Polisi, wanahabari wakubaliana kushirikiana

NA MWANDISHI WETU

WAANDISHI wa habari na watendaji wa jeshi la polisi wameahidi kuendelea kushirikiana katika utendaji wa kazi zao kwa maslahi ya taifa.

Makubaliano hayo yalifikiwa katika mdahalo wa kitaaluma ulioyakutanisha makundi mawili hayo na kujadili wajibu na majukumu yao.

Mdahalo huo uliokuwa na maudhui ya usalama kwa waandishi wa habari na mahusiano kati ya waandishi wa Habari na jeshi la polisi, yaliyoandaliwa na Klabu ya Waandishi wa Habari Zanzibar (ZPC) kupitia  mradi wa usalama kwa wandishi wa habari unaotekelezwa na muungano wa klabu za waandishi wa Habari Tanzania (UTPC) na Shirika la International Media Support (IMS).

Akifungua mdahalo huo uliofanyika katika jengo la ZURA mjini Unguja, Mwenyekiti wa ZPC, Abdalla Adulrahman Mfaume, alisema jeshi la polisi lina wajibu wa kuhakikisha waandishi wa habari wanafanya kazi katika mazingira salama na kuhakikishiwa ulinzi.

Hata hivyo, alisema wakati mwengine hujitokeza changamoto zinazosababisha pande hizo mbili kutoaminiana hali inayopaswa kuondoka.

Licha ya changamoto hizo, alisema bado pande hizo mbili zinaendelea kushirikiana kuhakikisha jamii inapata taarifa stahiki na kwa wakati.

Akizingumza kwa niaba ya Kamanda wa Polisi mkoa wa Mjini Magharibi,  mkuu wa utawala wa jeshi la polisi mkoani humo, Kamishna Msaidizi wa Polisi,  Abubakar Khatib Ally, alisema mkutano huo ni fursa muhimu kwa waandishi wa habari na polisi kushirikiana na kujenga uhusiano mwema katika kazi zao.

Alisema licha ya tofauti zinazojitokeza bado pande hizo mbili zinahitaji kufanya kazi kwa pamoja katika kutoa taarifa kwa wananchi.

Hata hivyo, aliiomba ZPC kutumia mafunzo yanayoandaliwa na jeshi la polisi kwa askari wake kutoa mada kuhusu uhusiano mwema wa waandishi na jeshi la polisi ili ushirikiano uliopo uendelee.

Aidha wakiwasilisha mada kwenye mdahalo huo, Mwandishi mwandamizi wa habari, Dk. Saleh Yussuf Mnemo na ASP Ramadhan Himid Haji kutoka makao makuu ya polisi Zanzibar, walisisitiza umuhimu wa pande mbili hizo kushirikiana na  kuvumiliana katika utendaji kazi wa pande hizo mbili.

Walieleza kuwa licha ya kila taaluma kuwa na misingi yake, bado makundi hayo yanategemeana katika kukamilisha majukumu yao hivyo ipo haja ya kushirikiana kikamilifu.


Aidha waliiponeza waandaaji wa mdahalo huo kwa kutoa fursa wa watendaji wa pande zote mbili kujadili kwa pamoja changamoto na mafanikio yaliyopo hatua ambayo itasaidia kufikia malengo ya kuwa na Tanzania yenye amnani, utulivu na Uhuru wa kujieleza.

