ZATUC yahimiza wafanyakazi kutambua sheria za kazi, ajira

NA MWANDISHI WETU

SHIRIKISHO la Vyama vya Wafanyakazi Zanzibar (ZATUC), imesema kuna umuhimu kwa wafanyakazi kujua sheria za kazi ili ziweze kuwasaidia katika utekelezaji wa majukumu yao pamoja na kuwaongoza pale wanapotaka kudai haki zao.

Katibu Mkuu wa chama hicho, Khamis Mwinyi Mohammed (pichani), alisema hayo alipokuwa akizungumza na gazeti hili katika kikao cha kujadili haki za wafanyakazi na utekelezaji wake kilichoandaliwa na Shirika la msaada la kimataifa la Actionaid katika ukumbi Kitengo cha kudhibiti Malaria, Mwanakwerekwe.

Alisema asilimia kubwa ya wafanyakazi hawajui sheria hizo jambo ambalo husababisha kuleta mkanganyiko mkubwa baina yao na waajiri pale kunapobidi kudai baadhi ya haki zao.

“Wafanyakazi wanakabiliwa na changamoto nyingi ikiwemo upataji wa haki zao, kwani asilimia kubwa wanashindwa kutofautisha haki za msingi na nyenginezo jambo ambalo husababisha kuleta malalamiko ndani ya taasisi mbalimbali,” alisema.

Sambamba na hayo alisema kutokana na hali hiyo wamekuwa wakifanya jitihada mbalimbali ikiwemo kuwapatia elimu wafanyakazi hao ili waweze kufahamu sheria hizo na kuzifanyia kazi ili kuona kila mfanyakazi ananufaika nazo.

Aidha Mwinyi alitumia fursa hiyo kuzitaka taasisi mbali mbali kuona umuhimu wa kuwapatia taaluma wafanyakazi wao ili kila mmoja aweze kuzifanyia kazi.

Kwa upande wa Mratibu wa shirika la Actionaid, Baker Khamis, alisema wameamua kutoa mafunzo hayo ili kuondosha baadhi ya changamoto zinazowakwaza wafanyakazi kutokana na kutofahamu sheria za kazi. 

Alisema wataendelea kutoa elimu hiyo kwa wafanyakazi wa kada mbalimbali ili ziweze kuwasaidia katika utekelezaji wa majukumu yao.

Alisema wafanyakazi wanakabiliwa na changamoto nyingi ikiwemo taratibu za mikataba hazifuatwi, mishahara midogo na mambo nyengine hivyo kupitia mafunzo hayo yatasaidia kuweza kufahamu sheria izo.

Kwa upande wa washiriki wa mkutano huo walisema wafanyakazi wengi wanazikosa haki zao makazini mwao kwa kuwa hawajui sheria na hatua za kufuata ili waweze kupata haki hizo.

Miongoni mwa washiriki hao Haji Maktuba Haji, kutoka taasisi ya watembeza watalii alisema kuna mahitaji makubwa ya kutolewa elimu hiyo kwa wafanyakazi ili kuwaondoshea changamoto mbali mbali wanazokuta nazo. 

“Tumekuwa tukikutana na changamoto mbali mbali ikiwemo ya upatikanaji wa haki kutokana na wengi wetu kushindwa kufuatia sheria na taratibu zilizowekwa,” alieleza Haji.  

Kwa upande wa mwanasheria Jambia Jambia, ambae aliyekuwa mkufunzi wa mafunzo hayo, alisema sheria za kazi zimetungwa ili kusaidia kila mmoja kufahamu wajibu na majukumu yake pamoja na kuondosha migogoro ndani ya sehemu za kazi. 

Mafunzo hayo ya siku moja yamewashirikisha wafanyakazi kutoka taasisi mbali mbali za serikali na binafsi yaliandaliwa na Actionaid kwa lengo la kujenga uelewa na uwezo wa wafanyakazi kuzitambua sheria za kazi na ajira.

