Mtoni Kidatu wahimizwa kulinda maeneo ya skuli

NA MWANDISHI WETU

MKUU wa Wilaya ya Magharibi ‘A’ Suzan Peter Kunambi, amewataka wananchi wa wilaya hiyo kuhakikisha wanalinda rasilimali ya ardhi ya elimu ili kuona hayavamiwi kiholela.

Kauli hiyo aliitoa wakati akizugumza na wananchi wa Mtoni Kidatu alipokuwa akisikiliza changamoto zinazowakabili walimu wa skuli ya Mtoni Kidato. 

Alisema kuna uvamizi mkubwa katika maeneo ya skuli zilizomo ndani ya wilaya yake kutokana na wananchi kujenga makaazi ya kudumu.

“Sio skuli hii tu iliyovamiwa, skuli vinazovamiwa ni nyingi hivyo ni wajibu wa wananchi mliopo karibu na maeneo ya skuli mnapoanza ujenzi msikae kimpya kwani mipaka ya skuli inajulikana na kuwasisitiza walimu kuacha kuazima maeneo ya skuli,” alisisitiza.

Alisema ni vyema kuwa walinzi wa maeneo hayo kwani bado yana shughuli kubwa kwani bado miundombinu ya elimu inahitajika kujengwa ya kisasa.

Aidha alisema maeneo mengi yanavamiwa na pale serikali inapotaka kujenga majengo ya horofa ya skuli inakuwa na changamoto kubwa ya kukosa maeneo kutokana na maeneo mengi kuvamiwa.

“Haya ndio yanayotukuta sasa hivi, wizara imepanga kutujengea skuli ya ghorofa katika eneo la Mtopepo hatuna eneo kwani eneo lote limevamiwa sasa niwaombe eneo hili ambalo bado lipo kidogo basi ni sote tulilinde,” alisisitiza Kunambi. 

Mwalimu Mkuu wa skuli hiyo, Haidar Yahya Issa, alisema skuli yao inakabiliwa na changamoto kubwa wa uvamizi wa maeneo yao  kwa maakazi ya nyumba hali ambayo inatokana na kukosa kwa hatimiliki ya eneo lao. 

Nae Katibu Mkuu Wizara ya Elimu na Mafunzo ya Amal,  Ali Khamis Juma, alisema ni kweli maeneo mengi ya skuli yamekuwa yakivamiwa kwa maakazi hivyo aliziomba ofisi za wilaya, shehia na kamati za skuli kuhakikisha wanasaidia kutovamiwa kwa maeneo ya skuli.

Aidha Katibu Ali alisema serikali na wafadhili wengine zinajitahidi kuongeza miundombinu nzuri katika skuli zake lakini wapo watu wachache wanaona mambo hayo sio muhimu hivyo ni vyema kudhibitiwa watu hao kwa nguvu zote.

Mwalishi wa Jimbo la Mwera, Mihayo Juma N’gunga ni alikiri baadhi ya wananchi kujimilikisha baadhi ya maeneo ya skuli kwa ujenzi wa nyumba za makaazi hasa katika skuli zote zilizokuwepo ndani ya jimbo hilo.

Aliyataja maeneo hayo alisema ni pamoja na skuli ya Mtoni Kidatu, Regezamwendo, Kianga, skuli ya Chunga changamoto ambayo ipo kwa asilimia kubwa katika Mkoa huo.

Aliahidi kuwa kwa kushirikiana na serikali ya wilaya na mkoa wanategeneza utaratibu maalum kwa watu wote wanaovamia na kuhakikisha skuli zote zilizokuwepo ndani ya jimbo hilo zinapata hati za maeneo yao ili kuweza kulinda mipaka yake.

Alisema kuvamiwa kwa maeneo mengi ya skuli kunatokana na kukosekana kwa hatimiliki jambo ambalo linatakiwa kufanyiwa kazi kwa nguvu zote.

Alitumia fursa hiyo kuwasisitiza wananchi kuacha tabia ya kuvamia maeneo ya skuli ili kuweza kusaidia ujenzi pale serikali inapotaka kuongeza madarasa kwa ajili ya kuhakikisha watoto wanapata elimu katika maeneo ya karibu.

