ZBS yatekeleza agizo la Dk. Mwinyi kuwezesha wajasiriamali

NA MWANDISHI WETU

WAJASIRIAMALI nchini wametakiwa kuzingatia ushauri na maelekezo yanayotolewa na Taasisi ya Viwango Zanzibar (ZBS) ili kuimarisha uzalishaji na kuyafikia masoko.

Wito huo umetolewa na mkurugenzi mkuu wa taasisi hiyo, Yussuf Majid Nassor, katika hafla ya utoaji vyeti vya ithibati ubora kwa wajasiriamali, iliyofanyika katika ofisi za taasisi hiyo Amani, mjini Unguja.

Alieleza kuwa mchakato wa ukaguzi na kuwathibitisha wajasiriamali hao ni sehemu ya utekelezaji wa maagizo ya Rais wa Zanzibar na Mwenyekiti wa Baraza la Mapinduzi, Dk. Hussein Ali Mwinyi, aliyezitaka taasisi zinazohusika na wajasiriamali kuwasaidia na kuwaendeleza ili kukuza ajira nchini.

Alieleza kuwa kabla ya hatua hiyo, wajasiriamali kutoka vikundi 10 walipatiwa mafunzo na kufuatiliwa kuelekezwa namna ya kuzalisha bidhaa zenye ubora ambapo vikundi vinne vimekamilisha hatua zote na kupatiwa alama ya ubora ya ZBS.

“Hawa sita waliobakia bado tunaendelea kukamilisha hatua za kuimarisha maeneo yao ya uzalishaji na tunaamini kabla ya kufikia mwisho wa mwaka huu wa fedha watakuwa wamefikia viwango,” alieleza Yussuf.

Alifafanua kuwa katika kipindi cha uangalizi, mbali ya mafunzo ya kuwajengea uwezo, pia gharama za ukaguzi wa bidhaa zimepunguzwa kwa zaidi ya asilimia 90 ambapo aina moja ya bidhaa imelipiwa shilingi 50,000.

“Awali ili mtu afikie hatua ya kupatiwa cheti cha alama ya ubora, alitakiwa kulipa kati ya shilingi 720,000 na milioni moja lakini kupitia mpango huu, mjasiriamali analipa shilingi 50,000 pekee ili kuwahamasisha lakini pia kuwaendeleza,” aliongeza.

Akizungumza baada ya kupokea cheti hicho, mjasiriamali mzalishaji wa vipodozi asilia kutoka Zaydat Product, Tatu Suleiman, alieleza kuwa hatua hiyo itasaidia kuuza bidhaa zao katika masoko ya nje ya Zanzibar.

Naye mwakilishi wa kampuni ya Bedi Interprise ya Bopwe Wete Pemba, Ashura Khalifa Hamad, alieleza kuwa mchakato wa kufikia kupata cheti cha ubora umewaimarisha na kuishukuru serikali kupitia ZBS na SMIDA kwa kuwajengea uwezo.

Naye mwakilishi wa Mtule Amcos, mwalimu Khamis Seif Ali aliwahimiza wajasiriamali wenzake kufuata miongozo inayotolewa na taasisi hizo ili kuyafikia masoko ya ndani na nje na kwenye sekta ya utalii.

Aliongeza kuwa kufuatia hatua hiyo wamedhamiria kuanza usindikaji wa mazao ya ndimu pamoja na kuzalisha ‘tomato paste’ pamoja na ‘tomato paste’ wanayozalisha hivi sasa.

Vikundi vilivyopatiwa alama ya ubora ya ZBS katika hafla hiyo ni Zaydat Product, Mtule Amcos, Victory Group na Bedi Enterprises wakati vikundi vya Tushikamane Partnership, jukumu, SiPekeYangu Enterprises, Zanop, Ultrafine Products na Bopwe Vegetable & products vikiendelea na mchakato.

