KILELE SIKU YA VIWANGO AFRIKA

Uzalishaji, usafirishaji bidhaa uzingatie viwango kulinda afya

NA MWANDISHI WETU

WAZIRI wa Biashara na Maendeleo ya Viwanda, Omar Said Shaaban, ameeleza kuwa katika kushajihisha ukuaji wa biashara, uzalishaji, uagiziaji na usafirishaji bidhaa unapaswa kuzingatia viwango na ubora vilivyowekwa.

Alieleza hayo jana katika hotuba iliyosomwa kwa niaba yake na Katibu Mtendaji wa Baraza la Leseni Zanzibar, Rashid Ali Salim, katika kilele cha maadhimisho ya siku ya viwango Afrika iliyoadhimishwa ukumbi wa Dk. Ali Mohamed Shein katika jengo la mamlaka ya udhibiti wa maji na nishati Zanzibar (ZURA).

Alieleza kuwa bidhaa zenye viwango, zinazokubalika katika biashara za kimataifa kwani zina uhakika wa kulinda afya za watumiaji na mazingira.

Alieleza kuwa utumiaji wa bidhaa zilizo chini ya kiwango hupelekea athari nyingi zikiwemo za kimazingira na kuzagaa ovyo kwa takataka zinazotokana na bidhaa hizo.

Aidha aliwakumbusha viongozi na watendaji wa Taasisi ya Viwango Zanzibar (ZBS) kufanyakazi kwa bidii, ubunifu, uaminifu na kujiamini zaidi katika kusimamia majukumu waliyopewa kwa mujibu wa sheria.

Waziri huyo pia aliwataka wafanyabiashara kushirikiana kikamilifu na ZBS ili kuhakikisha bidhaa zinazoingizwa nchini zinakidhi matakwa ya viwango kulinda afya na usalama wa watumiaji.

Akizungumzia maadhimisho hayo, mkurugenzi mkuu wa ZBS, Yusuph Majid Nassor, alieleza kuwa taasisi hiyo imekuwa ikiadhimisha siku hiyo kwa mashindano ya insha kwa wanafunzi wa vyuo vikuu na taasisi za elimu ya juu.

Alieleza kuwa hatua hiyo inakusudia kujenga uelewa wa jamii juu ya viwango kulingana na maudhui yaliyopangwa na Shirika la Viwango Afrika (ARSO).

“ZBS (Taasisi ya viwango Zanzibar) ni mwanachama mwangalizi wa ARSO na kwa miaka minne sasa tumekuwa tukishiriki katika mashindano ya insha ambazo huwa na ujumbe wa kuhamasisha matumizi ya viwango,” alieleza Yussuph.

Akiwasilisha taarifa kuhusu shindano la insha kwa mwaka huu, Mkurugenzi Idara ya viwango wa ZBS, alisema jumla ya washiriki 52 kutoka vyuo 14 waliwasilisha kazi zao na kupatikana washindi watano.

Hafsa alieleza kuwa maudhui ya insha hizo ni ‘Jukumu la viwango katika kutatua na kubaini masuala ya kiuchumi na kijamii kwa wahamiaji, wanaorejea majumbani kutafuta ufumbuzi kwa uhamaji wa kulazimishwa barani Afrika’.

Kwa upande wake Mwenyekiti wa bodi ya wakurugenzi ya ZBS, Mwanaisha Abdallah Saleh, aliwapongeza washiriki wa shindano hilo na kuwaomba kuwa mabalozi wa kutangaza umuhimu wa viwango kwa maisha ya wananchi na mazingira.

Washindi watatu wa juu wa shindano hilo, makala zao zitashindanishwa na wawakilishi wa nchi nyengine kupata mshindi wa kanda ya Afrika atakaetangazwa katika mkutano mkuu wa shirika la viwango Afrika (ARSO) ambapo katika mwaka uliopita Zanzibar ilishika nafasi ya saba kanda ya Afrika.

KATIBU Mtendaji wa Baraza la Leseni Zanzibar, Rashid Ali Salim (wa pili kulia) akikabidhi kwa niaba ya Waziri wa Biashara na Maendeleo ya Viwanda, Omar Said Shaaban, mshindi wa kwanza wa shindano la insha kuhusu viwango barani Afrika Maryam Rajab Athuman lililoandaliwa na Taasisi ya Viwango Zanzibar (ZBS). Kulia ni Mwenyekiti wa bodi ya wakurugenzi wa ZBS, Mwanaisha Abdallah Saleh na kushoto ni Mkurugenzi Mkuu wa ZBS, Yusuph Majid Nassor. 