 

 

 

Comments

Post a Comment

Popular posts from this blog

ZALIRI, FLI zaingia makubaliano kuimariusha sekta mifugo

Image
NA MWANDISHI MAALUM, WKUMM WIZARA ya Kilimo Umwagiliaji, Maliasili na Mifugo imeeleza kuwa itaendelea kushirikiana na wadau mbali mbali kupitia taasisi zake kustawisha sekta ya kilimo na ufugaji. Waziri wa wizara hiyo, Shamata Shaame Khamis alieleza hayo baada ya kushuhudia utiaji saini ya makubaliano ya ushirikiano na kiutendaji kati ya Taasisi ya Utafiti wa Mifugo Zanzibar (ZALIRI) na taasisi ya Friedrich Loeffler Institut (FLI) ya nchini Ujerumani.  Katika hafla hiyo, Mkurugenzi Mkuu wa ZARILI, Talib Saleh Suleiman alitia saini kwa niaba ya taasisi hiyo na kwa upande wa  FLI, Mkurugenzi wa Institute of International Animal/One Health, Prof. Sascha Knauf aliiwakilisha taasisi yake. Waziri Shamata  alieleza kuwa  serikali ya Ujerumani imekuwa na ushirikiano wa karibu na serikali ya Jamhuri ya Muungano wa Tanzania na Serikali ya Mapinduzi  Zanzibar katika mipango yake ya maendeleo.  Alifahamisha kuwa utiaji saini huo utaongeza ufanisi na wataalamu wa utafiti wa masuala ya mifugo lakini
Read more

Ibueni changamoto zinazokamisha usawa wa kijinsia - Simbaya

Image
NA MWANAISHA SHARIA, MOROGORO WAANDISHI wa habari wametakiwa kuendelea kuibua changamoto mbali mbali zinazowakabili wanawake ili wapate fursa za maendeleo zinazojitokeza nchini. Mkurugenzi wa Muungano wa Klabu za Waandishi wa Habari Tanzania (UTPC), Kenneth Simbaya alipokua akifungua mafunzo ya kuwajengea uwezo waandishi wa habari kuhusu kuandika habari za usawa wa kijinsia yaliyofanyika hoteli ya Flomi, mjini Morogoro. Amesema wandishi wa habari wana nguvu ya kufikisha ujumbe kwa jamii hivyo wana jukumu la kuhakikisha wanatoa elimu ya usawa wa kijinsia ili kutatua changamoto zilizopo. "Waandishi wa habari mtakapoibua kero za wanawake na kuzisemea mtaleta mabadiliko kwa wanawake hao lakini pia jamii nzima kwani kupitia kwao ukatili na ukandamizaji wanawake na watoto wa kike utaondoka”, alieleza Simbaya. Aidha Mkurugenzi huyo amewataka waandishi waliopatiwa mafunzo hayo kutumia vizuri elimu hiyo kwa kuandika habari na kuanda vipindi kuhusu usawa wa kijinsia ili kuleta mabadil
Read more

Uislam unakubali uzazi wa mpango

Image
NA MWAANDISHI MAALUM KWA muda mrefu, suala la uzazi wa mpango limekuwa na mjadala mrefu katika jamii na vyombo vya habarijuu ya kama jee ni sawa au linapingana na maelekezo ya dini ya Kiislamu? Maelezo yamekuwa mengi na yenye aina tafauti ya maelezo, lakini ukweli na uhakika ni kwamba dini ya Kiislamu haina pingamizi juu ya uzazi wa mpango kwa vile linasaidia mzazi na mtoto kuwa na afya bora. Sheikh Khamis Abdulhamid Mjumbe wa Baraza la Maulamaa Zanzibar, Sheikh Khamis Abdulhamid, amesema dini ya Kiislamu haijakataza  uzazi wa mpango ambao hauna na madhara kwa pande zote mbili. “Wakati Quran inashushwa Masahaba waliwahi kusema Quran haikutukataza kutumia njia ya mshindo (kumwanga maji ya uzazi nje) ili kupanga uzazi“, Sheikh Khamis alisemaa. Hata hivyo, aliongeza ni muhmu kwa wanawaume kujitahidi kufuatilia na kujipanga kupata elimu ili ndoa zao ziwe na furaha kwa kuweka utaratibu maalum wa kupata watoto. “Ikiwa mtu atasema ukikataa kuzaa nimekuacha basi hakika hio ni talaka ila hi
Read more