Ujerumani kusaidia utafiti wa maji Z'bar

ZANZIBAR

SERIKALI ya Mapinduzi ya Zanzibar (SMZ) na Serikali ya Shirikisho la Ujerumani zimetiliana saini mkataba wa ruzuku ya utafiti na upembuzi yakinifu katika sekta ya maji unaolenga kujua ubora na wingi wa maji yanayopatikana Zanzibar.


Katibu Mkuu wa Wizara ya Nchi Ofisi ya Rais, Fedha na Mipango, Dk. Juma Malik Akil (kulia), akisaini makubaliano ya ruruku kwenye utafiti na upewa majihayo pamoja na Mkurugenzi Mkuu wa Mamlaka ya Maji Zanzibar (ZAWA), Dk. Salha Kassim (kushoto) na Naibu Mkuu wa Shirika la Maendeleo ya Kibenki la Ujerumani, Andrea Hoeltke (katikati).

Balozi wa Ujerumani nchini Tanzania, Johannes Sperrfechter ameishukuru Serikali ya Mapinduzi Zanzibar kwa juhudi na ushirikiano wao ambao unalenga kujenga maisha bora ya Wazanzibari.

Alisema hatua hiyo ni mwendelezo wa ushirikiano mpya wa kimaendeleo kati ya Ujerumani na Zanzibar uliozinduliwa mwezi Januari 2022 kwa pamoja na Rais wa Zanzibar na Mwenyekiti wa Baraza la Mapinduzi, Dk. Hussein Ali Mwinyi na Balozi wa Ujerumani.

Katika uzinduzi huo, ujerumani iliahidi kuisaidia Zanzibar katika maeneo mbali mbali yakiwemo ya uimarishaji wa sekta zinazohusiana na maisha ya watu.

Balozi Johannes alisema mchakato wa utafiti na upembuzi yakinifu umeshaanza na masharti ya mkataba yanakaribia kukamilika ambapo mamlaka ya Maji Zanzibar (ZAWA) na wadau wengine wa maendeleo  watahakikisha wanaongeza ufanisi.

“Matarajio yetu kupitia mpango huu ni kupata maarifa muhimu ya usimamizi endelevu wa rasilimali za maji Zanzibar kwa kufanya utafiti wa maji yaliyopo chini ya ardhi,” amesema balozi Johannes.

Kwa upande wake Waziri wa Nchi, Ofisi ya Rais, Fedha na Mipango, Dk. Saada Mkuya Salum alisema Zanzibar pamoja na kuwa ni nchi ya visiwa lakini imekuwa ikibabiliwa na changamoto ya maji kwa wananchi wake.

Alisema kutokana na hali hiyo ndipo Serikali ya Ujerumani imekubali kuwapatia msaada wa Euro milioni 6.6 sawa na shilingi Bilioni 1.7 za Tanzania zitakazotumika kwa utafiti huo pamoja na mambo mengine yanayolenga kujua ukubwa wa tatizo hilo nchini.

Aliipongeza serikali ya Ujerumani kwa kuamua kusaidia mradi huo ambao Zanzibar inakwenda kutekeleza kwa vitendo mpango wa maendeleo wa miaka mitatu na mpango mkuu wa 2025 unaolenga kuimarisha upatikanaji wa maji safi na salama Zanzibar.

“Kwa upande wetu Serikali tutausimamia utekelezaji wa mradi huu utakaotekelezwa maeneo mbali mbali ya na kuhakikisha tunafikia malengo tuliyojiwekea,” alisema.

Hafla ya utiaji wa saini ilifanyika katika ofisi za Benki Kuu ya Tanzania (BOT), Kinazini Zanzibar na kushuhudiwa na viongozi hao wa serikali ya Zanzibar na Ubalozi wa Ujerumani nchini.  


