Hai yatumia fedha za UVIKO 19 kujenga madarasa 43

NA MWANDISHI WETU, HAI

MPANGO wa maendeleo kwa ustawi na mapambano dhidi ya UVIKO - 19, umefanikisha ujenzi wa vyumba 43 vya madarasa katika skuli ya sekondari uliogharimu shilingi milioni 860 katika wilaya ya Hai, mkoani Kilimanjaro.

Mkuu wa wilaya hiyo Hai, Juma Irando (pichani) aliyasema hayo hivi karibuni katika taarifa yake kwa Kamati ya Siasa mkoa wa Kilimanjaro iliyongozwa na Mwenyekiti wa Chama cha Mapinduzi (CCM), Patrick Boisafi walipofanya ziara ya kukagua utekelezaji wa ilani ya CCM na mapambano dhidi ya UVIKO – 19 wananchi 28,877,019 wamepatiwa chanjo ya ugonjwa huo.

Irando alisema ujenzi wa madarasa hayo utakamilika kabla ya Disemba 31 mwaka huu na wanafunzi 3,950 wakiwemo wasichana 2,050 na wavulana 1,900 waliochaguliwa kujiunga na kidato cha kwanza kwa kipindi cha Januari mwakani wataanza masomo yao kama serikali ilivyoagiza.

Kwa upande wake Mwenyekiti wa CCM mkoa huo,  Patrick Boisafi, alimpongeza Rais Samia Suluhu Hassan, kwa kazi nzuri aliyoifanya ya kuhakikisha tatizo la uhaba wa wa vyumba vya madarasa na msongamano wa wanafunzi linakwisha mashuleni.

Aidha aliwapongeza Wakuu wa wilaya, Wakurugenzi wa Halmashauri na wananchi kwa kushirikiana kwa hali na mali na serikali kufanikisha ujenzi wa miradi hiyo kwa ubora wa hali ya juu na muda uliopangwa.

Boisafi alisema hatua hiyo itahakikisha wanafunzi wote watakaochaguliwa wanaanza masomo yao Januari mwakani wakikuta madaraa na samani zikiwa tayari.

"Rais Samia Suluhu Hassan amefanikisha kupatikana kwa shilingi tirioni 1.3 za ujenzi wa vyumba vya madarasa kwa nchi nzima ili kuondokana na tatizo la upungufu wa vyumba vya madarasa na masongamano wa wanafunzi madarasani,"alisema Boisafi.

Katika hatua nyingine Boisafi, alizishauri Halmashauri za Wilaya na Manispaa kuanza utamaduni wa kutenga fedha katika akaunti maalumu kwa ajili ya kufanyia ukarabati majengo ya serikali yanapochakaa, ikiwemo majengo ya shule, hospital, zahanati na vituo vya afya.

“Huko nyuma kulikuwa na utaratibu wa kutenga fedha za ukarabati wa majengo ya serikali kuanzia yalipojengwa na kwamba utaratibu huo ulikuwa mzuri, hivyo Kamati ya Siasa ya mkoa inazielekeza  halmashauri zote kuhakikisha zinatenga fungu la fedha kwa ajili ya ukarabati wa majengo ya serikali,” alieleza Mwenyekiti huyo.

Naye Mjumbe wa Halmashauri Kuu ya CCM taifa, Selemani Mfinanga, alisema CCM mkoani Kilimanjaro ina kila sababu ya kuwapongeza Walimu Wakuu, Maofisa elimu, kamati za ujenzi kwa kushirikiana na wananchi kwa kufanikisha ujenzi wa miradi hiyo kwa ubora unaotakiwa licha ya kuwapo kwa changamoto mbali mbali.

Mpango wa maendeleo kwa ustawi na mapambano dhidi ya UVIKO - 19, ulizinduliwa  na rais samia suluhu Hassan, mwezi oktoba mwaka huu ukilenga kutumia fedha za mkopo wa shilingi trilioni 1.3 kutoka shirika la fedha ulimwenguni (IMF) katika maeneo mbali mbali ili kuleta nafuu ya athari za ugonjwa huo.

 

Miongoni mwa maeneo ya utekelezaji wa mpango huo ni pamoja na ununuzi magari ya wagonjwa ya kisasa 20 na magari ya kawaida 365, ujenzi wa vituo vya dharura na vifaa kwa hospitali za taifa hadi halmashauri, uimarishwaji wa mfumo wa usambazaji na ununuzi wa mitungi ya gesi katika hospitali za rufaa na utekelezaji miradi ya elimu kama vile madawati, vyumba vya madarasa katika vyuo 17.