 

 

Comments

Post a Comment

Popular posts from this blog

ZALIRI, FLI zaingia makubaliano kuimariusha sekta mifugo

Image
NA MWANDISHI MAALUM, WKUMM WIZARA ya Kilimo Umwagiliaji, Maliasili na Mifugo imeeleza kuwa itaendelea kushirikiana na wadau mbali mbali kupitia taasisi zake kustawisha sekta ya kilimo na ufugaji. Waziri wa wizara hiyo, Shamata Shaame Khamis alieleza hayo baada ya kushuhudia utiaji saini ya makubaliano ya ushirikiano na kiutendaji kati ya Taasisi ya Utafiti wa Mifugo Zanzibar (ZALIRI) na taasisi ya Friedrich Loeffler Institut (FLI) ya nchini Ujerumani.  Katika hafla hiyo, Mkurugenzi Mkuu wa ZARILI, Talib Saleh Suleiman alitia saini kwa niaba ya taasisi hiyo na kwa upande wa  FLI, Mkurugenzi wa Institute of International Animal/One Health, Prof. Sascha Knauf aliiwakilisha taasisi yake. Waziri Shamata  alieleza kuwa  serikali ya Ujerumani imekuwa na ushirikiano wa karibu na serikali ya Jamhuri ya Muungano wa Tanzania na Serikali ya Mapinduzi  Zanzibar katika mipango yake ya maendeleo.  Alifahamisha kuwa utiaji saini huo utaongeza ufanisi na wataalamu wa utafiti wa masuala ya mifugo lakini
Read more

Ibueni changamoto zinazokamisha usawa wa kijinsia - Simbaya

Image
NA MWANAISHA SHARIA, MOROGORO WAANDISHI wa habari wametakiwa kuendelea kuibua changamoto mbali mbali zinazowakabili wanawake ili wapate fursa za maendeleo zinazojitokeza nchini. Mkurugenzi wa Muungano wa Klabu za Waandishi wa Habari Tanzania (UTPC), Kenneth Simbaya alipokua akifungua mafunzo ya kuwajengea uwezo waandishi wa habari kuhusu kuandika habari za usawa wa kijinsia yaliyofanyika hoteli ya Flomi, mjini Morogoro. Amesema wandishi wa habari wana nguvu ya kufikisha ujumbe kwa jamii hivyo wana jukumu la kuhakikisha wanatoa elimu ya usawa wa kijinsia ili kutatua changamoto zilizopo. "Waandishi wa habari mtakapoibua kero za wanawake na kuzisemea mtaleta mabadiliko kwa wanawake hao lakini pia jamii nzima kwani kupitia kwao ukatili na ukandamizaji wanawake na watoto wa kike utaondoka”, alieleza Simbaya. Aidha Mkurugenzi huyo amewataka waandishi waliopatiwa mafunzo hayo kutumia vizuri elimu hiyo kwa kuandika habari na kuanda vipindi kuhusu usawa wa kijinsia ili kuleta mabadil
Read more

Uislam unakubali uzazi wa mpango

Image
NA MWAANDISHI MAALUM KWA muda mrefu, suala la uzazi wa mpango limekuwa na mjadala mrefu katika jamii na vyombo vya habarijuu ya kama jee ni sawa au linapingana na maelekezo ya dini ya Kiislamu? Maelezo yamekuwa mengi na yenye aina tafauti ya maelezo, lakini ukweli na uhakika ni kwamba dini ya Kiislamu haina pingamizi juu ya uzazi wa mpango kwa vile linasaidia mzazi na mtoto kuwa na afya bora. Sheikh Khamis Abdulhamid Mjumbe wa Baraza la Maulamaa Zanzibar, Sheikh Khamis Abdulhamid, amesema dini ya Kiislamu haijakataza  uzazi wa mpango ambao hauna na madhara kwa pande zote mbili. “Wakati Quran inashushwa Masahaba waliwahi kusema Quran haikutukataza kutumia njia ya mshindo (kumwanga maji ya uzazi nje) ili kupanga uzazi“, Sheikh Khamis alisemaa. Hata hivyo, aliongeza ni muhmu kwa wanawaume kujitahidi kufuatilia na kujipanga kupata elimu ili ndoa zao ziwe na furaha kwa kuweka utaratibu maalum wa kupata watoto. “Ikiwa mtu atasema ukikataa kuzaa nimekuacha basi hakika hio ni talaka ila hi
Read more