Andikeni habari zinazochochea ulipaji kodi kwa hiyari – ZRB

NA MWANDISHI MAALUM

KAMISHNA wa Bodi ya Mapato Zanzibar (ZRB), Yussuf Juma Mwenda (pichani), ameviomba vyombo vya habari kuandika habari zinazochocheo ulipaji kodi kwa hiyari.

Mwenda alitoa rai hiyo alipokutana na baadhi ya wajumbe wa kamati ya maandalizi ya tunzo za umahiri wa uandishi wa habari Zanzibar (EJAZ) na maadhimisho ya siku ya uhuru wa habari duniani (WPFD), ofisini kwake Mazizini Unguja.

Alieleza kuwa pamoja na juhudi zinazofanywa na vyombo vya habari kuelimisha jamii, mkazo zaidi unapaswa kuwekwa kwenye kuhamasisha matumizi ya mashine za kutolea risiti za kielektroniki ili kuongeza ufanisi kwenye ukusanyaji wa kodi za serikali na biashara nchini.

Aliongeza kuwa waandishi wa habari pia wanaweza kuandika habari zitakazoonesha umuhimu na faida ya kodi kwa wananchi ili wawe na utamaduni wa kudai na kutoa risiti wanapofanya mauziano.

"Tungependa kupitia habari zenu mtushauri namna gani tunaweza kuifanya ZBR ikawa ni 'most efficency tax board in Africa' na namna gani Zanzibar itaongeza mapato ya kodi lakini pia kuibua vyanzo vipya," alieleza Mwenda.

Wajumbe wa Kamati hiyo, Salma Said na Farouk Karim mbali ya kumpongeza Kamishna huyo kwa kuteuliwa kushika wadhifa huo, walieleza kuwa waandishi wa habari kupitia jumuiya zao, wanathamini mchango wa taasisi hiyo katika kukuza uchumi wa Zanzibar na watu wake.

Aidha wajumbe hao walimuahidi Kamishna huyo kwamba, wataendelea kuhamasisha jamii kupitia vyombo vya habari kulipa kodi kwa hiyari sambamba na kujengeana uwezo ili kufanya kazi kwa ufanisi zaidi.

"Tumekua tukishirikiana na taasisi yako kwa muda mrefu lakini tunataka kukuhakikishia kwamba tutaendelea kufanya hivyo kwa kutambua ukubwa na umuhimu wa kazi mnayoifanya kwa maslahi ya nchi yetu," alisema Karim ambae ni Mwenyekiti wa Kamati hiyo.

Ziara ya wajumbe hao ni sehemu ya maandalizi ya tunzo na maadhimisho hayo yatakayofanyika mwezi ujao ambapo jana (Aprili 12, 2022) mchana Makamu Mwenyekiti wa Kamati Dk.  Mzuri Issa,  aliongoza kikao kilichojadili maswala mbali mbali ya kufanikisha shughuli hizo.

Kamati inayoratibu shughuli hizo inaundwa na wajumbe kutoka Baraza la Habari Tanzania (MCT), Chama cha Wanahabari Wanawake Tanzania (TAMWA Zanzibar), Klabu ya Waandishi wa Habari Zanzibar (ZPC), Klabu ya Waandishi wa Habari Pemba (PPC), Jumuiya ya Waandishi wa Habari za Maendeleo Zanzibar (WAHAMAZA) na Chuo Kikuu cha Taifa Zanzibar (SUZA) kupitia Idara ya mafunzo ya uandishi wa habari na mawasiliano ya umma.