Comments

Post a Comment

Popular posts from this blog

ZALIRI, FLI zaingia makubaliano kuimariusha sekta mifugo

Image
NA MWANDISHI MAALUM, WKUMM WIZARA ya Kilimo Umwagiliaji, Maliasili na Mifugo imeeleza kuwa itaendelea kushirikiana na wadau mbali mbali kupitia taasisi zake kustawisha sekta ya kilimo na ufugaji. Waziri wa wizara hiyo, Shamata Shaame Khamis alieleza hayo baada ya kushuhudia utiaji saini ya makubaliano ya ushirikiano na kiutendaji kati ya Taasisi ya Utafiti wa Mifugo Zanzibar (ZALIRI) na taasisi ya Friedrich Loeffler Institut (FLI) ya nchini Ujerumani.  Katika hafla hiyo, Mkurugenzi Mkuu wa ZARILI, Talib Saleh Suleiman alitia saini kwa niaba ya taasisi hiyo na kwa upande wa  FLI, Mkurugenzi wa Institute of International Animal/One Health, Prof. Sascha Knauf aliiwakilisha taasisi yake. Waziri Shamata  alieleza kuwa  serikali ya Ujerumani imekuwa na ushirikiano wa karibu na serikali ya Jamhuri ya Muungano wa Tanzania na Serikali ya Mapinduzi  Zanzibar katika mipango yake ya maendeleo.  Alifahamisha kuwa utiaji saini huo utaongeza ufanisi na wataalamu wa utafiti wa masuala ya mifugo lakini
Read more

Ibueni changamoto zinazokamisha usawa wa kijinsia - Simbaya

Image
NA MWANAISHA SHARIA, MOROGORO WAANDISHI wa habari wametakiwa kuendelea kuibua changamoto mbali mbali zinazowakabili wanawake ili wapate fursa za maendeleo zinazojitokeza nchini. Mkurugenzi wa Muungano wa Klabu za Waandishi wa Habari Tanzania (UTPC), Kenneth Simbaya alipokua akifungua mafunzo ya kuwajengea uwezo waandishi wa habari kuhusu kuandika habari za usawa wa kijinsia yaliyofanyika hoteli ya Flomi, mjini Morogoro. Amesema wandishi wa habari wana nguvu ya kufikisha ujumbe kwa jamii hivyo wana jukumu la kuhakikisha wanatoa elimu ya usawa wa kijinsia ili kutatua changamoto zilizopo. "Waandishi wa habari mtakapoibua kero za wanawake na kuzisemea mtaleta mabadiliko kwa wanawake hao lakini pia jamii nzima kwani kupitia kwao ukatili na ukandamizaji wanawake na watoto wa kike utaondoka”, alieleza Simbaya. Aidha Mkurugenzi huyo amewataka waandishi waliopatiwa mafunzo hayo kutumia vizuri elimu hiyo kwa kuandika habari na kuanda vipindi kuhusu usawa wa kijinsia ili kuleta mabadil
Read more

Uislam unakubali uzazi wa mpango

Image
NA MWAANDISHI MAALUM KWA muda mrefu, suala la uzazi wa mpango limekuwa na mjadala mrefu katika jamii na vyombo vya habarijuu ya kama jee ni sawa au linapingana na maelekezo ya dini ya Kiislamu? Maelezo yamekuwa mengi na yenye aina tafauti ya maelezo, lakini ukweli na uhakika ni kwamba dini ya Kiislamu haina pingamizi juu ya uzazi wa mpango kwa vile linasaidia mzazi na mtoto kuwa na afya bora. Sheikh Khamis Abdulhamid Mjumbe wa Baraza la Maulamaa Zanzibar, Sheikh Khamis Abdulhamid, amesema dini ya Kiislamu haijakataza  uzazi wa mpango ambao hauna na madhara kwa pande zote mbili. “Wakati Quran inashushwa Masahaba waliwahi kusema Quran haikutukataza kutumia njia ya mshindo (kumwanga maji ya uzazi nje) ili kupanga uzazi“, Sheikh Khamis alisemaa. Hata hivyo, aliongeza ni muhmu kwa wanawaume kujitahidi kufuatilia na kujipanga kupata elimu ili ndoa zao ziwe na furaha kwa kuweka utaratibu maalum wa kupata watoto. “Ikiwa mtu atasema ukikataa kuzaa nimekuacha basi hakika hio ni talaka ila hi
Read more