Comments

Post a Comment

Popular posts from this blog

ZALIRI, FLI zaingia makubaliano kuimariusha sekta mifugo

Image
NA MWANDISHI MAALUM, WKUMM WIZARA ya Kilimo Umwagiliaji, Maliasili na Mifugo imeeleza kuwa itaendelea kushirikiana na wadau mbali mbali kupitia taasisi zake kustawisha sekta ya kilimo na ufugaji. Waziri wa wizara hiyo, Shamata Shaame Khamis alieleza hayo baada ya kushuhudia utiaji saini ya makubaliano ya ushirikiano na kiutendaji kati ya Taasisi ya Utafiti wa Mifugo Zanzibar (ZALIRI) na taasisi ya Friedrich Loeffler Institut (FLI) ya nchini Ujerumani.  Katika hafla hiyo, Mkurugenzi Mkuu wa ZARILI, Talib Saleh Suleiman alitia saini kwa niaba ya taasisi hiyo na kwa upande wa  FLI, Mkurugenzi wa Institute of International Animal/One Health, Prof. Sascha Knauf aliiwakilisha taasisi yake. Waziri Shamata  alieleza kuwa  serikali ya Ujerumani imekuwa na ushirikiano wa karibu na serikali ya Jamhuri ya Muungano wa Tanzania na Serikali ya Mapinduzi  Zanzibar katika mipango yake ya maendeleo.  Alifahamisha kuwa utiaji saini huo utaongeza ufanisi na wataalamu wa utafiti wa masuala ya mifugo lakini
Read more

Ibueni changamoto zinazokamisha usawa wa kijinsia - Simbaya

Image
NA MWANAISHA SHARIA, MOROGORO WAANDISHI wa habari wametakiwa kuendelea kuibua changamoto mbali mbali zinazowakabili wanawake ili wapate fursa za maendeleo zinazojitokeza nchini. Mkurugenzi wa Muungano wa Klabu za Waandishi wa Habari Tanzania (UTPC), Kenneth Simbaya alipokua akifungua mafunzo ya kuwajengea uwezo waandishi wa habari kuhusu kuandika habari za usawa wa kijinsia yaliyofanyika hoteli ya Flomi, mjini Morogoro. Amesema wandishi wa habari wana nguvu ya kufikisha ujumbe kwa jamii hivyo wana jukumu la kuhakikisha wanatoa elimu ya usawa wa kijinsia ili kutatua changamoto zilizopo. "Waandishi wa habari mtakapoibua kero za wanawake na kuzisemea mtaleta mabadiliko kwa wanawake hao lakini pia jamii nzima kwani kupitia kwao ukatili na ukandamizaji wanawake na watoto wa kike utaondoka”, alieleza Simbaya. Aidha Mkurugenzi huyo amewataka waandishi waliopatiwa mafunzo hayo kutumia vizuri elimu hiyo kwa kuandika habari na kuanda vipindi kuhusu usawa wa kijinsia ili kuleta mabadil
Read more

Uislam unakubali uzazi wa mpango

Image
NA MWAANDISHI MAALUM KWA muda mrefu, suala la uzazi wa mpango limekuwa na mjadala mrefu katika jamii na vyombo vya habarijuu ya kama jee ni sawa au linapingana na maelekezo ya dini ya Kiislamu? Maelezo yamekuwa mengi na yenye aina tafauti ya maelezo, lakini ukweli na uhakika ni kwamba dini ya Kiislamu haina pingamizi juu ya uzazi wa mpango kwa vile linasaidia mzazi na mtoto kuwa na afya bora. Sheikh Khamis Abdulhamid Mjumbe wa Baraza la Maulamaa Zanzibar, Sheikh Khamis Abdulhamid, amesema dini ya Kiislamu haijakataza  uzazi wa mpango ambao hauna na madhara kwa pande zote mbili. “Wakati Quran inashushwa Masahaba waliwahi kusema Quran haikutukataza kutumia njia ya mshindo (kumwanga maji ya uzazi nje) ili kupanga uzazi“, Sheikh Khamis alisemaa. Hata hivyo, aliongeza ni muhmu kwa wanawaume kujitahidi kufuatilia na kujipanga kupata elimu ili ndoa zao ziwe na furaha kwa kuweka utaratibu maalum wa kupata watoto. “Ikiwa mtu atasema ukikataa kuzaa nimekuacha basi hakika hio ni talaka ila hi
Read more