KATIBU Mtendaji wa Baraza la Leseni Zanzibar, Rashid Ali Salim (katikati waliokaa) akiwa katika picha ya pamoja na washindi wa shindano la insha kuhusu viwango barani Afrika lililoandaliwa na Taasisi ya Viwango Zanzibar (ZBS). Kulia ni Mwenyekiti wa Bodi ya Wakurugenzi wa ZBS, Mwanaisha Abdallah Saleh na kushoto ni mkurugenzi wa ZBS, Yusuph Majid Nassor. (PICHA NA MWINYIMVUA NZUKWI).


Comments

Post a Comment

Popular posts from this blog

ZALIRI, FLI zaingia makubaliano kuimariusha sekta mifugo

Image
NA MWANDISHI MAALUM, WKUMM WIZARA ya Kilimo Umwagiliaji, Maliasili na Mifugo imeeleza kuwa itaendelea kushirikiana na wadau mbali mbali kupitia taasisi zake kustawisha sekta ya kilimo na ufugaji. Waziri wa wizara hiyo, Shamata Shaame Khamis alieleza hayo baada ya kushuhudia utiaji saini ya makubaliano ya ushirikiano na kiutendaji kati ya Taasisi ya Utafiti wa Mifugo Zanzibar (ZALIRI) na taasisi ya Friedrich Loeffler Institut (FLI) ya nchini Ujerumani.  Katika hafla hiyo, Mkurugenzi Mkuu wa ZARILI, Talib Saleh Suleiman alitia saini kwa niaba ya taasisi hiyo na kwa upande wa  FLI, Mkurugenzi wa Institute of International Animal/One Health, Prof. Sascha Knauf aliiwakilisha taasisi yake. Waziri Shamata  alieleza kuwa  serikali ya Ujerumani imekuwa na ushirikiano wa karibu na serikali ya Jamhuri ya Muungano wa Tanzania na Serikali ya Mapinduzi  Zanzibar katika mipango yake ya maendeleo.  Alifahamisha kuwa utiaji saini huo utaongeza ufanisi na wataalamu wa utafiti wa masuala ya mifugo lakini
Read more

Ibueni changamoto zinazokamisha usawa wa kijinsia - Simbaya

Image
NA MWANAISHA SHARIA, MOROGORO WAANDISHI wa habari wametakiwa kuendelea kuibua changamoto mbali mbali zinazowakabili wanawake ili wapate fursa za maendeleo zinazojitokeza nchini. Mkurugenzi wa Muungano wa Klabu za Waandishi wa Habari Tanzania (UTPC), Kenneth Simbaya alipokua akifungua mafunzo ya kuwajengea uwezo waandishi wa habari kuhusu kuandika habari za usawa wa kijinsia yaliyofanyika hoteli ya Flomi, mjini Morogoro. Amesema wandishi wa habari wana nguvu ya kufikisha ujumbe kwa jamii hivyo wana jukumu la kuhakikisha wanatoa elimu ya usawa wa kijinsia ili kutatua changamoto zilizopo. "Waandishi wa habari mtakapoibua kero za wanawake na kuzisemea mtaleta mabadiliko kwa wanawake hao lakini pia jamii nzima kwani kupitia kwao ukatili na ukandamizaji wanawake na watoto wa kike utaondoka”, alieleza Simbaya. Aidha Mkurugenzi huyo amewataka waandishi waliopatiwa mafunzo hayo kutumia vizuri elimu hiyo kwa kuandika habari na kuanda vipindi kuhusu usawa wa kijinsia ili kuleta mabadil
Read more

Uislam unakubali uzazi wa mpango

Image
NA MWAANDISHI MAALUM KWA muda mrefu, suala la uzazi wa mpango limekuwa na mjadala mrefu katika jamii na vyombo vya habarijuu ya kama jee ni sawa au linapingana na maelekezo ya dini ya Kiislamu? Maelezo yamekuwa mengi na yenye aina tafauti ya maelezo, lakini ukweli na uhakika ni kwamba dini ya Kiislamu haina pingamizi juu ya uzazi wa mpango kwa vile linasaidia mzazi na mtoto kuwa na afya bora. Sheikh Khamis Abdulhamid Mjumbe wa Baraza la Maulamaa Zanzibar, Sheikh Khamis Abdulhamid, amesema dini ya Kiislamu haijakataza  uzazi wa mpango ambao hauna na madhara kwa pande zote mbili. “Wakati Quran inashushwa Masahaba waliwahi kusema Quran haikutukataza kutumia njia ya mshindo (kumwanga maji ya uzazi nje) ili kupanga uzazi“, Sheikh Khamis alisemaa. Hata hivyo, aliongeza ni muhmu kwa wanawaume kujitahidi kufuatilia na kujipanga kupata elimu ili ndoa zao ziwe na furaha kwa kuweka utaratibu maalum wa kupata watoto. “Ikiwa mtu atasema ukikataa kuzaa nimekuacha basi hakika hio ni talaka ila hi
Read more