao na kuwa na watalamu bingwa hapo baadae.

“Tunafahamu kuwa walimu mna changamoto nyingi ikiwemo mishahara midogo mnayopata lakini changamoto hiyo isiwe sehemu ya kutoonesha bidii zenu katika kutoa elimu kwa watoto wetu,” alisema.

Akisoma risala kwa niaba ya Walimu wenzake, Mwalimu Maryam Masoud, alisema licha ya mafanikio yaliyopatikana yakiwemo ya kuongezeka kwa ufaulu kwa baadhi ya wanafunzi, skuli hiyo inakabiliwa na upungufu wa madarasa hali inayopelekea msongamano wa wanafunzi madarasani hadi kufikia wastani wa wanafunzi 120.

Alisema hali hiyo ya wingi wa wanafunzi madasani linashusha ufanisi katika utendaji kwa Walimu na wanafunzi wakati darasa moja linahitajika kuwa na wastani wa wanafunzi 45.

Aliitaja changamoto nyengine kuwa ni uchakavu wa madarasa ambayo baadhi ya madasa yamejaa vumbi kutokana na kuvunjika kwa saruji iliyowekwa sakafuni jambo ambalo linahatarisha afya za walimu na wanafunzi.

Kwa upande wake Kaimu Mwalimu Mkuu wa Skuli hiyo, Ahmada Haji, alisema walimu waliostaafu ni waaandaaji wazuri wa wanafunzi wa ambao baadhi yao wamefanikiwa kufaulu vizuri mitihani yao ya taifa.

Mwalimu Ahmada pia aliwapongeza wanafunzi wa kike kwa kufanya vizuri zaidi katika mitihani yao ya taifa mwaka jana ikilingnaishwa na wanafunzi wa kiume na kuwahimiza wanafunzi wote kusoma kwa bidii na kuachana na vitendo viovu ambavyo vitawasababishia kutofikia malengo yao.

Skuli ya Kisauni Msingi iliyoanzishwa rasmi mwaka 1992 ikiwa na wanafunzi 325 (Wanaume 167 na Wanawake 162) kwa sasa ina wanafunzi 1,569 ambapo katika kipindi cha mwaka 2013 - 2020 imepasisha wanafunzi 35 wa mchipuo ambapo wanafunzi watatu wa kike waliofaulu michipuo mwaka 2020 walitununikiwa zawadi.

Comments

Post a Comment

Popular posts from this blog

ZALIRI, FLI zaingia makubaliano kuimariusha sekta mifugo

Image
NA MWANDISHI MAALUM, WKUMM WIZARA ya Kilimo Umwagiliaji, Maliasili na Mifugo imeeleza kuwa itaendelea kushirikiana na wadau mbali mbali kupitia taasisi zake kustawisha sekta ya kilimo na ufugaji. Waziri wa wizara hiyo, Shamata Shaame Khamis alieleza hayo baada ya kushuhudia utiaji saini ya makubaliano ya ushirikiano na kiutendaji kati ya Taasisi ya Utafiti wa Mifugo Zanzibar (ZALIRI) na taasisi ya Friedrich Loeffler Institut (FLI) ya nchini Ujerumani.  Katika hafla hiyo, Mkurugenzi Mkuu wa ZARILI, Talib Saleh Suleiman alitia saini kwa niaba ya taasisi hiyo na kwa upande wa  FLI, Mkurugenzi wa Institute of International Animal/One Health, Prof. Sascha Knauf aliiwakilisha taasisi yake. Waziri Shamata  alieleza kuwa  serikali ya Ujerumani imekuwa na ushirikiano wa karibu na serikali ya Jamhuri ya Muungano wa Tanzania na Serikali ya Mapinduzi  Zanzibar katika mipango yake ya maendeleo.  Alifahamisha kuwa utiaji saini huo utaongeza ufanisi na wataalamu wa utafiti wa masuala ya mifugo lakini
Read more

Ibueni changamoto zinazokamisha usawa wa kijinsia - Simbaya

Image
NA MWANAISHA SHARIA, MOROGORO WAANDISHI wa habari wametakiwa kuendelea kuibua changamoto mbali mbali zinazowakabili wanawake ili wapate fursa za maendeleo zinazojitokeza nchini. Mkurugenzi wa Muungano wa Klabu za Waandishi wa Habari Tanzania (UTPC), Kenneth Simbaya alipokua akifungua mafunzo ya kuwajengea uwezo waandishi wa habari kuhusu kuandika habari za usawa wa kijinsia yaliyofanyika hoteli ya Flomi, mjini Morogoro. Amesema wandishi wa habari wana nguvu ya kufikisha ujumbe kwa jamii hivyo wana jukumu la kuhakikisha wanatoa elimu ya usawa wa kijinsia ili kutatua changamoto zilizopo. "Waandishi wa habari mtakapoibua kero za wanawake na kuzisemea mtaleta mabadiliko kwa wanawake hao lakini pia jamii nzima kwani kupitia kwao ukatili na ukandamizaji wanawake na watoto wa kike utaondoka”, alieleza Simbaya. Aidha Mkurugenzi huyo amewataka waandishi waliopatiwa mafunzo hayo kutumia vizuri elimu hiyo kwa kuandika habari na kuanda vipindi kuhusu usawa wa kijinsia ili kuleta mabadil
Read more

Uislam unakubali uzazi wa mpango

Image
NA MWAANDISHI MAALUM KWA muda mrefu, suala la uzazi wa mpango limekuwa na mjadala mrefu katika jamii na vyombo vya habarijuu ya kama jee ni sawa au linapingana na maelekezo ya dini ya Kiislamu? Maelezo yamekuwa mengi na yenye aina tafauti ya maelezo, lakini ukweli na uhakika ni kwamba dini ya Kiislamu haina pingamizi juu ya uzazi wa mpango kwa vile linasaidia mzazi na mtoto kuwa na afya bora. Sheikh Khamis Abdulhamid Mjumbe wa Baraza la Maulamaa Zanzibar, Sheikh Khamis Abdulhamid, amesema dini ya Kiislamu haijakataza  uzazi wa mpango ambao hauna na madhara kwa pande zote mbili. “Wakati Quran inashushwa Masahaba waliwahi kusema Quran haikutukataza kutumia njia ya mshindo (kumwanga maji ya uzazi nje) ili kupanga uzazi“, Sheikh Khamis alisemaa. Hata hivyo, aliongeza ni muhmu kwa wanawaume kujitahidi kufuatilia na kujipanga kupata elimu ili ndoa zao ziwe na furaha kwa kuweka utaratibu maalum wa kupata watoto. “Ikiwa mtu atasema ukikataa kuzaa nimekuacha basi hakika hio ni talaka ila hi
Read more