NMB, Mambo ya kale wakubaliana kuimarisha utalii Zanzibar 

NA MWANDISHI WETU

WIZARA ya Utalii na Mambo ya Kale Zanzibar imetiliana saini makubaliano ya  kuimarisha shughuli za watembeza watalii na benki ya NMB kwa kutoa mafunzo ili kurasimisha shughuli zao waweze kukopesheka.

Katibu Mkuu wa Wizara hiyo, Fatma Mabrouk Khamis, alitia saini kwa niaba ya wizara hiyo huku Afisa Mkuu wa Biashara na Wateja Binafsi  Filbert Mponzi aliiwakilisha benki ya NMB.

Akizungumza wakati wa hafla ya kusaini makubaliano hayo, Fatma alisema benki makubaliano hayo yamelenga kuinua shughuli za vijana wanaotembeza watalii nchini.

Alieleza kuwa mitaani kuna vijana wengi wanaofanya kazi ya kuongoza watalii bila ya ujuzi wa kutosha hivyo kuharibu taswira ya Zanaibar hivyo makakati huo utawasaidia kuimarishawa ujuzi na maarifa yao.

“Wapo vijana wanaojihusisha na utalii mfano ‘beach boys’ ambao wanafanya utalii wa mikobani na mara nyingi wanakuwa kero kwa wageni. Kupitia makubaliano haya, tutawapa mafunzo na kuangalia ni kwa namna gani tunaweza kuwarasimisha na kuwaongoza,” alisema Fatma.

Mbali na hayo alibainisha kuwa wizara ina mpango wa kuimarisha mashamba ya viungo, ambayo yanatumika na vijana wanaojihusisha na shughuli hizo.

“Tutashirikiana kuwapa mafunzo na mikopo kuimarisha bidhaa zao, tutawashika mkono ili kuhakikisha wanatoa huduma nzuri na bidhaa nzuri,” alisema Fatma.

Alieleza kuwa katika ziara waliyofanya hivi karibuni, wamebainoi kuwa yapo mashamba ya viungo yasiyo na viwango hivyo wizara ina mkakati wa kuanza kuhuisha vijiji ili kuwa na vijiji vya utalii.

Nae Afisa Mkuu wa Biashara na Wateja Binafsi wa NMB, Filbert Mponzi, alisema benki hiyo imefanya mambo mengi visiwani Zanzibar kwa lengo la kuinua sekta ya utalii.

Alieleza kuwa katika kuendeleza azma hiyo, wameamua kupeleka vituo vya mauzo 100 na kuiomba Wizara ya Utalii kuwaelekeza vituo watakaposambaza vifaa kwa ajili ya kufanyia malipo.

“NMB ndio benki kubwa zaidi nchini ambayo serikali ni mdau mkubwa lakini pia inaongoza kwa kupata faida yaani kwa ukubwa, tunapoingia kwenye jukumu kama hili hatuna wasiwasi,” alisema Mponzi.

“Tumeamua kujifunga kwa Wizara ya Utalii na Mambo ya Kale Zanzibar maana yake tutafanya kitu kikubwa katika utalii Zanzibar,” alisema Mponzi.

Mponzi alisema kufanya hivyo ni kuunga mkono safari ya kuimarisha uchumi wa bluu na kwenda sambasamba na dunia ili kukuza uchumi kupitia mifumo ya kidigitali katika shughuli za utalii nchini.

Alisema hatua hiyo inalenga kutoa elimu na kuhamasisha watalii wazidi kutembelea vivutio vya kitalii vilivyopo Zanzibar kupitia matamasha na promosheni mbali mbali.

Aliongeza kuwa watasambaza mashine za malipo kwenye vituo vya makusanyo na vivutio vya utalii ili kuwawezesha watalii kulipia ada na tozo zote kupitia kadi zao za kielektroniki za Mastercard, Visa na UnionPay.

Alifafanua kuwa hatua hiyo itapunguza ulazima wa watalii kutembea na fedha taslim hivyo kuwawezesha kufanya malipo kwa njia salama na rahisi.