Comments

Post a Comment

Popular posts from this blog

ZALIRI, FLI zaingia makubaliano kuimariusha sekta mifugo

Image
NA MWANDISHI MAALUM, WKUMM WIZARA ya Kilimo Umwagiliaji, Maliasili na Mifugo imeeleza kuwa itaendelea kushirikiana na wadau mbali mbali kupitia taasisi zake kustawisha sekta ya kilimo na ufugaji. Waziri wa wizara hiyo, Shamata Shaame Khamis alieleza hayo baada ya kushuhudia utiaji saini ya makubaliano ya ushirikiano na kiutendaji kati ya Taasisi ya Utafiti wa Mifugo Zanzibar (ZALIRI) na taasisi ya Friedrich Loeffler Institut (FLI) ya nchini Ujerumani.  Katika hafla hiyo, Mkurugenzi Mkuu wa ZARILI, Talib Saleh Suleiman alitia saini kwa niaba ya taasisi hiyo na kwa upande wa  FLI, Mkurugenzi wa Institute of International Animal/One Health, Prof. Sascha Knauf aliiwakilisha taasisi yake. Waziri Shamata  alieleza kuwa  serikali ya Ujerumani imekuwa na ushirikiano wa karibu na serikali ya Jamhuri ya Muungano wa Tanzania na Serikali ya Mapinduzi  Zanzibar katika mipango yake ya maendeleo.  Alifahamisha kuwa utiaji saini huo utaongeza ufanisi na wataalamu wa utafiti wa masuala ya mifugo lakini
Read more

Ibueni changamoto zinazokamisha usawa wa kijinsia - Simbaya

Image
NA MWANAISHA SHARIA, MOROGORO WAANDISHI wa habari wametakiwa kuendelea kuibua changamoto mbali mbali zinazowakabili wanawake ili wapate fursa za maendeleo zinazojitokeza nchini. Mkurugenzi wa Muungano wa Klabu za Waandishi wa Habari Tanzania (UTPC), Kenneth Simbaya alipokua akifungua mafunzo ya kuwajengea uwezo waandishi wa habari kuhusu kuandika habari za usawa wa kijinsia yaliyofanyika hoteli ya Flomi, mjini Morogoro. Amesema wandishi wa habari wana nguvu ya kufikisha ujumbe kwa jamii hivyo wana jukumu la kuhakikisha wanatoa elimu ya usawa wa kijinsia ili kutatua changamoto zilizopo. "Waandishi wa habari mtakapoibua kero za wanawake na kuzisemea mtaleta mabadiliko kwa wanawake hao lakini pia jamii nzima kwani kupitia kwao ukatili na ukandamizaji wanawake na watoto wa kike utaondoka”, alieleza Simbaya. Aidha Mkurugenzi huyo amewataka waandishi waliopatiwa mafunzo hayo kutumia vizuri elimu hiyo kwa kuandika habari na kuanda vipindi kuhusu usawa wa kijinsia ili kuleta mabadil
Read more

Uislam unakubali uzazi wa mpango

Image
NA MWAANDISHI MAALUM KWA muda mrefu, suala la uzazi wa mpango limekuwa na mjadala mrefu katika jamii na vyombo vya habarijuu ya kama jee ni sawa au linapingana na maelekezo ya dini ya Kiislamu? Maelezo yamekuwa mengi na yenye aina tafauti ya maelezo, lakini ukweli na uhakika ni kwamba dini ya Kiislamu haina pingamizi juu ya uzazi wa mpango kwa vile linasaidia mzazi na mtoto kuwa na afya bora. Sheikh Khamis Abdulhamid Mjumbe wa Baraza la Maulamaa Zanzibar, Sheikh Khamis Abdulhamid, amesema dini ya Kiislamu haijakataza  uzazi wa mpango ambao hauna na madhara kwa pande zote mbili. “Wakati Quran inashushwa Masahaba waliwahi kusema Quran haikutukataza kutumia njia ya mshindo (kumwanga maji ya uzazi nje) ili kupanga uzazi“, Sheikh Khamis alisemaa. Hata hivyo, aliongeza ni muhmu kwa wanawaume kujitahidi kufuatilia na kujipanga kupata elimu ili ndoa zao ziwe na furaha kwa kuweka utaratibu maalum wa kupata watoto. “Ikiwa mtu atasema ukikataa kuzaa nimekuacha basi hakika hio ni talaka ila hi
Read more