Comments

Post a Comment

Popular posts from this blog

ZALIRI, FLI zaingia makubaliano kuimariusha sekta mifugo

Image
NA MWANDISHI MAALUM, WKUMM WIZARA ya Kilimo Umwagiliaji, Maliasili na Mifugo imeeleza kuwa itaendelea kushirikiana na wadau mbali mbali kupitia taasisi zake kustawisha sekta ya kilimo na ufugaji. Waziri wa wizara hiyo, Shamata Shaame Khamis alieleza hayo baada ya kushuhudia utiaji saini ya makubaliano ya ushirikiano na kiutendaji kati ya Taasisi ya Utafiti wa Mifugo Zanzibar (ZALIRI) na taasisi ya Friedrich Loeffler Institut (FLI) ya nchini Ujerumani.  Katika hafla hiyo, Mkurugenzi Mkuu wa ZARILI, Talib Saleh Suleiman alitia saini kwa niaba ya taasisi hiyo na kwa upande wa  FLI, Mkurugenzi wa Institute of International Animal/One Health, Prof. Sascha Knauf aliiwakilisha taasisi yake. Waziri Shamata  alieleza kuwa  serikali ya Ujerumani imekuwa na ushirikiano wa karibu na serikali ya Jamhuri ya Muungano wa Tanzania na Serikali ya Mapinduzi  Zanzibar katika mipango yake ya maendeleo.  Alifahamisha kuwa utiaji saini huo utaongeza ufanisi na wataalamu wa utafiti wa masuala ya mifugo lakini
Read more

Ibueni changamoto zinazokamisha usawa wa kijinsia - Simbaya

Image
NA MWANAISHA SHARIA, MOROGORO WAANDISHI wa habari wametakiwa kuendelea kuibua changamoto mbali mbali zinazowakabili wanawake ili wapate fursa za maendeleo zinazojitokeza nchini. Mkurugenzi wa Muungano wa Klabu za Waandishi wa Habari Tanzania (UTPC), Kenneth Simbaya alipokua akifungua mafunzo ya kuwajengea uwezo waandishi wa habari kuhusu kuandika habari za usawa wa kijinsia yaliyofanyika hoteli ya Flomi, mjini Morogoro. Amesema wandishi wa habari wana nguvu ya kufikisha ujumbe kwa jamii hivyo wana jukumu la kuhakikisha wanatoa elimu ya usawa wa kijinsia ili kutatua changamoto zilizopo. "Waandishi wa habari mtakapoibua kero za wanawake na kuzisemea mtaleta mabadiliko kwa wanawake hao lakini pia jamii nzima kwani kupitia kwao ukatili na ukandamizaji wanawake na watoto wa kike utaondoka”, alieleza Simbaya. Aidha Mkurugenzi huyo amewataka waandishi waliopatiwa mafunzo hayo kutumia vizuri elimu hiyo kwa kuandika habari na kuanda vipindi kuhusu usawa wa kijinsia ili kuleta mabadil
Read more

Uislam unakubali uzazi wa mpango

Image
NA MWAANDISHI MAALUM KWA muda mrefu, suala la uzazi wa mpango limekuwa na mjadala mrefu katika jamii na vyombo vya habarijuu ya kama jee ni sawa au linapingana na maelekezo ya dini ya Kiislamu? Maelezo yamekuwa mengi na yenye aina tafauti ya maelezo, lakini ukweli na uhakika ni kwamba dini ya Kiislamu haina pingamizi juu ya uzazi wa mpango kwa vile linasaidia mzazi na mtoto kuwa na afya bora. Sheikh Khamis Abdulhamid Mjumbe wa Baraza la Maulamaa Zanzibar, Sheikh Khamis Abdulhamid, amesema dini ya Kiislamu haijakataza  uzazi wa mpango ambao hauna na madhara kwa pande zote mbili. “Wakati Quran inashushwa Masahaba waliwahi kusema Quran haikutukataza kutumia njia ya mshindo (kumwanga maji ya uzazi nje) ili kupanga uzazi“, Sheikh Khamis alisemaa. Hata hivyo, aliongeza ni muhmu kwa wanawaume kujitahidi kufuatilia na kujipanga kupata elimu ili ndoa zao ziwe na furaha kwa kuweka utaratibu maalum wa kupata watoto. “Ikiwa mtu atasema ukikataa kuzaa nimekuacha basi hakika hio ni talaka ila hi
Read more