Comments

Post a Comment

Popular posts from this blog

ZALIRI, FLI zaingia makubaliano kuimariusha sekta mifugo

Image
NA MWANDISHI MAALUM, WKUMM WIZARA ya Kilimo Umwagiliaji, Maliasili na Mifugo imeeleza kuwa itaendelea kushirikiana na wadau mbali mbali kupitia taasisi zake kustawisha sekta ya kilimo na ufugaji. Waziri wa wizara hiyo, Shamata Shaame Khamis alieleza hayo baada ya kushuhudia utiaji saini ya makubaliano ya ushirikiano na kiutendaji kati ya Taasisi ya Utafiti wa Mifugo Zanzibar (ZALIRI) na taasisi ya Friedrich Loeffler Institut (FLI) ya nchini Ujerumani.  Katika hafla hiyo, Mkurugenzi Mkuu wa ZARILI, Talib Saleh Suleiman alitia saini kwa niaba ya taasisi hiyo na kwa upande wa  FLI, Mkurugenzi wa Institute of International Animal/One Health, Prof. Sascha Knauf aliiwakilisha taasisi yake. Waziri Shamata  alieleza kuwa  serikali ya Ujerumani imekuwa na ushirikiano wa karibu na serikali ya Jamhuri ya Muungano wa Tanzania na Serikali ya Mapinduzi  Zanzibar katika mipango yake ya maendeleo.  Alifahamisha kuwa utiaji saini huo utaongeza ufanisi na wataalamu wa utafiti wa masuala ya mifugo lakini
Read more

Ibueni changamoto zinazokamisha usawa wa kijinsia - Simbaya

Image
NA MWANAISHA SHARIA, MOROGORO WAANDISHI wa habari wametakiwa kuendelea kuibua changamoto mbali mbali zinazowakabili wanawake ili wapate fursa za maendeleo zinazojitokeza nchini. Mkurugenzi wa Muungano wa Klabu za Waandishi wa Habari Tanzania (UTPC), Kenneth Simbaya alipokua akifungua mafunzo ya kuwajengea uwezo waandishi wa habari kuhusu kuandika habari za usawa wa kijinsia yaliyofanyika hoteli ya Flomi, mjini Morogoro. Amesema wandishi wa habari wana nguvu ya kufikisha ujumbe kwa jamii hivyo wana jukumu la kuhakikisha wanatoa elimu ya usawa wa kijinsia ili kutatua changamoto zilizopo. "Waandishi wa habari mtakapoibua kero za wanawake na kuzisemea mtaleta mabadiliko kwa wanawake hao lakini pia jamii nzima kwani kupitia kwao ukatili na ukandamizaji wanawake na watoto wa kike utaondoka”, alieleza Simbaya. Aidha Mkurugenzi huyo amewataka waandishi waliopatiwa mafunzo hayo kutumia vizuri elimu hiyo kwa kuandika habari na kuanda vipindi kuhusu usawa wa kijinsia ili kuleta mabadil
Read more

Uislam unakubali uzazi wa mpango

Image
NA MWAANDISHI MAALUM KWA muda mrefu, suala la uzazi wa mpango limekuwa na mjadala mrefu katika jamii na vyombo vya habarijuu ya kama jee ni sawa au linapingana na maelekezo ya dini ya Kiislamu? Maelezo yamekuwa mengi na yenye aina tafauti ya maelezo, lakini ukweli na uhakika ni kwamba dini ya Kiislamu haina pingamizi juu ya uzazi wa mpango kwa vile linasaidia mzazi na mtoto kuwa na afya bora. Sheikh Khamis Abdulhamid Mjumbe wa Baraza la Maulamaa Zanzibar, Sheikh Khamis Abdulhamid, amesema dini ya Kiislamu haijakataza  uzazi wa mpango ambao hauna na madhara kwa pande zote mbili. “Wakati Quran inashushwa Masahaba waliwahi kusema Quran haikutukataza kutumia njia ya mshindo (kumwanga maji ya uzazi nje) ili kupanga uzazi“, Sheikh Khamis alisemaa. Hata hivyo, aliongeza ni muhmu kwa wanawaume kujitahidi kufuatilia na kujipanga kupata elimu ili ndoa zao ziwe na furaha kwa kuweka utaratibu maalum wa kupata watoto. “Ikiwa mtu atasema ukikataa kuzaa nimekuacha basi hakika hio ni talaka ila hi
Read more