 

 

Comments

Post a Comment

Popular posts from this blog

ZALIRI, FLI zaingia makubaliano kuimariusha sekta mifugo

Image
NA MWANDISHI MAALUM, WKUMM WIZARA ya Kilimo Umwagiliaji, Maliasili na Mifugo imeeleza kuwa itaendelea kushirikiana na wadau mbali mbali kupitia taasisi zake kustawisha sekta ya kilimo na ufugaji. Waziri wa wizara hiyo, Shamata Shaame Khamis alieleza hayo baada ya kushuhudia utiaji saini ya makubaliano ya ushirikiano na kiutendaji kati ya Taasisi ya Utafiti wa Mifugo Zanzibar (ZALIRI) na taasisi ya Friedrich Loeffler Institut (FLI) ya nchini Ujerumani.  Katika hafla hiyo, Mkurugenzi Mkuu wa ZARILI, Talib Saleh Suleiman alitia saini kwa niaba ya taasisi hiyo na kwa upande wa  FLI, Mkurugenzi wa Institute of International Animal/One Health, Prof. Sascha Knauf aliiwakilisha taasisi yake. Waziri Shamata  alieleza kuwa  serikali ya Ujerumani imekuwa na ushirikiano wa karibu na serikali ya Jamhuri ya Muungano wa Tanzania na Serikali ya Mapinduzi  Zanzibar katika mipango yake ya maendeleo.  Alifahamisha kuwa utiaji saini huo utaongeza ufanisi na wataalamu wa utafiti wa masuala ya mifugo lakini
Read more

Ibueni changamoto zinazokamisha usawa wa kijinsia - Simbaya

Image
NA MWANAISHA SHARIA, MOROGORO WAANDISHI wa habari wametakiwa kuendelea kuibua changamoto mbali mbali zinazowakabili wanawake ili wapate fursa za maendeleo zinazojitokeza nchini. Mkurugenzi wa Muungano wa Klabu za Waandishi wa Habari Tanzania (UTPC), Kenneth Simbaya alipokua akifungua mafunzo ya kuwajengea uwezo waandishi wa habari kuhusu kuandika habari za usawa wa kijinsia yaliyofanyika hoteli ya Flomi, mjini Morogoro. Amesema wandishi wa habari wana nguvu ya kufikisha ujumbe kwa jamii hivyo wana jukumu la kuhakikisha wanatoa elimu ya usawa wa kijinsia ili kutatua changamoto zilizopo. "Waandishi wa habari mtakapoibua kero za wanawake na kuzisemea mtaleta mabadiliko kwa wanawake hao lakini pia jamii nzima kwani kupitia kwao ukatili na ukandamizaji wanawake na watoto wa kike utaondoka”, alieleza Simbaya. Aidha Mkurugenzi huyo amewataka waandishi waliopatiwa mafunzo hayo kutumia vizuri elimu hiyo kwa kuandika habari na kuanda vipindi kuhusu usawa wa kijinsia ili kuleta mabadil
Read more

Uislam unakubali uzazi wa mpango

Image
NA MWAANDISHI MAALUM KWA muda mrefu, suala la uzazi wa mpango limekuwa na mjadala mrefu katika jamii na vyombo vya habarijuu ya kama jee ni sawa au linapingana na maelekezo ya dini ya Kiislamu? Maelezo yamekuwa mengi na yenye aina tafauti ya maelezo, lakini ukweli na uhakika ni kwamba dini ya Kiislamu haina pingamizi juu ya uzazi wa mpango kwa vile linasaidia mzazi na mtoto kuwa na afya bora. Sheikh Khamis Abdulhamid Mjumbe wa Baraza la Maulamaa Zanzibar, Sheikh Khamis Abdulhamid, amesema dini ya Kiislamu haijakataza  uzazi wa mpango ambao hauna na madhara kwa pande zote mbili. “Wakati Quran inashushwa Masahaba waliwahi kusema Quran haikutukataza kutumia njia ya mshindo (kumwanga maji ya uzazi nje) ili kupanga uzazi“, Sheikh Khamis alisemaa. Hata hivyo, aliongeza ni muhmu kwa wanawaume kujitahidi kufuatilia na kujipanga kupata elimu ili ndoa zao ziwe na furaha kwa kuweka utaratibu maalum wa kupata watoto. “Ikiwa mtu atasema ukikataa kuzaa nimekuacha basi hakika hio ni talaka ila hi
Read more